ما هى احسن كلية ادبية من حيث الشغل ؟؟؟

[زبادو]

واقتصاد وعلوم سياسية مش زى تجارة انجليزى خالص لو زيها مكنتش دخلت اصلا تجارة انجليزى لان الشغل فى تجارة انجليزى مش محتاج قريبك يكون سفير وغير كده انا ليا صاحبتى داخلة تجارة انجليزى جايبة 97 ادبي عشان لاغية فكرة سياسة واقتصاد اصلا ملقهاش مستقبل خلاص هتطلع ايه يعنى

[masr2569]

انا برضة شايف سياحة وفنادق ده ليهم مجالات كتييييير اوى فى الشغل وكمان بياخدوا لغات

[halem]

السن طبعا و بعدها تجاره

[lolo eid]

كلية تربية احسن كلية من راي لانها هي اللي بطلع الاجيال

[mostafa1991]

المشاركة الأصلية كتبت بواسطة زبادو

سياسة واقتصاد اصلا ملهاش شغل واسال مجرب انا عندى ولاد خالتى خرجين سياسة واقتصاد وبلا فخر قاعدين فى البيت قسم انجليزى مع ان ابن خالتى جايب تقدير جيد جدا بس عمرى منصحها انا شايفة ان الاول سياحة وفنادق بعد كده السن بعد كده اعلام بعد كده سياسة واقتصاد وبعد كده اثار ده لو اخر حاجة

معلش يعنى ازاى اعلى كلية فى ادبى ملهاش شغل يعنى مش فاهم واللة على فكرة ممكن تكون سياسة شغلها محدود انما اقتصاد شغلة متفرع جدا ممكن فى البنوك الخارجية(واسطة)وسورى يعنى محدش يزعل مفيش اساسا وجهة مقارنة بين اقتصاد انجلش وتجارة انجلش ودى حاجة معروفة يعنى انا واللة مش فاهم تجارة احسن من اقتصاد ازاى يعنى جديدة دى بس ممكن تكونى متحيزلها علشان انتى فيها واكيد كل واحد بيحب كليتة انما مش لدرجة ان اعلى كلية فى ادبى (التوب)تبقى ملهاش مستقبل
بالتوفيق

[زبادو]

لا ثانية انا اصلا مخنوقة من الكلية ومجموعى اعلى منها بكتير بس اللى مخلانى مستحملاها ان شغلها كتير وعادى اعلى كلية فى ادبي ماثار من كليات القمة وانت شايف يعنى بيشتغلوا وسورى انت كمان فى سياسة واقتصاد وباين انك منحاز ليها لانك لو سالت اى واحد عن سياسة واقتصاد شوف هيقولك ايه وشكرا

[زبادو]

سورى والحكاية مش بكلية قمة او لا تبقى لما اثار تبقى قبل السن هتقول لا يعنى اثار احسن من السن سورى حضرتك حاسبها غلطططططططططططططط خالص وشكرا انا معايا ناس جايبة 98 ومردوش يدخلوا سياسة واقتصاد وناس مع اختى التؤم فى السن قالوا هنعمل ايه بسياسة واقتصاد لا باين اوى انك المنحاز لكليتك انت بتقول انى منحازة عشان انت بتفكر فى كده حاجة موجودة فيك اصلا

[زبادو]

وهى اعلى كلية فى ادبي عشان طالبين فيها عدد قليل يعنى اللى بيخشوها 250 واحد تقريبا لكن تجارة انجليزى الف يعنى متقارنش اصلا لو تجارة انجليزى زى سياسة واقتصاد مكنتش دخلتها اصلا

[زبادو]

ولو بتقارن بين تجارة انجليزى وسياسة واقتصاد من حيث الشغل جاوبنى على سؤال انت لو خريج سياسة واقتصاد ينفع تشتغل فى بنك او فى علاقات عامة او فى شركة بتقول تبقى فى السلك الدبلوماسي ده عاوز واسطة طبعا غير كده ولا حاجة وانا مش معترفة انهم يحطوها كلية قمة وحتى بنستغرب على كده

[Tomorrow might not come]

على فكرة مش حكاية احسن كلية بس اللى بيحب كلية معينة يبقى دى احسن كلية عنده وشكرا على الموضوع

[amirab2008]

