97% .. حاسبات ولا هندسة؟؟

[muhammed pk]

بسم الله الرحمن الرحيم

انا لسة مخلص ثانوية عامة مصرية وجايب الحمدلله 97% يعنى ان شاء الله ضامن هندسة قاهرة كمان

بس بقكر ادخل حاسبات ومعلومات لانى حابب انى ابدا وادرس فى المجال ده بس الناس كلها بتقولى هندسة احسن وحرام مجموعك وكده

ومش عارف اعمل ايه ؟ عايز اعرف مستقبلها احسن ولا هندسة ؟ واقدر اتفوق فيها لو اهتميت ولا لا وانا داخلها ومعرفش حاجة عن البرمجة وكده ؟ واى حاجة تشجعنى انى ادخلها

[Falco]

انا برضوا عندى نفس مشكلتك دى نفسى ادخل حاسبات حبا ف المجال ومجموعى يدخلنى هندسة القاهرة مش عارف لو فيه مجال مشابه لحاسبات ف هندسة اكيد هندسة افضل ممكن حد يفيدنا ؟

[Mena Rezk]

كنت لسة رايح اسأل عن نفس الموضوع

[ahmad khalid]

انا برده ان شاء الله هخش القاهرة
بس انا لما قريت عن هندسة القاهرة لقيت فى قسم اسمه هندسة حاسبات بتتدرس فيه كمبيوتر و برمجة و الحاجات دى و هتبقى اكيد احسن من حاسبات لأنك هتبقى خريج كلية الهندسة

[muhammed pk]

بس هندسة حاسبات بتركز على الهاردوير ومستقبلها مش حلو زى حاسبات

[EhabAmmar]

صلوا على النبى يا رجاله ... دلوقتى حاسبات بتركز على السوفت وير فى كل شغلها ... حلو ..... و هندسه حاسبات بتعتمد على الهاردوير .... اما عشان تحكم انت عايز ايه شوف شغل الهاردوير عامل ازاى و السوفت وير ازاى .... من نحيت الرواتب و الشغل و الدنيا دى و الطلب عليهم .... و قرر اما مفيش حد يقدر يقلك تقرر تعمل ايه

[ahmad khalid]

طب حضرتك ممكن توضحلنا الفرق

[هند عبدالحميد]

على فكرة يا جماعة خريجي كليات الحاسبات لا يعتبروا كاعضاء في نقابة المهندسين ....فأعتقد كلية هندسة افضل والله الموفق

[EhabAmmar]

فعلاً خريج حاسبات ومعلومات ليس له نقابة فى نقابة المهندسين ... للآسف اما فى نقابه يتم الانشاء بأسم نقابة مهندسى البرمجيات ..... لخريج حاسبات و معلومات وما يعادلها .....
و ياريت حضرتك تلقى محتاج الفرق بين ايه و ايه

[Eng-A.Mostafa]

من وجهت نظر حضرتك شايف مجال السوفت اكتر ولا الهاردوير في مصر او حتي الدول العربيه ؟

[Nasr Fouad]

اتكل على الله و ادخل هندسة حسب مجموعك علشان ما تندمش بعد كده لاني انا مجموعي كان يدخلني طب بيطري و انا فضلت التربية و بعدين ندمت