ليــــــــــــــــــــــــــــــــــــــــــــــه؟ !!!

[S.p.e.C.i.a.L]

المشاركة الأصلية كتبت بواسطة Baskoota

السلام عليكم ورحمة الله






ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟

انا لا اعتقد هذا , هي مش ممكن تكون مقتنعة انه هيسيبها ومش هيتجوزها هي بتكون مخدوعة فيه وبتصدقه في كل كلامه وعلشان كده بتكمل معاه ومبتسيبوش

وليه نفس البنت دي بعد ما الولد دا يسيبها تروح تمشي مع ولد تاني؟؟

اذا مخدتش حذرها في الموضوع التاني تبقي غبية
وفي الحالتين هي مبتفكرش كويس ,هي عقلها لسه صغير

ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟

يمكن علشان نعمل اللي علينا وما نحسش بالذنب من ناحية تقصيرنا

ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟

دي ثقافة مجتمع ,مجتمعنا بيعتبر انه افضل ناس هما الدكاترة والمهندسين

ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟

لا , الشخص ده مبيضحكش علي نفسه هو عارف انه غلط
لكنه عارف برده انه ليه مصلحة ان الناس تصدق اللي بيقوله والمصلحة دي هو بس اللي عارفها

ليه بنكره الاعتراف بالخطأ وبنتكبر اننا نقول اننا غلطانين؟؟

ده انا بعتبره ضعف شخصية وقلة ثقة بالنفس

ليه مبقيناش نحترم الكبير زي الاول؟؟

اي حد هو اللي بيفرض احترامه علي الناس سواء كان كبير او كان صغير
يعني لو الكبير ده محترم اكيد الكل هيحترمه الا اذا كان شخص مختل نفسيا

ليه كل الناس عايزة تتكلم بس مفيش حد عايز يسمع؟؟

لان في وقتنا ده كل حد عايز يكون الكبير المسموع لان ظروفنا بقت صعبة جدا
ولان في مشاكل نفسية كتير كل واحد عايز يعوض ده بانه يبقي مسموع الكلمة

ليه لما بكون داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب مني الكارنيه او يقولي لفي من البوابة التانية مع انه عارفني وبيشوفني كل يوم لكن بيسيبها هي تعدي مع انها ممكن يكون اول مرة يشوفها؟؟

لو ده حصل يبقي شخص غير محترم

ليه بتبقى شهم اوي لو واحد صاحبك طلب منك خدمة انما لو ابوك طلب منك تغسل العربية بتبقى متكدر مع انك انت اللي بتخرج بيها ؟؟

يمكن بسبب الفرق بين الاب والصاحب لو الاب صاحب ابنه اكيد ابنه هيحب يعمله اي حاجه في الدنيا
لانه طبيعي المراهقين واللي سنهم مش كبير مبيحبوش حد يأمرهم ودي طبيعة انسانية

ليه بتقعدي تكلمي صحبتك بالساعات في التليفون ولما امك تطلب منك حاجة في شغل البيت تقولي انك تعبانة؟؟

ا

نا عن نفسي بكره التليفون لكن لو حد غيري ممكن للسبب السابق انها مبتحبش حد يأمرها
يمكن لو امها طلبت منها تعمل الحاجه دي باسلوب افضل هتعمله ومش هتكون مضايقة

ليه ممكن تقرأ موضوع 10 صفحات ع النت ومتقراش ولا صفحة قرآن في اليوم؟؟

اكيد ضعف ايمان

لييييييييييييييييييييييييييييييييييييييييييه؟؟

ولسا كتير
كتير
كتير

بس ليه؟؟

كفااااااااااااااااااااااااااية

اسألتك فعلا بتفرض نفسها
أتمني أكون جاوبت بشكل جيد
شكرا جزيلا علي موضوعك الجميل

[كلمه حب]

والله لو هندور على كام سؤال اسمه ليه فى حياتنا هنلاقى كتيييييييييييير اوى وفعلا معاكى حق فى اسالتك بس كمان ليه الدنيا مبقاش فيها امان وليه كل حد نامنله يخدعنا ويبعد عننا بعد مانتعلق بيه وياخد كل احلامنا مننا بعد مايعيشنا الدنيا بكل حاجه حلوة فيها وليه مبقاش فيه صاحب بجد نلاقيه وقت مانحتاجله بجد جنبنا ويستحملنا وليه قلبنا مش بيختار غير القسوة ومش بيشوف كويس وليه حياتنا بقى كل اللى فيها جرح وحزن وبعد وكره ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كل اللى بيرد دى وجه نظره هو بس هو ده حال دنيتنا عمرها ماهتتغير علشان ذى مافى كويس فى مش كويس وذى مافى وحش فى حلو بس الظلم بقى جبروت والحب هجر قلوب الناس بجد حراااااااااام اللى بيحصل مننا لينا ده . ميرسى على الموضوع وسورى لو ردى كان حاد شويه بس الواحد شايل من الدنيا كتير وموضوعك جه فى وقت صعب بقى يابسكوته

[Baskoota]

المشاركة الأصلية كتبت بواسطة كلمه حب

والله لو هندور على كام سؤال اسمه ليه فى حياتنا هنلاقى كتيييييييييييير اوى وفعلا معاكى حق فى اسالتك بس كمان ليه الدنيا مبقاش فيها امان وليه كل حد نامنله يخدعنا ويبعد عننا بعد مانتعلق بيه وياخد كل احلامنا مننا بعد مايعيشنا الدنيا بكل حاجه حلوة فيها وليه مبقاش فيه صاحب بجد نلاقيه وقت مانحتاجله بجد جنبنا ويستحملنا وليه قلبنا مش بيختار غير القسوة ومش بيشوف كويس وليه حياتنا بقى كل اللى فيها جرح وحزن وبعد وكره ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كل اللى بيرد دى وجه نظره هو بس هو ده حال دنيتنا عمرها ماهتتغير علشان ذى مافى كويس فى مش كويس وذى مافى وحش فى حلو بس الظلم بقى جبروت والحب هجر قلوب الناس بجد حراااااااااام اللى بيحصل مننا لينا ده . ميرسى على الموضوع وسورى لو ردى كان حاد شويه بس الواحد شايل من الدنيا كتير وموضوعك جه فى وقت صعب بقى يابسكوته

لا والله الرد مش حاد و حاجة
بالعكس دا بيظهر ان الانسان شايل ومعبي من الدنيا
شكرا للمرور الكريم والرد

[Baskoota]

المشاركة الأصلية كتبت بواسطة S.p.e.C.i.a.L

اسألتك فعلا بتفرض نفسها
أتمني أكون جاوبت بشكل جيد
شكرا جزيلا علي موضوعك الجميل

جزاك الله خير الجزاء للمرور
وشكرا لتحليلك الموضوع
اجابات منطقية
لكن للاسف يا ريت الكل يفهمها