بصوا يا جماعة طبيعى أى حد حيقول الكلية اللى فيها لأنه هو اللى أختارها و الشغل ده حاجة بتاعة ربنا مش بخريج إيه
هو طبعا الكلية الصح بتديك الدفعة فى المستقبل الكويس بس الرك على الإجتهاد

بس للى بيقول مفيش وجه مقارنة بين تجارة إنجلش و سياسة و إقتصاد أحب أقوله إن مجموعى اتاحلى أنى أختار براحتى بين سياسة و إعلام و تجارة إنجلش
و الحمد لله دخلت تجارة إنجلش لأن الكل و منهم دكاترة جامعة و شغالين فى مجال الجامعات قالولى إن تجارة إنجلش أحسن كتير من قسم إقتصاد إنجلش فى سياسة و إقتصاد لأننا بناخد نفس المناهج و إضافات تانية بتيح لينا نشتغل شغل هما من بيشتغلوه
و بعدين مش معنى أنها بتاخد أعلى مجموع يبقى هى أحلى كلية لأ ده معاناها أنها بتاخد عدد قليل ز لو تجارة إنجلش خدت عددها حتبقى أعلى منها

ده حتى تجارة عربى لو خدت عدد كلية إعلام و لا سياسة و إقتصاد كانت جابت مجموع طب
فالموضوع مش موضوع مجموع ابدا
و النهاية كل واحد ختار الكلية اللى حبها و ربنا يوفقنا كلنا

[mostafa1991]

المشاركة الأصلية كتبت بواسطة amirab2008

بصوا يا جماعة طبيعى أى حد حيقول الكلية اللى فيها لأنه هو اللى أختارها و الشغل ده حاجة بتاعة ربنا مش بخريج إيه
هو طبعا الكلية الصح بتديك الدفعة فى المستقبل الكويس بس الرك على الإجتهاد

بس للى بيقول مفيش وجه مقارنة بين تجارة إنجلش و سياسة و إقتصاد أحب أقوله إن مجموعى اتاحلى أنى أختار براحتى بين سياسة و إعلام و تجارة إنجلش
و الحمد لله دخلت تجارة إنجلش لأن الكل و منهم دكاترة جامعة و شغالين فى مجال الجامعات قالولى إن تجارة إنجلش أحسن كتير من قسم إقتصاد إنجلش فى سياسة و إقتصاد لأننا بناخد نفس المناهج و إضافات تانية بتيح لينا نشتغل شغل هما من بيشتغلوه
و بعدين مش معنى أنها بتاخد أعلى مجموع يبقى هى أحلى كلية لأ ده معاناها أنها بتاخد عدد قليل ز لو تجارة إنجلش خدت عددها حتبقى أعلى منها

ده حتى تجارة عربى لو خدت عدد كلية إعلام و لا سياسة و إقتصاد كانت جابت مجموع طب
فالموضوع مش موضوع مجموع ابدا
و النهاية كل واحد ختار الكلية اللى حبها و ربنا يوفقنا كلنا

باتوفيق جميعا كل واحد مقتنع بكليتة ومحدش حيعرف يقنعة بغيرها مادام كل واحد مستريح فى كليتة خلاص
بالتوفيق

[ashraf abdo]

انا شايف اللي معاه لغة يقدر يشتغل بسرعة

[فرسان الحق]

انا فى تجاره و لكنى شايف ان تجاره فى مجال الشغل احسن لان فى اى مؤسسه فى العالم بيحتاجوا محاسبين
انما ممكن تلاقى اماكن مفيهاش مهندسينو ممكن تلاقى اماكن ما فيهاش خريجى السن او سياسه و اقتصاد او سياحه انما هتلاقى فى اى مكان فى العالم محاسبين و كمان ممكن تشتغل فى البورصه لما تتخرج من تجاره و ساعتها هتاخد مرتبات خياليه

[فنكوشه المنكوشه]

هو عمتا انتا اساسا مش هتلاقي شغل خالص
لكن التجاره افضل كليه تدخلها
لانك مش هتشتغل ايه
هتفتح محل
هتقف عن حد
هتعمل مشروع ضغير دا اخرك
وكل دا داخل منظومه التجاره
هي صعبه اينعم بس مش مستحيله ييعني انك تنجح فيها دا لو ركزت