دفعة ثانوية عامة 2017

[H. Mohamed]

يا جماعة بالله عليكم حد يساعدني قبل ما شهر 2 يطير مني .... انا مذاكر Eng . Fra. وفيزياء تمام وماشي مع المدرسين حل كويس ومراجعة وكدا بس المصيبة في ال 4 مواد التانين
عربي محلتش عليييه خااالص غير بلاغة كتير ونحو قليل والباقي بذاكر قبل الدرس وخلاص
كيمياء . انا العضوية طاارت من دماغي ودي كارثة لانها نص المنهج وافكارها كتير وعايزه حل كتير اعمل ايه في العضوية انا واقف في الدرس في الباب 3 وماشي كويس قوي فيه بس العضوية والباب الاول صفر
الاحياء انا مش عارف العيب مني ولا المدرس لاني مش عارف اغير المدرس واول 3 فصول نسيتهم اصلا وكاني بذاكر لاول مرة والمدرس لا بيراجع ولا بينيل ماشي شرح وخلاص بس لسه في الدرس الثاني DNA اراجع الي فات دا ازاي واعمل ايه عشان ما انساش المناعة؟
الجيولوجيا الباب التالت بتاع الصخور دا انا مش فاهمة ولا عارف اعمل فيه حاجة انتوا ذاكرتوه ازاي؟



انا اسف انا عارف اني كتبت كتير بس ارجوكم حد يقولي اظبط كل دا وفي نفس الوقت امشي في الجديد عادي؟ وانا والله لو اقدر اساعد حد قولولي

[Norhan Mostafa]

المشاركة الأصلية كتبت بواسطة h. Mohamed

يا جماعة بالله عليكم حد يساعدني قبل ما شهر 2 يطير مني .... انا مذاكر eng . Fra. وفيزياء تمام وماشي مع المدرسين حل كويس ومراجعة وكدا بس المصيبة في ال 4 مواد التانين
عربي محلتش عليييه خااالص غير بلاغة كتير ونحو قليل والباقي بذاكر قبل الدرس وخلاص
كيمياء . انا العضوية طاارت من دماغي ودي كارثة لانها نص المنهج وافكارها كتير وعايزه حل كتير اعمل ايه في العضوية انا واقف في الدرس في الباب 3 وماشي كويس قوي فيه بس العضوية والباب الاول صفر
الاحياء انا مش عارف العيب مني ولا المدرس لاني مش عارف اغير المدرس واول 3 فصول نسيتهم اصلا وكاني بذاكر لاول مرة والمدرس لا بيراجع ولا بينيل ماشي شرح وخلاص بس لسه في الدرس الثاني dna اراجع الي فات دا ازاي واعمل ايه عشان ما انساش المناعة؟
الجيولوجيا الباب التالت بتاع الصخور دا انا مش فاهمة ولا عارف اعمل فيه حاجة انتوا ذاكرتوه ازاي؟



انا اسف انا عارف اني كتبت كتير بس ارجوكم حد يقولي اظبط كل دا وفي نفس الوقت امشي في الجديد عادي؟ وانا والله لو اقدر اساعد حد قولولي

حضرتك كويس والله
أمسك كل ماده أسبوع بجانب حاجات الدرس والله هتبقى تمام وهتوازن واسمع كلام مدرسك

[Mohamed Dokdok]

المشاركة الأصلية كتبت بواسطة H. Mohamed

يا جماعة بالله عليكم حد يساعدني قبل ما شهر 2 يطير مني .... انا مذاكر Eng . Fra. وفيزياء تمام وماشي مع المدرسين حل كويس ومراجعة وكدا بس المصيبة في ال 4 مواد التانين
عربي محلتش عليييه خااالص غير بلاغة كتير ونحو قليل والباقي بذاكر قبل الدرس وخلاص
كيمياء . انا العضوية طاارت من دماغي ودي كارثة لانها نص المنهج وافكارها كتير وعايزه حل كتير اعمل ايه في العضوية انا واقف في الدرس في الباب 3 وماشي كويس قوي فيه بس العضوية والباب الاول صفر
الاحياء انا مش عارف العيب مني ولا المدرس لاني مش عارف اغير المدرس واول 3 فصول نسيتهم اصلا وكاني بذاكر لاول مرة والمدرس لا بيراجع ولا بينيل ماشي شرح وخلاص بس لسه في الدرس الثاني DNA اراجع الي فات دا ازاي واعمل ايه عشان ما انساش المناعة؟
الجيولوجيا الباب التالت بتاع الصخور دا انا مش فاهمة ولا عارف اعمل فيه حاجة انتوا ذاكرتوه ازاي؟



