دفعة ثانوية عامة 2018

[Stevaniii]

اهم حاجه الجرامر
-تركيز عالي جدا اثناء الشرح
-فهم الجرامر كوويس جداا.. الناس اللي مش بيحبوا الانجلش مش بيحبوه بسبب الجرامر .. فلو فهمتي الجرامر كويس هتبقي100%
-ياريت كل جرامر تاخديه تلخصيه مع نفسك ف ورقه صغيرة بطريقة تفكرك بيه...
-الجرامر اللي تذاكريه حلي عليه من كتاب خارجي محلول .. و لو حسيتي انك مش مظبطه حلي اسئلة عليه تاني من كتاب خارجي تاني هتبقي اتظبطي

[radwa bakry]

اولا كده السلام عليكم
ثانيا انا علمي رياضه و كنت عايزه اعرف هي رياضه 3ث اصعب من 2ث ولا العكس و لا ايه ؟؟ و ايه الوضع بالنسبه لجزء الديناميكا صعب و لا سهل انا مكنش بحبه اووى في 2 ث و كنت بحس انو تقييل شويتيين بس كنت بحب الاتزان و كنت بحس مسأله سهله و ايه اصعب جزء في الرياضه 1 و2 و ايه الاجزاء اللي المفروض اركز عليها و عايزه اعرف هو المنهج اكبر بكتيييييييييير من منهج 2ث و لا ايه و بالنسبه للكميا عدد المعادلات اد ايه يعني زي 2 كده مثلا و لا اكتر و مسائل استنتاج الغازات اد ايه ؟؟و الفزيا انا كنت بكلم واحده في 3ث في المدرسه لما كنت في 1ث و قالتلي الفزيا في 3 مش بتتفهم و بالنسبه للعربي انا كويسه في البلاغه الحمد لله المستر اللي كنت باخد عندوو اسسني فيها كويس اووى بس في النحو مش قد كده بس باخد دلوقتي كورس نحو و المس ممتازه و انا الحمد لله بتحسن و بعرف حاجات اول مره اعرفها الحمد لله اتحسنت كتير عن الاول و الادب مش بحبوو ولا جزء التعليق اللي بيبقا بعد الدروس ده بحس حفظه صعب بس بحاول المشكله اني ممكن اذاكره 3 مرات و مبقاش فاكره الا نصه مثلا و باقي الفروع انا شايفه ان كل سنه مصتقله بذاتها فيهم و الانجليزي و الفرنساوي الحمد لله الحمد لله الحمد لله انا كويسه فيهم بس اكتر جزء بيخوفتي في الانجليزي هو الترجمه اللي من عربي و انا احولها انجليزي بس المس اكيد هتديني ورق ترجمه زي المعتاد و انا عايزه اجيب كتاب top student احل منه و احفط ترجمه ده كويس ولا ايه انا سمعت انو في اسأله صعبه علشان كده عوزاه و ايه رايكم اجيب كتب ايه ؟؟ انا بصراحه مرعوووبه من النتيجه بتاعت 2017 و من نسبه الرسوب الكتير دي هو ممكن حد يبقى حالل كويس و تشيل الماده ؟؟ و المشكله ان نسبه النجاح بتقل كل سنه عن اللي قبلها هو انا كده ممكن اجيب مجموع هندسه ولا لا معلش انا اسفه عارفه طولت عليكم بس يا ريت حد يفيدني

[بالقرءان نحيا]

السلام عليكم و رحمة الله و بركاته
ممكن تفيدوني بخصوص الكتب الخارجية ممكن نجيب كتب ايه ف كل المواد و و خصوصا الإنجلش و الكيمياء و الفيزياء و الأحياء ؟؟
و هل مذاكرة أول مرة تكون من كتب المدرسة و لا الكتب الخارجية ؟
كمان ممكن اعرف الكتب بتنزل امتى ؟ يعني على امتى تكون ف المكتبات ؟
و هل احنا بنستى الكتب تنزل عشان نبدأ و لا نبدأ ازاي ؟؟؟
شكرا

[Ranchan]

