كرسى الاعتراف

المشاركة الأصلية كتبت بواسطة أرق ملاك

أهلا اسلام
كل سنة و انت طيب بمناسبة العشرة الاواخر و بمناسبة العيد برده او ممكن نقول بمناسبة الدراسة
المهم
كل سنة و انت طيب
اقول بقى اسئلتى

1- ليه دايما بحس انك يائس جداااااااااا من كل حاجة حواليك و بحس برده انك اصلا مش عايز تغير ده؟

انا مش يائس بس تقدرى تقولى كده انى طبيعى بتاع حياتنا الحالة العامة فى البلد
يعنى ايه اللى ممكن يضحك فى وسط اللى احنا عايشين فيه
الواحد ممكن يضحك على اى موقف كده ثوانى وخلاص بيروح لحاله
2- من وجهة نظرك ممكن تخدم بلدك ازاى؟
وهى كانت خدمتنى با ايه علشان اخدمها وبلاش
علشان خطرى شعارات مشربتش من نيلها والكلام ده شبعت منه
3- من وجهة نظرك ايه دورك من قضية فلسطين؟
الدعاء ثم الدعاء ثم الدعاء
هنعمل ايه بس ياملاك احنا دولة محتلة زيهم بالظبط
4- لو حسيت انك فشلت فة تحقيق حلم من احلامك ده بيديلك دفعة قوية انك تكمل و لا بتستسلم للفشل؟ و لو هيديك دفعة قوية هل هيبقى فى نفس المجال و لا مجال تانى؟
لا ممكن اجرب مجال تانى
5- هل ممكن تقول لحد انه اخوك و انت مش معتبره كده؟
ايوه طبعا وبعتبره اخويا بجد وبحبه زى ما بحب اخويا بالظبط
6 هل لوسمعت عن حد حاجة وحشة او انه قال عنك حاجة مش تمام بتصدق ع طول و لا بتواجهه؟
لا بسال الشخص ده وبقوله اتقال عليك كذا كذا كذا وضحلى الكلام ده مضبوط ولا لا
ومن كلامه بقدر احدد
لو حد قال عليه كلام بئا وحصل قبل كده
يعنى تقدرى تقولى سنة سوده
7- لو حد عمل معاك موقف برده مش تمام من وجهة نظرك هل بتحط نفسك مكانه و تحاول تحكم ع الموقف بحياد و لا لا؟
لا بندفع على طول وده غلط على فكرة منى
بس مش بحب احط نفسى موضع شبه
معلش طولت عليك
بالتوفيق

شكرا ليكى ياملاك على المشاركة
وهى دى الاسئلة 7 مش 52 المفترية الظالمة ياسمين