انا اسف انا عارف اني كتبت كتير بس ارجوكم حد يقولي اظبط كل دا وفي نفس الوقت امشي في الجديد عادي؟ وانا والله لو اقدر اساعد حد قولولي

العضوية اتفرج على فيديوهات مستر ايهاب السعيد شارح العضوية في حوالي 10 فيديوهات الفيديو ساعتين تقدر تتفرج عليهم في 3 ايام مثلا و العربي طالما انت حالل بلاغة حلو وفاهم بلاغة النصوص هتبقى سهلة حمل مذكرات مستر رضا الفاروق الترمين ذاكر منها وحل في تطبيقات الرسالة
الباقي مقدرش افيدك اخواتك هنا كلهم علوم ان شاء الله يفيدوك

[Stevaniii]

المشاركة الأصلية كتبت بواسطة h. Mohamed

يا جماعة بالله عليكم حد يساعدني قبل ما شهر 2 يطير مني .... انا مذاكر eng . Fra. وفيزياء تمام وماشي مع المدرسين حل كويس ومراجعة وكدا بس المصيبة في ال 4 مواد التانين
عربي محلتش عليييه خااالص غير بلاغة كتير ونحو قليل والباقي بذاكر قبل الدرس وخلاص
كيمياء . انا العضوية طاارت من دماغي ودي كارثة لانها نص المنهج وافكارها كتير وعايزه حل كتير اعمل ايه في العضوية انا واقف في الدرس في الباب 3 وماشي كويس قوي فيه بس العضوية والباب الاول صفر
الاحياء انا مش عارف العيب مني ولا المدرس لاني مش عارف اغير المدرس واول 3 فصول نسيتهم اصلا وكاني بذاكر لاول مرة والمدرس لا بيراجع ولا بينيل ماشي شرح وخلاص بس لسه في الدرس الثاني dna اراجع الي فات دا ازاي واعمل ايه عشان ما انساش المناعة؟
الجيولوجيا الباب التالت بتاع الصخور دا انا مش فاهمة ولا عارف اعمل فيه حاجة انتوا ذاكرتوه ازاي؟



انا اسف انا عارف اني كتبت كتير بس ارجوكم حد يقولي اظبط كل دا وفي نفس الوقت امشي في الجديد عادي؟ وانا والله لو اقدر اساعد حد قولولي

انت ماشي كويس ماشاء الله متقلقش واحسن من ناس كتير اوي مشاكلك بسيطه جدا
اي حاجة عاوز تعملها عمرك ما هتواظب علي عملها وتشتغل فيها باستمرار غير لو خليتها روتين يومي
لان لو سبتها كدا بالبركة يبقا يوم هتعملها و 10 لا
بمعني انك بتقول عربي محلتش عليه خالص غير بلاغة ونحو وبتذاكر قبل الدرس وخلاص
انت كدا تمام جدا وفي الامان .. اعمل لنفسك نظام بقا انك كل يوم قبل ميعاد نومك بساعتين هتمسك درس عربي معين وتقراه مرتين تلاته وتبدا تحل عليه من اي مصدر
سواء بقا دا كان درس قراءة ولا نص ولا قصة ولا ادب
طب بالنسبه للكيميا ..هتخصصلها ساعتين اول ما تصحي من النوم علي طول مع كباية النسكافيه ..صدقني الكيميا وبالذات عضويتها من اجمل الاجزاء اللي تتذاكر فيها
طب لو انت كنت مذاكرها بس ناسيها ..هتعمل زي العربي كدا تقرا الدرس مرتين تلاته وتحل عليه ولو وقف حاجة ..ترجع تبص للدرس تاني او تشوف الحل وتفهمه
طب نفترض انك متعرفش فيها حاجة ..هتعمل بالنصيحة اللي محمد قالك عليها فوق انك هتتابع مستر ايهاب سعيد ولما يشرح جزئية تقفل الفيديو وتذاكرها وتحل عليها وبعدين تفتح الفيديو تكمل وهكذا ...صدقني بالنظام دا شهر بالكتير هتلاقي نفسك اتظبطت خالص
طب بالنسبه للاحياء ..انت بتقول انك ناسيها ..صدقني النسيان دا مش مشكلة خااالص كلنا بنعاني منه واهم حاجة انك مذاكر الدرس دي اهم حاجة
ومتقلقش هتراجعها مره واتنين وعشرة وهتكتشف ان الاحياء دي اسهل ما دة تتراجع ..ومتقلقش كل المدرسين شغالين شرح ف الاحياء محدش فيهم بيراجع (معظمهم)
لو انت حابب تراجع مع نفسك جزئية خصصلها يوم وهات من زمايلك امتحانات المدرسين بتوعهم علي الجزئية دي او هات امتحانات من علي النت واختبر نفسك
معلش طولت ف الكلام بس يارب اكون قدرت افيدك