عام مبارك عليكم ان شاء الله ،، ربنا يوفقكم للخير ويرزقكم افضل مماتتمنونه ان شاء الله ،، ماتاخدوش السنة دي علي اعصابكم ،،الهدوء النفسي اكثر شيء محتاجينه بجد 😃 ،، الباقي مقدور عليه ان شاء الله ،،بل هو مترتب علي الهدوء ده ،،تخيل لو واخد كل شيء بقلق منين يجي االتركيز والتخطيط والتنظيم 😕...
استعينوا بالله دوما ،اولا واخرا ، خلي ثقتك في الله عالية دوما ،ومهما كانت الصعوبة تقدر تتجاوزها ان شاء الله ،،"لا يكلف الله نفسا الا وسعها"
اعمل ال عليك ع ماتندمش بعدين ،،انتهز الفرص دوما واجتهد مع طبعا بعض الترويح عن النفس بس مش الافراط 😉
هتلاقوا مواضيع كثرة ع اجتماعيات طالب ،مثبت منها البعض،والبعض لا ،،وقلبوا ف المواضيع القديمة كمان،،جميعها لمجتهدين ماشاء الله
وطبعا معاكم طلبة 2017 الابطال ،،بالتوفيق ان شاء الله😃

[Abdelramann]

المشاركة الأصلية كتبت بواسطة بالقرءان نحيا

السلام عليكم و رحمة الله و بركاته
ممكن تفيدوني بخصوص الكتب الخارجية ممكن نجيب كتب ايه ف كل المواد و و خصوصا الإنجلش و الكيمياء و الفيزياء و الأحياء ؟؟
و هل مذاكرة أول مرة تكون من كتب المدرسة و لا الكتب الخارجية ؟
كمان ممكن اعرف الكتب بتنزل امتى ؟ يعني على امتى تكون ف المكتبات ؟
و هل احنا بنستى الكتب تنزل عشان نبدأ و لا نبدأ ازاي ؟؟؟
شكرا

فى الاول زى ما قالكم كده شوفوا المواضيع المثبته اقروها وحالوا تشوفوا دفعة ٢٠١٦ وهتلاقوا اسئلتكم متجاوبه واسئلة تانيه هتسألوها وبعدين ،
على فكره المرحله الى انتم داخلينها دى مش عايزه شخص علميا قوى بس ، ولكن عايزها نفسيا كمان
وانا هقلكم الكتب كده بسرعه وانتوا هتلاقوا المميزات بالتفصيل فى المواضيع المثبته بس ابحثوا كويس
المهم
عربى عندنا ٣ كتب : منهم الامتحان ودا كتاب لا غنى عنه للاسئلة وفيه الاضواء وده كان كويس نصوص وفيه الرساله ، وكان كويس قراءه وقصه

الانجليزى : Gem طبعا ثم المعاصر ( افضل كتاب شارح قصه )

الفرنساوى مش هتفرق بس الافضل جنيال

الكيمياء : الوافى والامتحان
فيزياء : الامتحان والوسام الاحمر
الاحياء : الامتحان والنفيس
الجولوجيا : الامتحان

ربنا معاكم
انا طالب رايح تانيه طب بشرى

[Stevaniii]

