أي حد نفسه يسأل عالكلية او أي استفسار يخش هنا ويسأل براحته

[ahmedxx2015]

طب هى الحاسبات دى مش فى قسم اتصالات بردو على ما اعتقد صح ؟ بلبيس فيها اتصالات

[ahmed ud]

لو سمحت .. انا محتار اوووى انى اخش حاسبات و معلومات خاص فى الاكادمية البحرية ولا لأ
(اولا) انا كنت عايز اعرف هل شهادتها كويسة ولا اى كلام ؟؟؟
(ثانيا) هل الكلية ليها مستقبل بجد مش كلام و بس يعنى عشان انا كل لما اخش هنا الكلية بتزيد فى نظرى و بحبها اكتر و بكون متحمس انى ادخلها لكن لما اكلم حد عليها او اهلى و على مستقبلها بحسسونى انها عادية و شغلها قليل فى الوقت دة و خصوصا فى المحافظة اللى ساكن فيها و هى اسوان .. و ان كلية نقل دولى و اللوجيستيات احسن منها من حيث الشغل و المستقبل خصوصا بعد انشاء قناة السويس و كدة !! انا عايز حد بس يفهمنى اكتر بعد الدراسة هعمل ايه ؟؟ و ممكن اشتغل فين ؟؟ و هل شغلها ليه مجال واسع ولا فى اماكن محددة او لازم يكون معايا واسطة او كدة ؟؟ محتاج حد يطمنى على انى هخش الكلية اللى حاببها و اللى هشتغل بيها بردو


=> ارجو الرد من شخص متخرج من الكلية و فاهم شغلها كويس اوووى .. شكرا جزيلا

[2mrsameh]

لى واحد صحابى نزل فى مادة الانجليزية مش عرف هل يذاكر مادة بتعت السنة لى كان فى والا منهج تغير الرجاء الرد

[Eng.Mo'men]

المشاركة الأصلية كتبت بواسطة ahmedxx2015

هو قسم حاسبات ده فى اتصالات صح ؟

شعبة حاسبات فى كهربا

[Eng.Mo'men]

المشاركة الأصلية كتبت بواسطة ahmed ud

لو سمحت .. انا محتار اوووى انى اخش حاسبات و معلومات خاص فى الاكادمية البحرية ولا لأ
(اولا) انا كنت عايز اعرف هل شهادتها كويسة ولا اى كلام ؟؟؟
(ثانيا) هل الكلية ليها مستقبل بجد مش كلام و بس يعنى عشان انا كل لما اخش هنا الكلية بتزيد فى نظرى و بحبها اكتر و بكون متحمس انى ادخلها لكن لما اكلم حد عليها او اهلى و على مستقبلها بحسسونى انها عادية و شغلها قليل فى الوقت دة و خصوصا فى المحافظة اللى ساكن فيها و هى اسوان .. و ان كلية نقل دولى و اللوجيستيات احسن منها من حيث الشغل و المستقبل خصوصا بعد انشاء قناة السويس و كدة !! انا عايز حد بس يفهمنى اكتر بعد الدراسة هعمل ايه ؟؟ و ممكن اشتغل فين ؟؟ و هل شغلها ليه مجال واسع ولا فى اماكن محددة او لازم يكون معايا واسطة او كدة ؟؟ محتاج حد يطمنى على انى هخش الكلية اللى حاببها و اللى هشتغل بيها بردو


=> ارجو الرد من شخص متخرج من الكلية و فاهم شغلها كويس اوووى .. شكرا جزيلا

خاص كويسة .. ايوة معادلة بكلية الحاسبات الحكومية .. ايوة مستقبلها كويس بشرط اجادتك فى المجال عشان فيه منافسين خريجي كليات تانية .. ههههههههه لالا سيبك منهم ياعم دا الدنيا كلها دلوقتي شغالة بالكمبيوتر انت ادرى واحد بمستقبلك .. اثناء الدراسة هتظبط نفسك فى الكورسات وبعد الدراسة هتدرب وتشوف ناقصك ايه فى الكورسات فى اي تخصص سواء برمجة او شبكات او قواعد بيانات والبرمجة من ضمنها برامج الديسك توب العادية او برامج الويب .. تطوير الويب يعني .. هتشتغل فى بنوك او مصانع او شركات برمجيات على حسب تخصصك .. مجاله واسع بس فى اسوان مش اوي فى القاهرة اوسع بكتييير .. لا مش محتاج واسطة ولا حاجة ... قدم وربنا هيوفقك ان شاء الله

[Eng.Mo'men]

