هل تمانع فى البناء على الاراضى الزراعية ؟؟؟؟

[وائل رسلان]

قبل ان تجيب على هذا السؤال .... هل تعلم ..
1 ـ ان الدولة لم تنشأ اى وحدات سكنية فى 98% من قرى مصر .... اى انه لا يوجد اى بديل اخر سوى البناء على الاراضلى الزراعية
2 ـ هل تعلم ان مشكلة الزراعة فى مصر تتمثل فى نقص المياه وليس نقص الاراضى ... وانه لو اخذنا مياه النيل فى انابيب عبر الصحراء الغربية من خلف السد العالى عبر انفاق .... وباستعمال وسائل الرى بالرش والتنقيط .. يمكن زراعة عشرة اضعاف المساحة المزروعة حاليا ..7* 10 = 70 مليون فدان
3 ـ هل تعلم ان مصر دخلت فى حزام الفقر المائى ومع ذلك تزرع محاصيل تحتاج الى مياه وفيرة مثل الارز وقصب السكر ...
4 .. هل تعلم انه يمكن زراعة اسطح المنازل ببعض محاصيل الخضر ... فوق اسطح المنازل ... داخل اونى خاصة توضع بطول السطح
5 ... هل تعلم انك لو ذهبت لتبنى على اراضى صحراوية واشتريت قطعة ارض من واضعى اليد عليها ... فانك لن تواجه مشاكل عدم وجود المرافق فحسب .. بل انك ستواجه مشاكل مع هيئة املاك الدولة .. وستلزمك بدفع ايجار سنوى عليها
6.. . هل تعلم ان قانون عدم البناء على الاراضى الزراعية كان اكبر كارثة تسببت فى نقص مساحة الاراضى الزراعية ... فالفلاح يعلم جيدا انه بمجرد بناءه على الاراضى الزراعية سياخذ مخالفة وبعد اجراءات تقاضى طويلة ودفع غرامات سيأخذ براءة .... مما دعاه على ان يبنى مساحة كبيرة كى تأخذ كلها براءة مبانى ..

[callayax]

الاستاذ الفاضل الاستاذ وائل رسلان تقبل تحياتى خالصة لوجه الله تعالى

وانا واحد من الناس بنيت على ارض زراعية ولكن بسبب قسوة الظروف التى فرضتها علينا هيئة حماية الاراضى الزراعية

والدى رحمه الله كان رئيس الجمعية الزراعية بالقرية وكان يمتلك مساحة 30 قيراط جوار الكتلة السكنية وكان تسمي حوض داير الناحية وكان بها 120 متر على رأس الحقل مبنية حظيرة للحيوانات واخرج تصريح احلال وتجديد وبنى منزلا فى مساحة ال 120 متر هذه عام 87 ونحن 8 أخوات ورغم صغر المساحة بالنسبة للعدد فمركز والدى منعه من ان يحاول اخراج تصريح مبانى لمساحات اخرى فى هذا الحقل رغم انه بجوار المبانى فى اطراف القرية ومات والدى وكبرنا وكبرت معنا المشكلة وزاد عددنا الى الاضعاف فاضررنا الى بناء منازل بعددنا على الارض ازراعية ولكن والله يعلم اننا لم نقصد اهدار للارض او الطمع فى تحويل الزراعة الى عقار ولكنها الحاجة الى مأوى مع ضيق السكن

وتقبل مرورى

[وائل رسلان]

الاستاذ الفاضل الاستاذ وائل رسلان تقبل تحياتى خالصة لوجه الله تعالى

وانا واحد من الناس بنيت على ارض زراعية ولكن بسبب قسوة الظروف التى فرضتها علينا هيئة حماية الاراضى الزراعية

والدى رحمه الله كان رئيس الجمعية الزراعية بالقرية وكان يمتلك مساحة 30 قيراط جوار الكتلة السكنية وكان تسمي حوض داير الناحية وكان بها 120 متر على رأس الحقل مبنية حظيرة للحيوانات واخرج تصريح احلال وتجديد وبنى منزلا فى مساحة ال 120 متر هذه عام 87 ونحن 8 أخوات ورغم صغر المساحة بالنسبة للعدد فمركز والدى منعه من ان يحاول اخراج تصريح مبانى لمساحات اخرى فى هذا الحقل رغم انه بجوار المبانى فى اطراف القرية ومات والدى وكبرنا وكبرت معنا المشكلة وزاد عددنا الى الاضعاف فاضررنا الى بناء منازل بعددنا على الارض ازراعية ولكن والله يعلم اننا لم نقصد اهدار للارض او الطمع فى تحويل الزراعة الى عقار ولكنها الحاجة الى مأوى مع ضيق السكن

شكرا لمروك الكريم استاذنا الفاضل( callayax ) ... بالفعل الكثير من الناس لا يبغون من وراء ذلك الا سكن يأويهم فى ظل تخلى الدولة عنهم

[ابو محمد ع م]

المفروض ان من يبني علي ارض زراعية يجبر ان يستصلح قطعة ارض زراعية بدلا منها و ضعف مساحتها

[أطياف الليل]

لماذا البناء على الاراضي الزراعية ؟
اولا ، الارض دى خصوبتها عالية جدا و بتدى اضعاف انتاج اللى بيتزرع فى الصحرا
كمان دى تربة اتكونت من ملاين السنين و المفروض نحافظ عليها مش نهملها
الصحرا موجودة نقدر نبنى و نزرع فيها
ياريت الناس تعقل و تفكر مرة و احدة صح

شكرا على الموضوع

[وائل رسلان]