المشاركة الأصلية كتبت بواسطة radwa bakry

اولا كده السلام عليكم
ثانيا انا علمي رياضه و كنت عايزه اعرف هي رياضه 3ث اصعب من 2ث ولا العكس و لا ايه ؟؟ و ايه الوضع بالنسبه لجزء الديناميكا صعب و لا سهل انا مكنش بحبه اووى في 2 ث و كنت بحس انو تقييل شويتيين بس كنت بحب الاتزان و كنت بحس مسأله سهله و ايه اصعب جزء في الرياضه 1 و2 و ايه الاجزاء اللي المفروض اركز عليها و عايزه اعرف هو المنهج اكبر بكتيييييييييير من منهج 2ث و لا ايه و بالنسبه للكميا عدد المعادلات اد ايه يعني زي 2 كده مثلا و لا اكتر و مسائل استنتاج الغازات اد ايه ؟؟و الفزيا انا كنت بكلم واحده في 3ث في المدرسه لما كنت في 1ث و قالتلي الفزيا في 3 مش بتتفهم و بالنسبه للعربي انا كويسه في البلاغه الحمد لله المستر اللي كنت باخد عندوو اسسني فيها كويس اووى بس في النحو مش قد كده بس باخد دلوقتي كورس نحو و المس ممتازه و انا الحمد لله بتحسن و بعرف حاجات اول مره اعرفها الحمد لله اتحسنت كتير عن الاول و الادب مش بحبوو ولا جزء التعليق اللي بيبقا بعد الدروس ده بحس حفظه صعب بس بحاول المشكله اني ممكن اذاكره 3 مرات و مبقاش فاكره الا نصه مثلا و باقي الفروع انا شايفه ان كل سنه مصتقله بذاتها فيهم و الانجليزي و الفرنساوي الحمد لله الحمد لله الحمد لله انا كويسه فيهم بس اكتر جزء بيخوفتي في الانجليزي هو الترجمه اللي من عربي و انا احولها انجليزي بس المس اكيد هتديني ورق ترجمه زي المعتاد و انا عايزه اجيب كتاب top student احل منه و احفط ترجمه ده كويس ولا ايه انا سمعت انو في اسأله صعبه علشان كده عوزاه و ايه رايكم اجيب كتب ايه ؟؟ انا بصراحه مرعوووبه من النتيجه بتاعت 2017 و من نسبه الرسوب الكتير دي هو ممكن حد يبقى حالل كويس و تشيل الماده ؟؟ و المشكله ان نسبه النجاح بتقل كل سنه عن اللي قبلها هو انا كده ممكن اجيب مجموع هندسه ولا لا معلش انا اسفه عارفه طولت عليكم بس يا ريت حد يفيدني

وعليكم السلام ورحمه الله وبركاته
شرفنا انضمامك ياقمر لجروب 2018 وباذن الله يكون فتحة خير عليكي و يكون عون ليكي توصلي لحلمك
واضح انك ماشاء الله مجتهدة و عندك اصرار على هدفك
بالنسبة لموضوع الرياضة و فرع الديناميكا .. في الحقيقة انا كنت علوم ف مش هقدر افيدك في الموضوع ..ان شاء الله الناس زمايلي اللي كانوا في رياضة متفوقين جدا ويقدروا يفيدوكي
بس اللي اقدر اقوله ... اني لما طلعت من السنه عرفت بجد ان 3 ثانوي دي محتاجه اجتهاد وبس مش شرط تكوني متفوقة في الرياضة عشان تجيبي مجموع ..لا كان معايا ناس كنت بقول هما داخلين احياء ليه دول مش بيحفظوا كلمتين على بعض ..بس تعبوا جدا جدا جدا ووصلوا لمجاميع عالية جدا
ف دايما اعرفي ان الاجتهاااد يزيل اي عائق

[Stevaniii]

بالنسبة للكيمياء ..هي جزئين ،،جزء كيمياء عادية و جزء كيمياء عضوية
كل جزء فيه معادلات ... و المعادلات في الكيمياء كتير مش عدد قليل بس بالتكركر بتثبت
لو كل يوم بصيتي بس في المعادلات اللي حفظتيها هتثبت جدا ...وانا واحده كان فيه معادلات بحفظها زي الاغنية و عمري ما هنساها ان شاء الله .. والمعادلات اللي وزنها صعب..احفظيها بوزنها...
مش فاهمه سؤال حضرتك اللي هو استناتاجات الغازات
بالنسبة للفيزيا .. اياكي تسمعي كلام البنت دي ..الفيزيا والكيميا من المواد اللي لو حبيتيها ممكن توصل ان مش عاوزة تذاكري غيرهم
حاولي الفيزيا متضيعيش فيها سطر مش فاهماه ..اسمعي مدرس واتنين وتلاته ع اليوتيوب ..اسألي المستر بتاعك مرة واتنين و عشرة ..الفيزيا عبارة عن تفسير الظواهر الطبيعية اللي حواليكي يعني حاجة بتتحس كدا ...دايما حسي الفيزيا ومتسبيش حاجه غير لما تحسي انك حساها😃
حلي كتير حلي كتير حلي كتير ولو كل يوم مسألة او اتنين

