¨°o.o (أولى طب عين شمس..........أدخل برجلك اليمين)o.o°¨

[Dr|shereen]

صور جميلة يا جماعة بما انكم طلبة كلية الطب عايزة اخد رايكم انا فى سنة تانية وجبت 96.8 يعنى تقريبا 97 فى المائة ايه رايكوا اكمل علمى علوم والحقكم ان شاء الله السنة الجاية فى كلية الطب ولا ابعد احسن ملحقش على فكرة انا مستوايا اعلى من كدة واكتر مادة نقصتنى اشطر مادة فيها الامتحان اصلا كان صعب وانا كمان مكنتش نايمة اصلا وكنت بحل الامتحان وكان مخى ملغى وكنت بعيط فى اللجنة ومعرفش من ايه بس الحمد لله قضاء وقدر او حسد زى ما المستر بتاعى قال انا مش عارفة بجد اعمل ايه ياريت حد يقول لى رايه بجد من غير مجاملة اكمل و لا ابعد مستنية الرد

[romel2007]

المشاركة الأصلية كتبت بواسطة nada00

صور جميلة يا جماعة بما انكم طلبة كلية الطب عايزة اخد رايكم انا فى سنة تانية وجبت 96.8 يعنى تقريبا 97 فى المائة ايه رايكوا اكمل علمى علوم والحقكم ان شاء الله السنة الجاية فى كلية الطب ولا ابعد احسن ملحقش على فكرة انا مستوايا اعلى من كدة واكتر مادة نقصتنى اشطر مادة فيها الامتحان اصلا كان صعب وانا كمان مكنتش نايمة اصلا وكنت بحل الامتحان وكان مخى ملغى وكنت بعيط فى اللجنة ومعرفش من ايه بس الحمد لله قضاء وقدر او حسد زى ما المستر بتاعى قال انا مش عارفة بجد اعمل ايه ياريت حد يقول لى رايه بجد من غير مجاملة اكمل و لا ابعد مستنية الرد

هل انتي هتدخلي علمي علوم علشان طب بالذات و لا ممكن تدخلي صيدلة يعني محددة هدفك ولا لا ؟
بالنسبة للمجموع كويس و تلحقي ان شاء الله انا كان ليا واحدة زمياتي كانت جايبة في تانية 94 و كملت و دخلت صيدلة الكلام دا السنة الي فاتت مش السنة دي و ربنا معاكي و يوفقك .

[د/ ماجدولين]

موضوع جميل اختي ماجي وكملي علشان نستفيد كلنا
و اهه هانت فاضل شهر تقريبا وندخل
بس متفكرنيش
هي الدراسة هتبدأ عندنا امتى بالظبط؟

وأنا بقول التوبيك منور لية؟؟؟؟!!!!!!!
أتارى أميرة الورود معانا
يااااااة أخيرا أفتكرتى أنك معانا هنا فى المنتدى:D
نورتى يا قمرى التوبيك والمنتدى كلة
بصى يا عسل
على حسب آخر المعلومات
الدراسة الرسمية 20 سبتمبر
بس أنا سمعت كدة والله أعلم أن طلبة الفرقة الأولى
بيروحوا من قبلها
بأسبوع عشان يتعودوا ع الجو
بس الصراحة الكلام دة مش داخل دماغى
بس أن شاء الله لما أتأكد أكييييييييييد مش هقولك
**************************

حصل خير يا دكتورة ماجدولين و لو عنديك اي اسئلة او استفسارات اكتبي و انا هارد بإذن الله و ربنا معاكم كلكم

شكرا ع مساعدة حضرتك يا دكتور
*************************

شكرا جزيلا للدكتورة ماجدولين ...

على الاضافة القيمة .. ومنتظرين الباقى

شكرا للمرور
والباقى هينزل دلوقتى أهة
لو النت مش فصل أو الكهربا قطعت أو الكمبيوتر هنج
أو حصل زلزال أو مجلس الشورى ولع تانى:D أو...........أو...........أولخ
*********************

اوكى يا دكتورة

ماشى يا سكر..........أتمنى أنى أكون عند حسن ظنك

[د/ ماجدولين]