لماذا البناء على الاراضي الزراعية ؟
اولا ، الارض دى خصوبتها عالية جدا و بتدى اضعاف انتاج اللى بيتزرع فى الصحرا
كمان دى تربة اتكونت من ملاين السنين و المفروض نحافظ عليها مش نهملها
الصحرا موجودة نقدر نبنى و نزرع فيها
ياريت الناس تعقل و تفكر مرة و احدة صح

هتبنى ازاى فى الصحراء ومفيش مرافق ... مفيش طرق ولا كهرباء ولا مية ولا مدارس ولا مستشفيات ؟؟؟
ثم ان الصحراء دى املاك دولة ؟؟
انا بنيت قطعة ارض فى مكان صحراوى كمنحل .... عشان النحل يتغذى على رحيق نبات البرسيم حجازى والذى يُزرع فى الاماكن الصحراوية .... فما هى النتيجة ؟؟
غرامة 2000 جنيه للتعدى على املاك الدولة .... مع انى اشتريت هذه القطعة من واضع اليد عليها بمبلغ كبير .. وكذلك قدمت طلب للاملاك لاستئجارها كعقار
اما الاغرب من ذلك .... غرامة 15000 جنية للتعدى على اراضى زراعية وازالة العقار .....
يعنى لا سيبنا نبنى فى الوادى ولا فى الصحراء ... ايه نروح نبنى فى بحر الرمال الاعظم ؟؟

؟

[احمد التائب]

رغم اني متعاطف مع كل من بني علي ارض زراعية وهو في حاجة الي البناء . إلا انني لا اوافق علي البناء علي الارض الزراعية ................ المفروض اللي يتكلم عن هذا الموضوع يكون فاهم ان فيه فرق بين الذي يبني وهو في حاجة الي البناء وبين الذي يبني للتجارة و امتلاك ارض زراعية للتقطيع و الربح السريع جدا .... قبل ان نحاسب من بني المفروض ان نحاسب صاحب الارض الاصلي ثم التاجر الذي اشتري و قطع الي قطع ثم الذي قام بالبناء ... وهنا يكون العدل و لا ننسي ان الحكومات السابقة لم تمنع ان تضع قانون وضعي فوري لمنع البناء ... حتي ولو طارئ ... ونرجع الان نقول للذين بنوا انتوا غلط ونقوم بهدم ما بنوا وكأن الذي يهدم الان و كتله الخرسانية سيزرع تاني .... مستحيل طبعا

[callayax]

المتر المبانى فى الرقعة السكنية فى قريتنا غير موجود ذلك لأن كردون المبانى بينزل كل 12 سنة مرة ووصل المتر الى 2000 جنيه فاذا اشتريته فكيف ابنيه انا عن نفسي بنيت فى ارض ملكى بجوار الكتلة السكنية ومستعد لدفع ما يستصلح ارض فى الصحراء ضعف مساحتى للحكومة بس تعطينة تصريح مبانى

[أطياف الليل]

المشاركة الأصلية كتبت بواسطة وائل رسلان

هتبنى ازاى فى الصحراء ومفيش مرافق ... مفيش طرق ولا كهرباء ولا مية ولا مدارس ولا مستشفيات ؟؟؟
ثم ان الصحراء دى املاك دولة ؟؟
انا بنيت قطعة ارض فى مكان صحراوى كمنحل .... عشان النحل يتغذى على رحيق نبات البرسيم حجازى والذى يُزرع فى الاماكن الصحراوية .... فما هى النتيجة ؟؟
غرامة 2000 جنيه للتعدى على املاك الدولة .... مع انى اشتريت هذه القطعة من واضع اليد عليها بمبلغ كبير .. وكذلك قدمت طلب للاملاك لاستئجارها كعقار
اما الاغرب من ذلك .... غرامة 15000 جنية للتعدى على اراضى زراعية وازالة العقار .....
يعنى لا سيبنا نبنى فى الوادى ولا فى الصحراء ... ايه نروح نبنى فى بحر الرمال الاعظم ؟؟

؟

و يجى هنا دور الدولة انها توفر الخدمات و المرافق لل شباب الصغير علشان يلاقوا شغلانة نضيفة
و كمان فى المدن الصناعية الجديدة دى المفروض تحل حبة
اكيد حضؤتك نسيت توثق الاوراق و تعمل اجراءات الشرا او فى حاجة غلط فى النص
الموضوع مش معقد اوووى كده لدرجة التفكير فى بحر الرمال
سيناء موجودة و الا ايه ؟؟؟

[العشرى1020]

انا لست مع البناء على الارض الزراعية لانها هى التى توفر احتياجات الناس من المعيشه

[عماد ادم]

المفروض اننا نبنى المساكن وكل البنى التحتيه فى الصحراء لانها المناسبه لذلك ونزرع الوادى لانه المناسب للزراعه لكن احنا سكنا الوادى وعايزين نزرع الصحرا

[Muhammad Mando]

انا من وجهة نظرى شايف ان الموضوع مش مجر سؤال وحد يجى فى الاخر يقول الطرف ده اللى غلطان المشكلة مركبة اكتر من كدا بكتير احنا فى القريه بتاعتنا المفروض ان اخر عدد فى الادوار 5 ادوار عشان ماينغعشى حد يزود عن كدا وبالنظر لنسبة الزياده السكانية كمان كام سنه هاتبئا البلد كلها خلاص مافيش خرم ابره فى حلين
1 - الدوله تشوف حل والناسد دى تروح فى مكان تانى
2 - الناس تبنى على االرض الزراعية عشان تلاقى مكان تقعد فيه
اللى انا شايفه ان اللى بيبنى مش بيبنى فيلا ولا حاجه هو منزل بسيط عشان يلاقى مكان يعيش فيه يعنى لو التفرض غرامات مش هايعرف يدفع