[Stevaniii]

ماشاء الله الحمد لله انك كويسة في البلاغة
و بالنسبة للنحو انا واثقة باذن الله انك هتبقي 👌 فيه لانك عند استعداد
الادب متخافيش منه وذاكريه زي ما قلتلكوا .... تعليق النصوص ممكن تحفظيها باكتر من طريقة اما بالاغاني او بالرسومات او بانك تفتكريها بحاجه معينة او انك تاخدي اول كلمه من كل نقطة ...بس انتبهي✋ (الادب والتعليق من كتاااااااب المدرسة) غير كدا اي مجهود هيبقا ف الفاضي
والسنه طويلة جدا معاكي10 شهور هتكرريهم فيها كتير باذن الله وهتكوني اجادتي كل شئ
الحل القاضي على النسيان هو التكرااار

[Stevaniii]

بالنسبة للترجمه كلمتكم عنها بردو اقراي الموضوع من اوله
كتاب top student ممتاز جدا و عاوز حد فاهم المنهج كويس جدا و حد بيحب التكات والاسئلة الصعبة وبيستمتع بيها
اوعي تقلقي من نتايجنا... احنا امتحاناتنا كانت كوييسة وبتقيس فعلا اللي ذاكر من اللي مذاكرش .. بس الغش جه وبهدل الدنيا واصبحت النتيجة مقياس للي عرف يغش من اللي معرفش
و لكن احنا عندنا ثقة ان الله لن يضيع اجر من احسن عملا ✋ اتعبي جدا جدا وعافري واعملي اللي عليكي و خدوا بالاسباب وهتحققوا كل ال نفسكم فيه وبكرا هفكركوا
مفيش حاجه اسمها حد بيحل كويس وبيسقط
مفيش حد سقط غير اللي مذاكرش ..انا ليا زمايل وشوفت نتايج اللي ذاكر وشوفت نتايج اللي تعب وشوفت نتايج اللي لعب وعرفت ان الله لا يضيع اجر من احسن عملا .دعشان ربنا عادل
اتعبي و هتلاقي👍

[amanyaly2]

[QUOTE=Stevaniii;6611537]بالنسبة للترجمه كلمتكم عنها بردو اقراي الموضوع من اوله
كتاب top student ممتاز جدا و عاوز حد فاهم المنهج كويس جدا و حد بيحب التكات والاسئلة الصعبة وبيستمتع بيها
اوعي تقلقي من نتايجنا... احنا امتحاناتنا كانت كوييسة وبتقيس فعلا اللي ذاكر من اللي مذاكرش .. بس الغش جه وبهدل الدنيا واصبحت النتيجة مقياس للي عرف يغش من اللي معرفش
و لكن احنا عندنا ثقة ان الله لن يضيع اجر من احسن عملا ✋ اتعبي جدا جدا وعافري واعملي اللي عليكي و خدوا بالاسباب وهتحققوا كل ال نفسكم فيه وبكرا هفكركوا
مفيش حاجه اسمها حد بيحل كويس وبيسقط
مفيش حد سقط غير اللي مذاكرش ..انا ليا زمايل وشوفت نتايج اللي ذاكر وشوفت نتايج اللي تعب وشوفت نتايج اللي لعب وعرفت ان الله لا يضيع اجر من احسن عملا .دعشان ربنا عادل
اتعبي و هتلاقي👍[/QU

استمرى متابعينك

[fahd aly]

اخوكم فارس نعمة الله ...مش فهد زى ما مكتوب ... 97.44%
مكنش اللى بتمناه للاسف .. اه نسيت علمى علوم اى حد عاوز حاجه يطلب
بالنسبة للكتب ع السريع وهبقا اوضح عنها كل تفاصيل
كيمياء محتاج شرح الوافى او الايزو ... + كتاب الامتحان هو تدريبات بس
احياء الامتحان شرح وحل وكتا الفائز رائع بس اوعى تجيب معاهم الاول او النفيس
جيولوجيا كتاب الامتحان س وممكن الاول ف المراجعه
فيزيه اوعى تشترى كتب كتير انصح بالامتحان والوسام فقط + مذكرة وافية عشان الامتحان وحش شرح
الانجلش جيم ومعاه سنيور او بيست بس بلالاش المعاصر وافتكرها منى
فرنساوى ميرسى فقط الكتاب الاعظم عن تجربة
العربى الاضواء بلح والامتحان بلح