نبدأ كلامنا بالفسيولوجى
المحاضرات فى مدرج المحلاوى و السكاشن فى قسم الفسيولوجى
-علشان المادة دى هتحتاج تشترى جهاز ضغط ( محلات بيع الأجهزة الطبية أمام الكلية )
و البالطو و كارنيه المادة (هنبقى نقول على حكاية كارنيهات المواد دى بعدين
أصل عين شمس بعيد عنكوا بتحتاج حوالى عشر كارنيهات)
-المادة دى هتمتد معاك لسنة تانية كمان

physiology
=======

اكبر مادة هتعيشوا فيها و نصيحة هى حلوة و شيقة.... بس و حياتك متغرقش فيها:D
فى مواد تانية مهمة بردة
هى عليها 250 بس معلش برده تعرف تجيب درجات فيها بإذن الله
نيجى نقسمها بقى
*هتاخد Blood أول حاجة و يبقى حظك الجميل جدا لو قررت الدكتورة ابتسام
" رئيسة القسم الجديدة" ان يدخل د.شكرى يشرح الجزء الأول علشان هيترجملك و هيفهمك
انا عارف انه بيمشى بسرعة 1/2 صفحة إلى صفحة كاملة فى المحاضرة
بس هتعرف ان ده معدل بطيييئ جداً علشان كده بقى لو عايز تطلع من الأوائل اقرأ الموضوع كامل " ال Chapter بالكامل "
سيبك من اللى هيدوة فى المحاضرة متذكرش جزئيات و تترك الباقى حاول تكون بتلم
اسبق مفيش مشاكل و افهم الجديد لما يجوا يشرحوه و الكلام ده غاية فى الأهمية
* هتفاجئ انك مش هتاخد Blood بس هيفتحوا عليك باب نار جديد :D و هو ال Autonomic و هو جزأ جميل جداً و يعنى الجهاز العصبى الذاتى و سهل هتظبطه بسهوله ان شاء الله
المصدر بتاعها هيكون مذكرات د. عبد الحميد لو موجودة
أو الدكتور اللى هيخش و غالبا د. محمود عبد العزيز و هينزلكم مذكرة و مهم جداً انك تبقى عارف اهم جزأ هو الجزأ الأخير بتاع ال Receptors فى الأتونوميك و المقارنات خطر خطر خطر صدقنى مش عايز اقولك ان سؤال اخر السنة فى الأتونمك هو واحد من المقارنات اللى فى الأخر
من دلوقتى انا قلتها.... برده اطلع على كتب دكتور شكرى بتفيد
* و المفاجئة الكبري انك هتفاجئ برده انهم فتحوا عليك باب Nerve و Muscle
و ده هيكون قبل اتونمك جزأ حلو انا شخصياً مبستطلفوش بس مهم و اهم جزأ هو حاجة اسمها Action Potential و Local Potential افهمهم صح فى ال Nerve بعد كده عندك كمان Frank Starling Law
على قد ماتقدر افهمه جامد و القوانين التانية فى(muscle) المسل " اتعمدت اكتبه بالعربى " علشان القراية بتاعتعتها
* ثم تفاجئ " هى المفاجئات مبتخلصش:D" انهم خلصوا Blood سكاشن و محضرات و طالبين منك امتحان معرفش من كام ....امتحان سهل " نصيحة ذاكر من كتاب العملى من أول السنة كده كل سكشن هيدهولك" اريحلك و اكتب ملاحظات اللى هيقلوها الدكاترة فى السكشن هتهمك كتير بس لو لقتهم زاغوا فى المنهج و بيكلموك كلام كبير و ملوش لازمة
فكك مش هيجي كلمة منه هتعرفه انت بعدين*
المفاجئة الصارخة هنفتح عليك النار بمفاجئتين من العيار الثقيل Git:D:D:D و Cvs و احذر الإثنين ال Cvs اهم جزأ فى الفسيولوجى و هيكون احب جزأ ليك فى الفسيولوجى مع الblood الإثنين مهمين جداً و كمان ال Git اللى كان مفاجئة سنتنا و دخل نصف السنة و ده بسبب ان د. ابتسام بتحب ال Git :D:D احذرو السؤال جه فى ال Git ب 8 درجات كارثة بمعنى الكلمة اخر السنة لولا ان العبد لله استعد كويس لل Git لكان لبس :D
دة غير صعوبة Mcq بتاع ال Git بتاع اخر السنة و بالإضافة إن Git هو الجزأ المفضل لدى د/ ابتسام ....(.الجى اى تى) يعنى الجهاز الهضمى اما (السى فى اس)" Cardiovascular" يعنى الجهاز الدورى " قلب و اوعية دموية" يهمك قوية انك تعرف التفصيل الدقيقة ( فاهم يعني ايه دقيقة)
تفاصيل السى فى اس علشان هتتسأل فيها فى نصف السنة والجى اى تى برده التزم باللى هيتقال فى المحاضرة
* المفاجأة الصارخة (لأ كدة كتيييييير بجد)
خلال ما أنت بتستعد لإمتحان نصف السنة هتفاجاً ان الكلية مستمرة محاضرات بالرغم من أنه هيبقى فاضل 3 ايام على امتحان و هيتقال كلام هيدخل فى الإمتحان
" ده اللى عمله د. شكرى "
و بكده نكون خلصنا فسيولوجى نص السنة
ونصيحتى
تفادى الأخطاء تجنب الإجهاد خليك متحمس:D
هتدخل فى امتحان Mcq يعنى اختيار من متعدد من 40 عايزين 40 إن شاء الله
(يااااااااااااااااااااارب)
النصف التانى هنكمل بقى الكرديوفاسكولار Cvs و الجى اى تى و لما ينتهى الجى اى تى
هيفتح فى شرح Respiration و توقعوا ممكن الجى اى تى يتبدل مع التنفس و يدخل التنفس فى نص السنة و ممكن يتغير كل الكلام دة محدش عارف علشان كده
احضر و اعرف ايه اللى هيحصل

