للعلم والاطلاع

**صوت الحق** · #1 25-09-2008, 09:29 AM

تم رفع الاسم من الاشراف لانها ثالث رسالة تطلب هذا وراء بعض وهو عادل او الدكتور زومبا
استاذ عصام انا عايز اوضح لحضرتك حاجه انا قبلت بالاشراف لاني كنت شايف ان القسم محتاج يتظبط وبالاخص اننا كنا في ايام اجازه يعني كان الاهتمام بالترفيه عالي وكانت طبعا الامور كلها بايظه وانا ساهمت بجزء صغير جدا من التظبيط والحمد لله القسم رجع وقف تاني علي رجله

وانا كنت قولت قبل كدا اني بحب القسم دا عشان كدا كنت عايز امسكه عشان ارجعه زي ما كان او قريب من ما كان والحمد لله القسم بقي حالته احسن بكتير عن الاول يعني مهمتي في القسم خلصت

يعني حضرتك تقدر تعتبرني مشرف محترف عشان اساهم في تظبيط القسم

ودا طبعا شرف ليا والشرف الاكبر طبعا اني اكون مشرفي في ادارة حضرتك وحتي لو كان حصل اي شئ يضايق حضرتك وانا طبعا اسف جدا عليه دا ميمنعش ابدا ابدا اني اكن لك كل الحب والاحترام والتقدير و حضرتك في مقام والدي طبعا وعلي فكره حضرك من سنه

دا غير طبعا اهم حاجه بالنسبه ليا ان الاشراف عطلني عن اهم حاجه اني انزل مواضيع واشارك وهي دي متعتي في المنتدي

فياريت حضرتك بعد اذنك توافقلي علي طلبي ومش تستكثر عليا اني اكون عضو وتنزع عني التكليف اللي اخدته واللي يارب اكون كنت قده

وكل عام وحضرتك بالف خير وسعاده

MohammeD el_SadaT · #2 25-09-2008, 10:55 AM

بجد رحيل عادل خسراه كبيره بس بدام ده طلبه محدش يقدر يعارضه

الاسطورة · #3 25-09-2008, 01:27 PM

عادل كان مشرف مجتهد بجد
لكن ما دام ظروفه يبقى ربنا يوفقه
وشكرآ لايضاحك استاذ عصام

**صوت الحق** · #4 25-09-2008, 01:57 PM

قل رائيك فى هذا

السلام عليكم
ازى حضرتك يا أ/ عصام
انا بكتب فى قسم ابداعات اعضاء
و كنت عوزة ادخل فى اشرافه
و ان شاء الله هيكون فى تغير للافضل
و دة طبعا بعد ازن حضرتك و موفقتك
و ارجوا انى مكنش ازعجت حضرتك
Drowns in a sea grief

#5 25-09-2008, 02:17 PM

موافق ...........
تعتبر هى العضوة الوحيدة حاليا اللى بتكتب فيه

احمد رضا · #6 25-09-2008, 02:57 PM

اعتقد ان إيمان مش علي معرفه تؤهلها لذلك
ولكن اجتهادها
يخليها تنفع للقسم
الله المستعان
انا موافق

احمد رضا · #7 25-09-2008, 02:58 PM

وبالنسبه لعادل
دي حرية شخصية
والراجل يُشكر علي مجهوده
بس رحيله لسبب تاني انا معتقده
انه مش قادر يتأقلم مع مشرفي القسم اللي معاه

mR . mOstafa Fathi · #8 30-09-2008, 11:06 PM

اقتباس:

المشاركة الأصلية كتبت بواسطة صوت الحق

قل رائيك فى هذا

السلام عليكم
ازى حضرتك يا أ/ عصام
انا بكتب فى قسم ابداعات اعضاء
و كنت عوزة ادخل فى اشرافه
و ان شاء الله هيكون فى تغير للافضل
و دة طبعا بعد ازن حضرتك و موفقتك
و ارجوا انى مكنش ازعجت حضرتك
drowns in a sea grief

بالفعل هى مجتهدة جداً
وتستحقك الاشراف

**صوت الحق** · #9 01-10-2008, 02:12 AM

اقتباس:

المشاركة الأصلية كتبت بواسطة mr . Mostafa fathi

بالفعل هى مجتهدة جداً
وتستحقك الاشراف

تم التعيين والحمد لله

#10 01-10-2008, 03:48 AM

اقترح تعيين العضوات اسدات مشرفة على العام
حيث انها من افضل اعضاء القسم حضور ونشاط

**صوت الحق** · #11 02-10-2008, 10:41 PM

تم تعيين الاستاذ فاطمة الديب مشرفة ادارية للقسم التعليمى
prof: F.n.e

**صوت الحق** · #12 03-10-2008, 08:26 AM

أول حاجه ازيك يامستر عصام ويارب تكون بخير..

دلوقتي يامستر عندك واحد بيبني عماره كبيره ونسي يحط ليها اساسات...اه العماره شكلها جميل جدا...بس فيها ثغره...والثغره دي بتعمل مشاكل كتير,.,,فلازم يسدها من دلوقتي...وثغره المنتدي هي قسمي الكنترول ونتائج الأمتحانات...وأخبار الثانويه والتعليم...ولو حضرتك لاحظت معظم المخالفات بتطلع منهم...لدرجه ان الأعضاء اللي فيه مره عملو موضوع تعارف واستمر فتره طويله...انا ساعتها لقيت الموضوع خلاص وصل لدرجه عاليه من قله الأدب...بعت للسادات علي الياهو قولتله الحق الأعضاء هيتجوزو بعض عرفي علي الموضوع ده....فكل قصدي من ده ان يتعين مشرف يكون صاحي علي القسم...وبعدين متنساش ان الأعضاء اللي فيه بيبقو أعضاء جدد....يعني بايعين القضيه ومش فارقه معاهم...فلازم يتوضع حدود للقسمين دول....معلش انا عارف اني طولت عليك في الكلام يامستر...بس عادي بقي انت قبل كدا قولتلي انك والدي..يبقي انت مجبر انك تستحملني

يتولى هذا الموضوع الاستاذ احمد رضا

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري