سؤال من فضلكم ياريت مساعدتكم

[62 Ahmed khames]

السلام عليكم .....
أنا طالب لسه مخلص ثانوية عامة والحمد لله جبت 99.2 ....المهم يعني إن شاء الله هخش طب بشري وأنا من بني سويف .....بس بيقولو طب بني سويف وحشة والمستوى التعليمي فيها وحش وغير معترف بيها يعني هتخرج طبيب فاشل ....هل الكلام ده صحيح؟؟ ولو صحيح أعمل ايه وايه نصايحكم ......ياريت تساعدوني

[*تائبة فى رحاب الله*]

أولاً :
ألف مبرووك يا دكتور على المجموع الجميل ده ومن تميز لتميز بإذن الله ،،
أنا مش هفتى لأنى معرفش حاجة فى طب بنى سويف ولا اعرف حد فيها حتى
بس هقول لك حاجة سنين تعليمك فى الكلية دى فااااكس جدا اه والله ، مش هتستفيد حاجة الا حرقة دم وتراكمى بس هيفيدك فى التوزيع بعد اما ان شاء الله اما تاخد التكليف
هتتخرج متعرفش حاجة شوية معلومات رص صغيرين كدة ، الشغل كله فى امتياز ومش قوى بردة انما التكليف لو أخدت نيابة فى مستشفى كويسة ^^..
وقتها بقى تلف وتشتغل برايفت تتفحت شغل تدور تعمل معادلات تحضر زمالة
تقرأ كتير ، تحاول تشوف فرصة عمل برة وتتمرس فى المهنة وقتها هتبقى دكتور شاطر فعلا والكلية مش هتأثر يعنى ولا حاجة متقلقش d:
اه صحيح افتكرت :3 دكتور خريج بنى سويف بس هو حاليا فى المانيا "اوعدنا يارب :3 "
بس هو متكلمش خالص عن مستوى الكلية بس كل اللى اعرفه ان كان خارج بمقبول d:
واجتهد وحضر وسافر وأحسن من مية دكتور فى أحسن جامعة فى مصر

*توكل الله واجتهد وانو خيراً
وربنا يوفقك .

[هاوى إبداع]

بص يا دكتور احمد وركز ف كلامي كويس لاني كنت زيك في يوم م الايام ... انا شبه عارف الكليه عندكم عامله ازاي . العمليه كلها متوقفه ع الشخص نفسه متوقفه مثلا ع مدي حبك للكليه.. مدي ارادتك وطموحك فانك تكون شاطر حط ف بالك دايما ان اي نجاح ف الدنيا متوقف ع حاجتين وبس )العنصر البشري 90٪+الامكانيات10(
واقصد بالامكانيات ال هي المستشفي بتاعتكم والاستف وانتو عندكم المستشفي مستواها حلو بغض النظر عن الكليه بس صدقني زي ماقالت الدكتوره فوق ف النهايه كله بيطلع من الكليه زي بعضه البدايه الحقيقيه ف الامتياز وما بعده سنة الامتياز دي في ناس بتعدي فيها وتوصل لمستويات خارقه وناس بتطلع منها وهي زي ماهيا ولا كان مر عليهم امتياز توكل علي الله وادخل طب بني سويف وشد حيلك انا اعرف ناس من بني سويف وشاطرين جدا .. انا عندك اهو ف الازهر ولما كنت قدك ناس كتير قعدت تقولي الازهر تعبان وهتطلع مش فاهم اي حاجه ف اي حاجه لحد لما لقيت ان كلامهم دا غلط ف غلط وشوفت قد ايه صحابي لما اتخرجوا واشتغلو قد ايه بيكون مستواهم عالي وناس كنت ساكن معاهم حاليا بيطلعوا ع التلفزيون وشغالين ف اماكن رائعه جدا .. ربنا يوفقك يا دكتور وتطلع زي مانت حابب

[Abdelrahman M M]

المشاركة الأصلية كتبت بواسطة 62 ahmed khames

السلام عليكم .....
أنا طالب لسه مخلص ثانوية عامة والحمد لله جبت 99.2 ....المهم يعني إن شاء الله هخش طب بشري وأنا من بني سويف .....بس بيقولو طب بني سويف وحشة والمستوى التعليمي فيها وحش وغير معترف بيها يعني هتخرج طبيب فاشل ....هل الكلام ده صحيح؟؟ ولو صحيح أعمل ايه وايه نصايحكم ......ياريت تساعدوني

فى الأول ألف مبروووووك يا دكتور

أنا نفس النظام بتاع أحمد بالظبط ونفس المجموع 99.27 % برضو بس الفرق انا من المنيا فيه ناس قالتلى إن طب المنيا مش معتدمه ومعفنه وكذلك المستشفيات فى المنيا .

طيب ده ممكن يأثر عليا فى إيه لو استمريت فيها ( مع العلم إن فى قرار السنادى بيقول إن الإسكندرية و السويس والمنيا ( تم إضافتها السنادى بسبب تغير فى اللوائح ) مينفعشى يحولوا إلى أى جامعه تانية زى القصر العينى مثلا )