ملحوظة:- الrespiration مش معنى إنه إتاخد فى الآخر يعنى مش مهم ده مهم جداً و توقعوا على الاقل كده 30درجة اخر السنة ( مفيش حاجة مش مهمة)
طبعاً فى جزأ Biophysics زبطوا كدة من اى مذكرة فى المكاتب
ولو مذكرة د. عبد الحميد موجودة حلو و Biostaticts واحسن لك ظبطها مع المحاضرتين بتوعهم وسهل جداً هم 6 أو7 و رقات هتحفظهم حيجلك سؤال ب 3-4 درجات Essay ودمتم مضمونين

هيجيلك امتحان برده فى ال Cvs بعد ماتكونوا مشيتوا فية كويس هو عملى برده زى الأولانى
كون مستعد له فى شهر 3 غالباً

اثناء هذه المده هتكمل نص السنة التانية و هتيجى على شهر 4 فى اخره هتمتحن عملى او ما يشبه العملى او ما لا يشبه العملى:D
المهم هتخش تبع مجموعتك على مجموعة من دكاترة هتعرف قد ايه هما طيبين خااااااااااااااالص و بيحبوا الطلاب:Dو مش عايزين ينقصوا نهائى
اوعى اوعى اوعى تفكر فى الحاجات دى
ممكن يقولوك تعمل تجربة من التجارب اللى هتتدرسها بس اهم حاجة تبقى إجابتك جاهزة لما يسألك الدكتور
و طريقتك فى العملى مهمة كمان
العملى من 40:D

و فى الآخر هتخش امتحان نظرى من 120 خمسين على Mcq و 70 على Essay
متفكرش و تشغل بالك هعرف أكتب و لا لأ فى آخر السنة
هتكتب بس اهم حاجة
ذاااااااااااكر
كأنك بتذاكر لثانوية عامة و اطلع على اسألة من أول السنة يا ريت


البقية تأتى ايدى تعبتنى بس الفسيولوجى مواله كبير و مهم و
لو جبت فيه درجة عليه اضمن انك من الأوائل

[د/ ماجدولين]

خلاص شكرا د.فداء الحبيب :D

عرفت الموقع

فداء الحبيب
امممممممممممم.......يبقى حضرتك سجلت
ع العموم أهلا وسهلا بحضرتك معانا
أنا أساسا كنت هستأذن أحد المشرفين
عشان أعرف بالموقع ع المنتدى
كنت فاكرة أن الحكاية مخالفة للقوانين
بس لاقيت طلبة صيدلة...........ماشاء الله
ع العموم أنا هكلم ع الموقع
حتى عشان طلبة السنين القادمة
بصوا يا جماعة
دة موقع أسمة بلاطى
http://www.bala6y.org/vb/
هذا الموقع....خاص فقط بطلبة طب عين شمس فقط
جميع أعضاؤة بما فيهم المشرفين
من طلبة الكلية
بس على فكرة مفيش حد هيقدر يشوف التوبيكات كاملة
ألا أذا سجلت عضوية فى المنتدى
وطبعا لازم تكون طالب فى الكلية عشان تسجل عضوية
وأثناء التسجيل هتتسأل كدة سؤالين هبلين للتأكد من أنك طالب بالكلية
**********************
أن شاء الله بكرة هبقى أكمل باقى التوبيك ع المنتدى دة
لأنى دلوقتى لازم أقوم
دمتم فى رعاية الله

