كرسى الاعتراف

[Baskoota]

السلام عليكم ورحمة الله
كيف الاحوال؟؟
بخير ان شاء الله
انا بجد مكنتش عارفة اسأل واقول ايه لان الاعضاء مش سايبين حاجة
اللهم لا حسد
لكن هسأل حضرتك اسئلة تخص الكلية ان شاء الله


اولا انت التحقت بكلية الطب بكامل الارادة ولا حد من اهلك كان دافع انك تدخلها؟؟

طيب انا عرفت انك عايز ان شاء الله تكون جراح ودا من البروفايل بتاعك.....هل تظن ان الطبيب الجراح يفقد مشاعره بمجرد الانغماس في المهنة ؟؟

طيب قدامك حالتين وانت طبيب الطوارئ الوحيد في المستشفى....فرضا يعني
الحالة الاولى صديق مقرب ليك مصاب اصابة طفيفة (لا قدر الله) والاصابة دي بعد فترة قصيرة ممكن تسببله مشكلة
الحالة الثانية حد انت متعرفهوش ومصاب اصابة خطيرة جدا والوقت المتاح ليه قليل جدا قبل ما يدخل في غيبوبة
تعمل ايه مع العلم ان اي تأخر فيه خطر على صديقك ؟؟


تفتكر حكاية المثل الاعلى في المهنة ممكن تفرق معاك من حيث الدين او الجنسية؟؟



ايه رأيك في اللي بيقول ان اي طب غير القصر العيني بيخرج تمارجية مش دكاترة؟؟ مع العلم اننا طب قناة السويس وسمعت المقولة دي اكتر من مرة؟؟


تفتكر ان مستوى الطب في مصر
عادي-ردئ-ممتاز-لا يمكن تقييمه؟؟


ايه رأيك في اغلاق معبر رفح امام الحالات المرضية الانسانية ولو طلبوا منك انك تعمل طبيب في احد مستشفيات الضفة
توافق ام ترفض؟؟


لو انت قررت السفر لتحضير الماجستير في دولة ما.....وعرض عليك العمل في الدولة دي (دولة اوروبية)....والمستشفى اللي انت هتعمل فيها دي للحالات الانسانية زي سرطان الاطفال...وكان امامك فرصه في بلدك انك تعمل في مستشفى استثماري لعلاج رجال الاعمال.....ايهما تختار؟؟


لو انت في قسم الطوارئ في المستشفى وكان هناك حادث واحد اهالي المرضى اتخانق معاك واستفزك بكلامة بطريقة شديدة ايه هيكون رد فعلك؟؟


يا رب مكونش طولت عليك
دمت بخير

[Dr.diamond]

دكتور سعيد عالكرسى يا مراحب يا مراحب
طبعا مقدرتش افوت الفرصه دى
فقلت ادخل اسأل لى كام سؤال صغيرين كده على بال ما احضر ورقه الاسئله
بسم الله نبدأ :

1/ انا شايفه من الكلام انك معترف انك مندفع ومتسرع شويه فهل ده سببلك مشاكل كتير فى حياتك ؟وهل بتحاول تعالج الحكايه دى ولا مش مهتم ؟ وفى رأيك ممكن تعالجها ازاى ؟؟

2/انت كنت قبل كده عايز تبقى طبيب اسنان بعد كده نويت على طب بشرى فايه هى الاسباب الى خلتك تغير اتجاهك ؟ وهل انت من النوع الى بتغير رأيك بسهوله ؟؟

3/هل من الممكن ان تعترف بخطأك أمام الجميع اذا ثبت خطأك امامهم ؟

4/ هل الغرور من صفاتك ؟

5/ غالبا ما تكون توقيعاتك بتدور حول معنى الحزن والوحده.فهل بتميل الى العيش فى جو الحزن ؟ولا بتحاول تطلع منه بسرعه ؟ومحاولتك دى بتبقى ازاى ؟


6/ هل وجدت الصديق الحقيقى فى حياتك ؟

7/ ما رأيك فى صداقات النت وهل تصلح بالفعل لتكون صداقه حقيقيه ؟

8/ هل شخصيتك عالمنتدى هى نفسها شخصيتك فى الحياه العامه؟ وهل بتحاول انك توصلنا صوره معينه عن نفسك ؟

9/هل شعرت فى وقت من اوقات انك شخصيه غريبه الاطوار ؟ امتى وليه حسيت بكده ؟

10/ هل تتقبل النقد من الاخرين وتحاول اصلاح العيوب ولا بتحس بالضيق وتهاجم الشخص الذى ينتقدك ؟

11/ ما أكثر صفه تكرهها وأكثر صفه تحبها ؟

12/ ما الذى تفتقده فى شخصيتك؟ وا الذى تفتقده فى حياتك ؟




كفايه دول دلوقتى عليك

ربنا يكون فى عونك