[radwa bakry]

stevaniii شكرا جدا و يارب يوفقق و يا رب اوصل لحلمي و تكون سنه خير علينا كلنا و يكون الجروب فتحه خير يا رب و انا ان شاء الله هعمل اللي عليا و هسيب الباقي على ربنا و ان شاء الله هيكرمني بس انا قبل كده في سنه 1 بصيت ع الادب من كتاب المدرسه لقيته ع بعضه يعني مش مترتب ولا متقسم حسيت انو بيطلع من موضوع يدخل ع موضوع تاني مره واحده بس هحاول من كتاب المدرسه بس عايزه اعرف حجم المناهج اكبر من 2 بكتييير ولا ايه ؟؟ و ان شاء الله ابقا كويسه في النحو

[radwa bakry]

ونعم بالله ان شاء الله مش هيضيع تعبي و ربنا هيكرمني بالنسبه للكتب انا كنت عاوزه اجيب كتاب الامتحان في الكميا و الفزيا و العربي الاضواء الفرنساوي برافو (العربي و الفرنساوي المرسين بتوعي بيطلوبوهم ) العربي المس مش عامله ملزمه و بتقول الكتاب احسن و لما بتبقى فيه حاجه غلط بتصححها كده كويس ولا لازم اجيب نوع تاني معاه و هي اصلا عموما بتحل قطع النحو بتاعت الاضواء كلها و البلاغه و كمان من كتاب الامتحان بنحل و بتدينا ورق س و ج للادب و القصه و غيره بس انا بردو هاخد بالنصيحه و هذكر برده من كتاب المدرسه بعد س وج علشان لو في حاجه ابقا ازودها في الورق و الفرنساوي المس عامله ملزمه و بتطلب منا الكتاب بردو و بتجيب ورق من كتب تانيه و بنحل كتاب الامتحانات اللي في برافو و كتاب تاني و الملزمه فيها اصلا تدريبات و بالنسبه للجرامر انا بكتب وراها و مش ببص ع شرح الملزمه اصلا و لا الكتاب لان لو في حاجه مهمه في شرح الملزمه هي بتقول عليها ف كده كويس ولا اجيب كتاب تاني

[radwa bakry]

المشاركة الأصلية كتبت بواسطة Stevaniii

بالنسبة للكيمياء ..هي جزئين ،،جزء كيمياء عادية و جزء كيمياء عضوية
كل جزء فيه معادلات ... و المعادلات في الكيمياء كتير مش عدد قليل بس بالتكركر بتثبت
لو كل يوم بصيتي بس في المعادلات اللي حفظتيها هتثبت جدا ...وانا واحده كان فيه معادلات بحفظها زي الاغنية و عمري ما هنساها ان شاء الله .. والمعادلات اللي وزنها صعب..احفظيها بوزنها...
مش فاهمه سؤال حضرتك اللي هو استناتاجات الغازات
بالنسبة للفيزيا .. اياكي تسمعي كلام البنت دي ..الفيزيا والكيميا من المواد اللي لو حبيتيها ممكن توصل ان مش عاوزة تذاكري غيرهم
حاولي الفيزيا متضيعيش فيها سطر مش فاهماه ..اسمعي مدرس واتنين وتلاته ع اليوتيوب ..اسألي المستر بتاعك مرة واتنين و عشرة ..الفيزيا عبارة عن تفسير الظواهر الطبيعية اللي حواليكي يعني حاجة بتتحس كدا ...دايما حسي الفيزيا ومتسبيش حاجه غير لما تحسي انك حساها😃
حلي كتير حلي كتير حلي كتير ولو كل يوم مسألة او اتنين