[DR.Neuro]

المشاركة الأصلية كتبت بواسطة د/ ماجدولين

فداء الحبيب
امممممممممممم.......يبقى حضرتك سجلت
ع العموم أهلا وسهلا بحضرتك معانا
أنا أساسا كنت هستأذن أحد المشرفين
عشان أعرف بالموقع ع المنتدى
كنت فاكرة أن الحكاية مخالفة للقوانين
بس لاقيت طلبة صيدلة...........ماشاء الله
ع العموم أنا هكلم ع الموقع
حتى عشان طلبة السنين القادمة
بصوا يا جماعة
دة موقع أسمة بلاطى
http://www.bala6y.org/vb/
هذا الموقع....خاص فقط بطلبة طب عين شمس فقط
جميع أعضاؤة بما فيهم المشرفين
من طلبة الكلية
بس على فكرة مفيش حد هيقدر يشوف التوبيكات كاملة
ألا أذا سجلت عضوية فى المنتدى
وطبعا لازم تكون طالب فى الكلية عشان تسجل عضوية
وأثناء التسجيل هتتسأل كدة سؤالين هبلين للتأكد من أنك طالب بالكلية
**********************
أن شاء الله بكرة هبقى أكمل باقى التوبيك ع المنتدى دة
لأنى دلوقتى لازم أقوم

دمتم فى رعاية الله

طيب دمان هى فتحت بقى :D

أنا برضك حابب أقول على الموقع حبيبى..


بحبه وهافضل طول عمرى أحبه ..


وبرضك هو مخصص لطلبة عين شمس ..

متصاحب على كلية الطب كلهم فيه ..

http://forum.shamsawy.net

ومنتدى كلية الطب أهو


http://forum.shamsawy.net/index.php?showforum=42


ودة رابط موضوع الدفعة بتاعتنا وفيه دكاترة بيخشوا يتابعونى

http://forum.shamsawy.net/index.php?...pic=1124350240

بس لسا الموضوع على نياته لغاية اما العبد لله_اللى هو أنا _ يشد حيله شوية


وشكرا ...

[د/ ماجدولين]

نيجي نتكلم على مادة جديدة النهاردة

بسم الله الرحمن الرحيم

ANATOMY
=====

التشريح خلى بالك من أسهل المواد اللى ممكن تعدى عليها فى أولى
من المواد المضمونة جدا جداً بإذن الله
.... خلى بالك ممكن لو انت ممتاز توصل لدرجات عالية جداً فى الأناتومى
و خصوصا إن السنة اللى قبلنا فى و احدة نقصت نص درجة بس فى الإمتحان
علشان كده خليك حريص و حاول متخلبطش فى الأناتومى

اذاكر اناتومى ازاى :-
---------------------
شوف انا شايف و كما هو متعارف فى الكلية ان الأناتومى دروس ثم دروس ثم دروس ثم كتب
( على فكرة يا جماعة للأمانة أنا أول مرة أسمع الكلام دة
كل الناس بتقول لو حضرت المحاضرات والسكاشن
هتبقى تمام بس أنا زى ماقولت بنقل حرفيا)
أخد مع مين؟!! خد على قد امكانات لو تقدر
يعني لو دادى معندوش مشاكل يبقى مع عباس أو " عبس " زى مبنحب نقول عليه ده نمبر ون
اما لو بابا مبيعترضش يبقى د.أسامة قليل الإنتشار شوية طبعاً مش وحش
اما لو الحج الوالد بقى موافق فى عندك د. حسين تقريبا بتاع المشرحة بيدي دروس برضه
بس معرفش فين
طيب انا باخد درس مع عباس بما انى كنت معاه و هو راجل مميز جدا جدا عالى بالفعل بس لازم تكون برده حريص شوية من عندك
. هذاكر مع عباس ازاى أو لو مش عباس

