مفيش فرص عمل ؟! لأ ....فيه

[MohammeD el_SadaT]

بص هو كلامك صح
وكل حاجه بس من الواضح إن حضتك نسيت نقط كتير مهمه
أوى

أولاً
إننا بلد الكوسه اللى معاه كوسه بيعدى واللى معهوش ميلزموش وكل واحد بياخد على حجم كوسته
يعنى بالمختصر المفيد
بلدنا دى لو إتزرعت قمح بيطلع فى سنين لكن لو إتزرعت كوسه هتطلع وإحنا واقفين
ونهر النيل بتاعنا ده لو بقى صلصه مش هيكفى الكوسه اللى فى مصر
ثانياً
القانون اللطيف الظريف اللى أكيد كلنا عارفينه الأولويه لأبناء العاملين يعنى مفيش فرصه لو أنا شغال فى شركه والشركه دى إحتاجت محاسب المفرضو اللى يشتغل ده يبقى خريج تجاره دا المفروض لكن لو أنا شغال فى الشركه وعندى إبن خريج دبلوم تجاره يبقى له الأولويه
شوفت إزاى عشنا وشوفنا بتاع الدبلوم يحل محل خريج الكليه وعادى جداً إحنا فى مصر
ثالثاُ
التعليم فى مصر فاشل بكل المقايس معظم مدرسين المرحله الأساسيه اللى هى الإبتدائيه مش خرجين جامعات دول يادبلوم معلمين اللى من 60000 سنه ده يا خريج صنايع يا إما متعين ذوى الإحتياجات الخاصه وتلاقى مدرس العربى هو هو بتاع الإنجليزى بردو بتاع التاريخ على رأى فيلم الناظر أنا مدرس رياضيات وفرنساوى عقبال ما يجبو مدرس فرنساوى جديد
رغم إن المرحله دى هى أهم مرحله فى حياه الطالب لأن التعليم فى الصغر كالنقش على الحجر
يبقى إزاى عاوز جيل مثقف وفاهم وهو أصلاً من منشأه خطأ
رابعاً
علمونى وبعد أن علمونى إكتشفت أنهم لم يعلمونى شيأً
ده كان عنوان موضوع ليا
وهو عباره عن إنى بتولد بسمع إن الكذب بيودى فى داهيه والصدق بينجى الإعتراف بالحق فضيله حاجات كتير بتعلمها لكن مع الأسف مع أول إختبار بلاقى العكس تماماً الكذب هو اللى بينجى الإعتراف بالحق فضيحه
لازم تجامل لازم تنافق لازم حاجات كتير عشان تعدى
خامساً
مفيش حد فى مكانه تلاقى الدكتور بيدرس 7 سنين عشان فى الاخر يتخرج يشتغل صبى سباك والمهندس شغال طبال وحاجات مش ممكن تشوفها غير فى مصر
طب ليه كده ليه كل ده
؟؟؟
عارف ليه
!!!
لان رسولنا الكريم قال
" تركت فيكم ما إن تمسكتم به لن تضلو بعدى أبداً كتاب الله وسنتى "
فين إحنا من كل ده بقه إحنا بقى همنا الأول والأخر المظهر الشكل العام مش لاقى أكل بس لازم موبايلى يبقى فيه شحن بيتى مفهوش قرش بس لازم أكون شيك
إحنا بقينا أمه خاويه

و
آسف على الإطاله لكن بجد الموضوع شدنى ولسه فيه كلام كتير عندى بس مش عاوز اطول أكتر من كده عشان متزهقوش منى