دفعة ثانوية عامة 2017

[Mohamed Dokdok]

المشاركة الأصلية كتبت بواسطة Mohamed Shawky99

بالنسبة لرقم 11 و 12 و 13 دول بيقفوا معاك و مش بتعرف تكملهم ولا مش فاهمهم اصلا ؟
اصل لو مش فاهمهم ييبقي المدرس بتاعك ماحلش معاكو مسائل كتير ع الدرس ده عشان مسائل الدرس ده كلها شبه بعضها و الاختلاف في الالفاظ بس .. انما طريقة الحل واحدة مفيش اختلاف

رقم 8 دي سيبها دلوقتي عشان شكلها عايزة قانون من قوانين الفيزيا

مش بعرف اكمل

[Mohamed Shawky99]

المشاركة الأصلية كتبت بواسطة Mohamed Dokdok

مش بعرف اكمل

بص يا سيدي .. انا عايز اقولك ان في اول حصة و المستر بيشرح الدرس ده انا كنت قاعد متنح مش فاهم حاجة حتي في الامثلة اللي كان بيحلها بعد الشرح ماكنتش فاهم هو بيعمل ايه برضه .. بس رجعت البيت مسكت الملزمة و فهمت الدرس و عرفت انه اصلا ك شرح يتلخص في 3 جُمل
1- توجد علاقة بين المعدلات المعطاة و المعدلات المطلوبة :
يعني في المسألة بيبقي مديك معطيات و عايز مطلوب .. انت بقي اللي عليك انك تجيب علاقة بين الاتنين
لو مثلا في المسائل المباشرة زي تتحرك نقطة كذا علي المنحني كذا .. هو كدا مديك العلاقة جاهزة .. مسألة زي عمود نور و تحرك رجل .. دي بتبقي مثلث .. و العلاقة اللي فيها بتبقي من فيثاغورس او التشابه .. مسائل الحجوم و المساحات زي حجم كرة او مساحة مستطيل .. العلاقة هنا بتبقي من قانون الشكل اللي عندك سواء حجم او مساحة او محيط

2- توجد د / دن للعلاقة دي .. يعني تشتقها بالنسبة للزمن عادي

3- ايجاد المطلوب عند اللحظة المعطاه :

بمعني هو مثلا كان قايلك اوجد معدل تغير الحجم عندما يكون نق = كذا .. او اوجد معدل تغير كذا عندما كذا يساوي كذا .. يبقي هو مديك لحظة عايز المطلوب عند اللحظة دي .. يعني مثلا طالب معدل تغير حجم الكرة عندما نق = 5 سم .. يبقي بعد ما هتشتق القانون هتعوض عن نصف القطر بـ 5 سم و تطلع الناتج


صدقني هي كلها افكار متشابها و هتتكرر معاك كتير و نفس طريقة الحل كمان .. كل اللي مطلوب بس اننا نحل عليه كتير عشان يثبت و تجمع افكاره كلها