ال INTRO ( دة كتاب مقدمة فى علم التشريح المقرر علينا)نصيحة مش مع عباس
كتاب ال INTRO الكلية هتظبطه منه ده علشان المعانى اللى فيه بالعربى و بسيط و واحد اتنين
(يعنى ماشين معانا حبة بحبة.......على فكرة يا جماعة أنا شوفت الكتاب دة بجد هو جميييييييييل وسهل كمان
كمان MCQ بس الحاجة اللى هيقلولك متذكرهاش متذكرهاش انت فاهم متضيعش وقت هتخده بعد كده ممكن يكون مدخلنها بطريقة غلط فى الكتاب مش عايزنك تعرفها كده
يعنى مثلا EXTERNAL FEATURE OF BONE عايز تقرها علشان تعرف معنى اقراه بس اياك تحفظها
الأتونومك اللى فى كتاب الإنترو و لا تبص فيه و فى حاجات كتير هتعرفها كمان مع الدراسة كتير.... هتيجي على اخر السنة تقول الكتاب ده عبيط :D
طيب خلال الفترة دي ابدا افهم د. عباس و طريقتها علشان لما نخش فى التقيل
طيب لو مخدتش درس اذاكر منين؟؟؟؟!!!!!!!!
على طول بدون متفكر اكيد سامح الدوس( دة دكتور فى جامعة القاهرة بس كتابة مشهور عندنا فى عين شمس
بس ربنا يعينك بقى لأن لازم تعرف ايه المهم و ايه اللى اسيبه لأن فى كلام كتير و واعر و من الآخر ملوش لازمة بس اهم حاجة و انت بتذاكر منه عينك على الرسمة هى دية الى بتفتكره اكتر اخر السنة ....
طبعاً فى كتب اخرى زى د. مصطفى كامل نصيحة الكتاب كلما كثر كلامه كلما هيوقعك فى اخر السنة
صدقنى واذا انت شفت كتاب انه كويس خلاص اقتنع به ومتشكش فى نفسك الكتاب مش هيبقى فى معلومات خطأ يعني " إلا إذا خطأ طباعة وارد الحدوث"

نبدأ بقى السنة ب UPPER LIMB او الأطراف العلوية
زى متفقنا يا درس يا دوس
طب انا بمشى ازاى فيهم فى الكلية؟؟؟؟؟؟؟
انت بتمشى كده
AXILLA ---> ARM ----> FOREARM----->HAND "
تيجي تاخد AXILLA تاخد كل بقى BONES و MUSCLES و ARTERIES و NERVES
و هكذا فى كله
هتخلص اكيد هتمتحن آبر و غالباً هيبعدوا عن الهاند بس كون برده مستعد الأسئلة من كتاب MCQ بتاع القسم .... من سبع درجات حلوين
فى وقت نفسه هتاخد جزأ GENERAL EMBRYOLOGY و ده جزأ مهم هيدي د. أسامة فى الكلية الكتاب بتاع الكلية حلو فيه و طبعاً عبس ممتاز برده و
ممكن تاخد ANOMALIES و ممكن لأ
بس انا كنت من ضمن الدفعة المحظوظة جداً اللى خدت ANOMALIES
لما تخلص آبر هتخش بقى فى ABDOMEN البطن
عايز اقولك اهلا بيك فى المجزرة
هو ده اللى هيخليك تعيش
تقول ادمه ايه و راه ايه على يمينه على شماله ايه ؟؟؟؟؟؟؟
هتعرف العضلات و يمكن المعدة تقريباً
بس فى نص السنة و بعدين تخش بقى النص التانى تلاقى المجزرة
تلاقى الكلية خدت مليون حاجة و متعرفش تسأل نفسك طب هو انا كنت فين يعني ؟؟؟؟!!!!!!!!
يااااااااه انا كل ده كنت نايم
. لأ انت مش نايم بس الكلية كده هترجع بسرعة و لا يهمك اوعى تتهز ثقتك بنفسك اشتغل و اجرى هنا ( يعنى محدش يخاف من دلوقتى)
فى نصيحة بقى
اسبق عباس بدوس و لو حتى بالقراية مع ان عباس هيلم الموضوع جامد