المشاركة الأصلية كتبت بواسطة 2mrsameh

لى واحد صحابى نزل فى مادة الانجليزية مش عرف هل يذاكر مادة بتعت السنة لى كان فى والا منهج تغير الرجاء الرد

هو هو مش اتغير

[ahmed ud]

شكرا .. حضرتك طمنتنى والله عشان كنت قلقان و قاعد اسبوع بفكر فى الموضوع دة .. بس كنت عايز اسأل حضرتك سؤال .. دلوقتى ايه الفرق بين مهندس اتصالات و الكترونيات و الحاسبات و معلومات ؟؟؟ عشان انا سمعت ان المعيدين اللى هيدرسولنا فى الاكادمية هيبقى معظمهم من هندسة اتصالات و الكترونيات و سمعت انهم بياخدو مواد كتير من اللى احنا هناخدها فى الحاسبات .. ف كنت عايز اعرف ايه الفرق بين هندسة اتصالات و الحاسبات ؟؟؟ خصوصا فى مجال الشغل ؟؟؟ و لو فعلا المعيدين دول هيدرسولنا فى الاكادمية دة يعتبر حاجة حلوة ولا وحشة ؟! و شكرا جزيلا لحضرتك

[ahmedrefat2009]

ممكن لو حد يعرف دروس الرياضيات التي يتم تدريسها في قسم bioinformatics عين شمس لو سمحت
يعني محتويات كورس الرياضيات

[Youssef 3atf]

سلام عليكم ... كنت عاوز أعرف إيه رأيكو في المعهد ده : القاهرة العالي (علوم حاسب)قطعة2 م.خدمات البنفسج تجمع اول

و هو نظام المصاريف فيه نظام الساعات المعتمدة 271 للساعة الواحدة ده هيبقى غال كده ولا إيه و هل فيه أماكن أفضل منه في نفس رينج المجموع ؟

و شكراً

[reda ashraf]

لو سمحت انا اترشحت للمعهد العالى للادارة وتكنولوجيا المعلومات بكفر الشيخ ( شعبة علوم حاسب ) وفيه ناس كتير قلولي انه فرص شغل المعاهد قليله عن الكليات . ممكن توضيحلي ايه النظام

[Omar Yassen]

انا واقع ف مشكله دلوقتي و عاوز رأي البشمهندسين فيها ..

دلوقتي انا جاتلي حاسبات و معلومات الشروق و البشمهندس مؤمن قالي رأيه فيها انها كويسه وقالي كدا ف موضوع كنت منزله ..

دلوقتي مجموعي يجيب تجاره انتساب قاهره , عين شمس , حلوان ..

و اهلي بيحاول يقنعوني ان شهاده كليه تجاره حكومه احسن من شهاده المعهد العالي اللي هو الشروق اللي انا فيه دا ..

و انا شايف عكس كدا و مش عارف اعمل ايه و ف نفس الوقت انا كنت هموت و اخش حاسبات
و كنت داخل علمي رياضه مش حاطط قدامي هندسه كنت حاطط حاسبات
لاني كنت بحلم بيها من و انا ف 2 اعدادي ايام منهج فيجوال بيسك بتاعه الحاسب الألي
و انا اهتميت بالموضوع و عندي خلفيه مش بطاله عن كذا لغه برمجه
و منضم لفريق و كنت راسم طريقي كويس اوي بس محصلش نصيب فالحكومه
و جت فالخاص و احسن خاص كمان اللي هي الشروق ..

الخلاصه من كل الكلام دا ..
هل كلام اهلي صحيح ان شهاده تجاره حكومه افضل من شهاده حاسبات من معهد عالي ؟
هتخرج فعلا الاقي شغل .. هي ارزاق و كل حاجه و عارف برضو انها بتعتمد علي الامكانيات للي جي يقدم للشغل ..
بس شهاده المعاهد العليا و بالذات الشروق معترف بيها ف سوق العمل ؟
و شكرا.

[2mrsameh]

لى واحد صحابى نزل فى مادة دلوقتى هو محبط حزن جدا على نفسى مش عرف يعمل اية

[supernour]

ممكن حد يقلي كتب حاسبات و معلومات القاهرة سنة اولي

[MoatazMuhamed]

انا كنت عايز اعرف هيا الكلية بتقبل علمي ام ادبي
و بتقبل من كام في ال 2

[EhabAmmar]

المشاركة الأصلية كتبت بواسطة moatazmuhamed

انا كنت عايز اعرف هيا الكلية بتقبل علمي ام ادبي
و بتقبل من كام في ال 2

علمى رياضه .... و تقريباً حكومى 93%