ليــــــــــــــــــــــــــــــــــــــــــــــه؟ !!!

[retag allah]

المشاركة الأصلية كتبت بواسطة Baskoota

السلام عليكم ورحمة الله


طبعا اكيد عنوان الموضوع غريب

لا؟

مش غريب؟؟؟

طب كويس والله


المهم يعني انا عايزة اقول ان موضوعي كله بيدور حول الكلمة دي


نفسي اللي يدخل يحاول يرد على اسألتي لاني بجد مش لاقيالها اجابة




ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟
عايزه تعيش الدور شغل مراهقين بقي وياما بنات وقعوا فيه واحساس ان في حد بيحبها يخليها تكمل اكيد وتتخدع فيه اكتر وهو يتمادي اكتر وهي بتبقي عارفه ان مفيش اي نهايه في حكايتهم تنتهي بالفرح والزيته والمعازيم والكلام دا ...ربنا يهديهم

وليه نفس البنت دي بعد ما الولد دا يسيبها تروح تمشي مع ولد تاني؟؟
ممكن تكون بتحاول تنسي الاولاني ودا بنات كتير بتعمل الحركه دي معتقده ان الموضوع دا هينفع وتقع نفس الوقعه المنيله "ولا حياه لمن تنادي"


ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟
والله مهما كان ان الله لا يضيع اجر من احسن عملا واللي مكتوب عالجبين لازم تشوفو العين يااخوانا:D:D
الشغل هيتلاقي هيتلاقي المهم الصبر عالبلد الكوسه دي ونشوف اخرتهم ليهوبعدين دلوقت مفيش شغل مش فيه كوسه وكدا دورلك علي حد مفيش حد بيمشي كدا في الزمن دا لازم الواسطه


ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟

لان الاب والام بيتمنو لابنهم احسن حاجه وفي اعتقاد كل الامهات والابهات ان الطب علي اساس انها كليه قمه في علمي والهندسه نفس الحكايه في علمي رياضه هي المستقبل مع انهم متلقحين برده زى كل الناس للاسف مستنيين السفر ولا التكليه ولا الحاجات دي
ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟

الكلام دا احيانا بس معظم الاحيان ببقي شايفه نفسي صح

ليه بنكره الاعتراف بالخطأ وبنتكبر اننا نقول اننا غلطانين؟؟
ليه؟ انا لما بغلط بعتزر علي طول طلاما غلطانه لازم اعترف بغلطي

ليه مبقيناش نحترم الكبير زي الاول؟؟
لان الدنيا والعالم اتغيروا ومن ضمن الحاجات اللي خدناها من الغرب الموضوع دا عارفه الافلام الاجنبيالزعيق والشخط في الكبير بوز عندنا العادات والتقاليد بتوعنا وخلانا بالشكل دا منهارين

ليه كل الناس عايزة تتكلم بس مفيش حد عايز يسمع؟؟

لان دي بقيت الطبيعه بتاعتنا يلا نفسي مفيش حد بيسمع نصيحه او اعتراض علي تصرفاته كله شايف نفسه صح ومبيغلتش

ليه لما بكون داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب مني الكارنيه او يقولي لفي من البوابة التانية مع انه عارفني وبيشوفني كل يوم لكن بيسيبها هي تعدي مع انها ممكن يكون اول مرة يشوفها؟؟

دا الطبيعي طبعا في الزمن دا اللي ماشي صح يداس في الرجلين واللي حطا احمر واخضر دي يا سلام تتحط فوق الراس
ليه بتبقى شهم اوي لو واحد صاحبك طلب منك خدمة انما لو ابوك طلب منك تغسل العربية بتبقى متكدر مع انك انت اللي بتخرج بيها ؟؟
اه انا فيا الموضوع دا لما يمكن كسل او بتحبي تباني ادام اصحابك انك جدعه اما البيت فهما عارفينك تتجملي ادامهم ليــــــــــــــــــــــــــــــــه!!!

ليه بتقعدي تكلمي صحبتك بالساعات في التليفون ولما امك تطلب منك حاجة في شغل البيت تقولي انك تعبانة؟؟

كسل بعيد عنك او زهق او عندك تحكي مع صحبتك احسن من انك تساعدي في البيت

ليه ممكن تقرأ موضوع 10 صفحات ع النت ومتقراش ولا صفحة قرآن في اليوم؟؟

لا معنديش الموضوع دا الحمد لله

لييييييييييييييييييييييييييييييييييييييييييه؟؟

ولسا كتير
كتير
كتير

بس ليه؟؟

لا لسه ايه دانا ايدي وجعتني كفايه اوي كدا وشكر علي الموضوع بتاعك الجامد دا:D

[Baskoota]

المشاركة الأصلية كتبت بواسطة bossy tara

لا لسه ايه دانا ايدي وجعتني كفايه اوي كدا وشكر علي الموضوع بتاعك الجامد دا:D

لا الف سلامة
بجد شكرا للمرور الجمييييييييييييييل والاجابات الجامدة
ربنا يكرمك
وجزاكي الله خيرا