بمجرد ما نخلص هيبقى فى امتحان فى نصف سنة ب 35

بعد ماتخلص ابدومن هتخش بقى فى PELVIS الحوض
هنمشى بنفس SYSTEM ال ABDOMEN
و اخيراً جزأ عبيط PERNIUM كام صفحة فى اللذيذ حلوين :D

و بعد ماتخلص ABDOMEN و PELVIS توقع فى امتحان تعويضي من سبعة
يتاخد منه الأعلى بالنظر مع الإمتحان الأولانى و انت بقى و شطارتك
و اتطبق علينا صور سبوت تحدد المطلوب فى الرسم من 5 و ده اجبارى
هنا و لحسن حظى المعتاد الإمتحان كان المفروض انى باخد مشرحة اربع و خميس بما انى فى سكشن معادلة
فكان المفرو ض همتحن الأربع الأسبوع اللى بعد اليوم ده بالنظر لسكاشن التانية و اللى خدوه فيه و بالنظر للورقة اللى حطتها د. كريمان و علقتها فى المشرحة و انا كنت مجرد لاحق مخلص ابدومن و بلفس و بقول يا هدى برنيم و حاسس انى طبعا مش فاكر لازم اراجع كانت المفاجئة دخلين السكشن عادى و اذا بهم بيقولوا جهزوا نفسيكوا الإمتحان جى فى الطريق "آآآآآآآهههههههههههه " هو ده رد كل اللى فى سكشن ... مع العلم ان فى ناس بتطنش كمان السكشن لان مفيش غياب قوى فى الأناتومى فكلوا تناول المحمول اللى في جيبه " اصح يا بنى ....... عليك امتحان دلوقتى" و لى يقول لزميله " قوم خيانة.... عملوها الأوغاد" ده غير ممكن تسمع " يا عم فاكس يعنى جت على الإمتحان ده .... TRY AGAIN LATER "ومنهم من هلع مهرولاً ( حلو العربى ده) صارخاً الحقوناااااااااااااااااا هنمتحن دلوقتى ....... و تسمع بقى عويل البنات و هم يبكون " ياريتنى كت ذاكرت" و لا اللى بيجهزوا نفسيهم بقى علشان الإمتحان و تلاقى واحد ماشى و سط المدرج " معى إقلام بنص جنيه .. للى عايز يمتحن ... براشيم بنكرياس و زايدة و كبد:D:D... كايكتيور خلى يومك ابيض" متعرفش عرف الخبر منين بس اهو بيخدم برده .... الحمد لله دخلنا و ادينا بالرغم من عدم حاجتنا للإمتحان اساساً

الخلاصة اللى عايز اوصلهالك خليك مستعد لأى حاجة خلال السنة

نيجى بقى لل LOWER LIMB او الأطراف السفلية
انت بقى اكيد هتسمعوا مثل مش هقولوا بس هتعرفوه
(ربنا يسهل ونعرفة) يعنى فيه شئ من الصحة خصوصاً ان اللور جه فى الأخر لكن لو فى الأول كان هيبقى المثل غير صحيح الترتيب كده و انت نازل من THIGH بعد LEG و بعد كده FOOT

و قبل ما تخلص LOWER هتمتحن عملى بس علشان خاطرى قبل امتحان العملى اياك تجهد نفسك انت فاهم الكلمة ده كويس
اياك تجهد نفسك
ده خطأ انا وقعت فدخلت امتحان العملى مش مركز غلطات و اخطأ ساذجة جداً المشكلة انى عارفها و كتبتها حاجة تانية خالص يالله الحمدلله

بالنسبة طبعاً للعملى انت طول السنة هتحضر سكاشن سبوتس احضرها حلو مش وحشة و بذات فى الأبدومن و ال بلفس احضر اما بالنسبة ل امتحان عملى هتخش هتلاقى ستين عينة دور على السلك بسرعة و اعرف ايه المطلوب فى السؤال
و ملاحظة بلاش نضر بعض راعى ان فى زميل وراك برده:D

بعد كده هتخش على اخر السنة معرفش من كام بالظبط انا فاكر انه كان فى 50 MCQ و ال ESSAY كان فى حاجة جديدة هى CLINICAL CASES هى د. كريمان رئيسة القسم السابقة قالت هتجيب واحد و مجتش فى المحاضرات بس هى جبت اتنين و متقلتش فى محضرة الكاسيس و باقى الأسئلة حلوة و سهلة و فى اللور جه تلاتة SAPHENOUS