اه انا فاهمه ان كل جزء فيه معادلات بسس في اجزاء اكتر بكتير في المعادلات ولا الكل متساوي يعني مثلا منهج 2 لو تفتكري كان في معادلات في كل الباب بي الباب الاخير كان 57 معادله لوحده يعني المعادلات زي 2 في العدد كده ولا اكتر بشويه ولا اكتر بكتيير ان شاء الله انا ناويه اني ابص ع الحاجه اللي زاكرتها تاني يوم علشان تثبت شويه وزي ما قلتي السنه كبيره و ان شاء الله خير و مشكلتي في حفط الاوزان ان بتبقى في معادلات كتير شبه بعض بس اعتقد مش هتزنق في الوقت زي 2 علشان اسنه كبيره ..... سؤال الاستنتاجات ده انا قصدي اللي هو استنتج الغاز مثلا زي النيتروجين و كان بيبقا في الحل تفاعل الثماد انا اسفه انا مش فاكره الحل بالظبط علشان كده مش عارفه اشرح لحضرتك كويس بالنسبه للفزيا انا ف 2 مكنتش باخد درس و كنت بروح المدرسه قليل علشان كنت الترم التاني و قليل اللي بيروح المدرسه و المس في الاول كانت بتسال يعني الترم التاني مروحتش اسبوع ع بعضه غير في امتحانات الشهور : d بس جبت في الاخر 17 و حاجه مش فاركه بالظبط كنت مقربه من 18 و الباب الاخير كنت مذكراه في فتره الامتحانات علشان كان عندي 3 ايم قبل امتحان الانجليزي و كنت بذاكر فزيا و كنت بحبها جدا و ان شاء لله خير و كنت عايزه اسأل بردو هو امتحانات اخر السنه بتيجي اصعب من مستوى الكتب و لا ايه يعني مستو الامتحان صعب و لا عادي بيجي لافف و محور ؟؟ و انا اللي قالقني اني في 1 جبت 90 % و في 2 للاسف 86 % بس الصراحه كنت مستهبله شويه فكده ممكن مجموعي يعلا ولا ايه ؟؟معلش طولت تاني بس انت بصراحه طمنتي من نقط معينه شكرا جدا ربنا يوفقق

[Stevaniii]

يارب ان شاء الله نكون دايما عند حسن ظنكم ❤
بالنسبة لمستوى الامتحان صعب ولا سهل .. احب اقولك متقلقيش ابدا ..انتي هتحلي اسئلة في الكتب وامتحانات الدروس اصعب بكتييييير من امتحان اخر السنة ..الكتب الخارجية بيحطوا اسئلة لمستويات عاليه جدا عشان الطالب يشعر وكأن امتحان اخر السنة دا تافه .و فعلا هتلاقيه تافه عن اي امتحان او اسئلة حلتيها .. ومتقلقيش من التكات اللي ف اي امتحان ابدااا
.المفروض تبسطك لان هي اللي هتميزك عن حد حافظ وداشش المنهج قبب الامتحان باسبوعين تلاته ومش فاهم حاجه .. و طبعا انتي باين عليكي شطورة ماشاء الله و هتحلي كل سؤال ف كتابك ومش هتسيبي نقطة .
هتقولي طب امال ليه بعض من الناس بتحل الكتب و ف الاخر مش بتجيب مجموع عال
هقولك التوترررر هو اللي بيضيع الدنيا ...انا واحده التوتر الزيادة اللي عندي كان بيمنعني اني اذاكر في شهر الامتحانات يعتبر مذاكرتش كلمه ف شهر الامتحانات ممن التوتر ..واخدت عهد ع نفسي اني مش هاخد حرف من حد لو هيكلفني مستقبلي ...ودخلت الامتحانات وكنت بحل باللي انا فاكراه ايام الشرح ..ف الحمد لله انها جت على اد كدا كمان ☺
الهدف من كلامي ان التوتر بيضيع ..عامل زي الكررسي الهزاز .. طول الوقت بيتهز ومش بيتقدم بيكي ادام ابدا ..لا هو بيهز الشخص وبيوتره وبيخليه كامن ف مكانه