و متنتظروش ان حد هيحدد ايه اللى داخل MCQ و ايه اللى داخل ESSAY على العموم لو حصل يبقى حلو

كتاب MCQ ده كتاب اساسى معاك و لازم يكون متابع فيه كويس
و كده يبقى خلصنا اناتومى 250 درجة غالين جداً ممكن ينقلوك فى التقدير لو عاكك شوية فى المواد التانية و كمان يفرقوا ترتيب

[د/ ماجدولين]

دكتور أنس
الموقع فعلا جميل.......بارك الله فيك
وربنا يوفقك و يعينك ع اللى بيحصل لحضرتك فية
********************
السفاش مبروك
أهلا وسهلا بحضرتك معانا
أحنا كلنا لسة ع الباب
وأنا شاء الله يكون كل خير
وأحنا مش بنخوف حد
ربنا يوفق حضرتك
*******************
دكتور فيثاغورث
الكلية منورة بطلبتها
أهلا وسهلا بحضرتك
وأكييييييييييد أحنا محتاجين مساعدة حضرتك
فشكرا جزيلا لك
يا ريت بس حضرتك
لو عندك أى تعليق...أو توضيح ...أو أضافة
وأكيييييييد هنكون شاكرين لحضرتك على أى حاجة:D

[د/ ماجدولين]

يللا يا شباب
أحنا معانا فى التوبيك اتنين دكاترة أكبر مننا فى الكلية
ومستعدين لأسئلتكوا
يللا........استغلوا الفرصة
وكمان راعوا أنكوا مش تتقلوا عليهم
أنا أن شاء الله عندى بعض الأسئلة
بس هبقى أكتبها بعدين
عشان دلوقتى.........كالعادة........
مش مجمعة
عاوزة أكتبهم كدة مرة واحدة:D
فى رعاية الله
اة صحيح يا جماعة
كدة يبقى فاضل الهستولوجى والبيو
ربنا يسهل......وأكمل واحدة فيهم فى خلال يومين
فى رعاية الله

[د/ ماجدولين]

متشكرة أوى ليك يا دكتور
وكل سنة وحضرتك طيب
وانا بقول لحضرتك
اطمن
أنا كنت فى الكلية انهاردة عشان شوية اوراق كدة
ومفييييييش خاااااااالص اى حاجة لسنة أولى
بتوع خامسة بس هم اللى بيمتحنوا ربنا معاهم
الدراسة خلاص بعد العيد ان شاء الله حسب الجدول
وكمان جدول رمضان خلص يوم 25 والجدول التانى هيبدأ 11/10 ان شاء الله
فى رعاية الله

[د/ ماجدولين]

السلام عليكم
عذرا يعنى اذا كنت اتأخرت ع حد أو مقصرة هنا ع البوابة
المهم عدنا من جديد واحتمال نقطع قريب
ادعولنا يا جماعة

أشوف موضوع كتاب القسم الجديد دة

طلع موش جديد

مهري هستو واناتومي

هستو واناتومى بس؟؟؟؟؟؟؟؟؟؟؟!!!!!!!!
امال فين البيو الفسيولوجى يا دكتور.........شكلهم مدلعينكوا مش احنا
ع العموم ربنا يوفق الجميع

هى كلية الطب شغلتكم قوى كدة

لأ......عاملين نفسنا بنذاكر
بنعيش فى الدور يعنى

[mariam-92]

اخيرااااااا لقيت حد طب عين شمس
اناجبت 99 والحمد لله قبلت طب عين شمس بس قابلت واحدة من طب القاهرة قالتلي عين شمس صعبة ومعقدة و القاهرة احسن
هو فعلا المذاكرة معقدةو و احول القاهرة؟؟؟؟؟
طب لو جربت اول سنة عين شمس ومعجبتنيش اقدر احول لقاهرة؟؟؟؟؟

[د/ ماجدولين]

المشاركة الأصلية كتبت بواسطة nada00

صور جميلة يا جماعة بما انكم طلبة كلية الطب عايزة اخد رايكم انا فى سنة تانية وجبت 96.8 يعنى تقريبا 97 فى المائة ايه رايكوا اكمل علمى علوم والحقكم ان شاء الله السنة الجاية فى كلية الطب ولا ابعد احسن ملحقش على فكرة انا مستوايا اعلى من كدة واكتر مادة نقصتنى اشطر مادة فيها الامتحان اصلا كان صعب وانا كمان مكنتش نايمة اصلا وكنت بحل الامتحان وكان مخى ملغى وكنت بعيط فى اللجنة ومعرفش من ايه بس الحمد لله قضاء وقدر او حسد زى ما المستر بتاعى قال انا مش عارفة بجد اعمل ايه ياريت حد يقول لى رايه بجد من غير مجاملة اكمل و لا ابعد مستنية الرد

بصى يا قلبى
دة كلام من واحدة مكن تعتبريها زى أختك
دلوقتى أنتى بتقولى أنك عاوزة طب............أوكى
ومجموعك فى تانية مش اللى هو................تمام
أسمعى منى بقى
أدخلى تالتة بعقلية جديدة تمااااااااااااااااما
كأنها أول سنة ليكى ثانوية...........ودايما تمسكى بالأمل
أقولك ع تجربة شخصي
أنا فى تانية كنت 98.8% وكنت كمان مظلومة فى درجة
وكان فى واحد قريبى 98% وواحدة زميلتى 97.5%
أية اللى حصل بقى فى تالتة
أنا مجموعى فى السنتين97.8 وقريبى 99.5%
وزميلتى 98.5%
أنا مش هقولك أنى أتظلمت فى حوالى نص فى المية
أة اتظلمت..........بس بأمانة أنا أرتحت زيادة عن الزوم فى تالتة
عشان مجموعى العالى فى تانية
يمكن يا سكر اللى حصلك دة هو الخير
خلى اللى حصل دة حاجة تدفعك للأمام.........مش العكس
وأنا قولتلك
فكرى فى اللى حصل بطريقة أيجابية
فكرى أن دى آخر فرصة ليكى.......ولابد تعوضى
صدقينى أحنا لما بيبقى الوقت ضيق قدامنا
أو محتاجين حاجة ضروووووووورى ومتمسكين بيها
جسمنا بيطلع منة طاقة لايمكن نتخيلها خاااااااالص
فكرى فى اللى حصل بطريقة أيجابية وليس العكس
واتعلمى من أخطائك فى تانية عشان مش تتكرر فى تالتة
أنا والله فى تالتة يوم أمتحان الفيزياء نمت ساعتين بس
وكنت مستخسرة أضيع الوقت فى النوم
والنتيجة أنى لحد دلوقتى كل ما بفتكر غلطاتى فى المادة دى
بضحك على هبلى وبعيط كمان ..........أخطاء لايمكن يغلطها
مبتدئ فى الفيزياء........بس الحمد لله
عشان كدة بجد لازم مش تعملى كدة فى تالتة خااااااااالص
وبالنسبة لسؤالك

وخصوصا من نظام المستوى الرفيع الجديد بتاع الاحياء حسة انه مش من السهل اجيب فيه عشرة

بصى النظام دة هيطبق ع مصر كلها
واللى هيصيبك هيصيبهم
وفى كلا الحالتين النتيجة واحدة

الفيزياء حد بيجيب فيها 50 ولاحياء

ولية مش يجى فيهم الخمسين؟؟؟؟؟؟؟؟
والله أن الله لايضيع أجر من أحسن عملا
أنا لو قولتلك أنى بعد الفيزياء اتعدلت فى المذاكرة
واتكيت ع الأحصاء جاااااااااااااامد و نمت وقتى الكافى
والحمد لله جبت فى المادة 49
وفى الأحياء قبل الأمتحان كدة بكام يوم
كنت بردوا لسة بقكر فى الفيزياء ومش قادرة أنسى
ولو قولتك ع اللى حصل ليلة الأمتحان والله مش هتصدقى
أنى جبت 49.5 فى المادة دى
بس دة ربنا عارف أنى تعبت فى امادة ومش ضيعنى
الخلاصة أنا بقولك الكلام دة
عشان أنا حاسة أنك تايهة.....ومش قادرة تحددى
وبحاول أوضحلك الأمور بحاجة واقعية
أقرئى كلامى كويس وحاولى تفهمى اللى عاوزة أقولة بين السطور
وفى النهاية أنتى أقعدى مع نفسك وحددى
وطبعا أهم حاجة
الأستخارة
ومعلش أذا كنت طولت
خالص وأرق تمنياتى لكى بالتوفيق