|
#1
18-07-2014, 09:13 AM
|
|||
|
|||
ترتيب كليات الطب فى مصر
السلام عليكم
لو سمحت عايز اعرف ترتيب كليات الطب فى مصر من حيث الاسهل فى انى اجيب تقدير.(وكله بالمذاكرة طبعا) .,كمان ميكنش عدد الطلبة كتير زى عين شمس.علما انى من المنيا... ولنفترض انى هروح محافظة تانى...انا مش عايز اسكن فى المدينة علشان بسمع بلاوى عليها..اعمل ايه؟ وشكراااااااا
__________________
اللهم لك الحمد والشكر  
|
|
#2
18-07-2014, 09:33 PM
|
|||
|
|||
|
وعليكم السلام سؤالك غريب اووي  انا اعرف الناس بتدور على الاحسن مش الاسهل بس عموما كليات مصر كلها واحدة التوب القاهرة وعين شمس والمنصورة ( ال اعرفهم ) الباقي كله زي بعضه وحكاية التقدير دي ال بيحددها مذاكرتك مش الكلية نفسها او بمعنى اخر ماسمعتش عن ان كلية تقديرتها كويسة عشان هي كلية وحشة !! بالنسبة للمدينة فيه سكن خارجي متهيالي .. بس نصيحة لو انتي بنت خلييكي فبلدك عشان تبقى مرتاحة وطالما مش هيفرق معاكي المستوى العلمي للكلية اوي وفالاخر كله بيطلع دكتور .. والدكتور الشاطر هو ال يعرف ازاي يقدر يتعلم صح ( بعد التخرج طبعا
 )
|
|
#3
19-07-2014, 05:07 AM
|
|||
|
|||
|
لا اصلى بسمع مثلا طب المنصورة وعين شمس...صعبه...والطلبة كتير..فانا مش عايز ادخل كلية معروفة بان امتحاناتها صعبه والطلبة كتير
واكيد طبعا المذاكرة اهم حاجه لا انا ولد..  طيب يا دكتورة ليه كل ما ادخل على جروب دفعة الاقيهم كاتبين كلام محسسنى انى داخل جهنم مش كلية,,,من كلامهم ان الكلية صعبه جداااااااا والمذاكرة دح 20 ساعة وبتاع وفى الاخر ممكن مجبش تقدير.. وده انا شوفته فى مواقع وجروبات كتييييييييير وطلبة كتير جدا.. مش عارف بقى خايف اوى 
__________________
اللهم لك الحمد والشكر
|
|
#4
19-07-2014, 05:38 AM
|
||||
|
||||
|
اقتباس:
__________________
يَــــارب أسألـــك أْن تكـــونَ معىَّ وأن تكتــــب لىَّ الخيــــــــر أينمــا كـــــــان
|
|
#5
19-07-2014, 06:04 AM
|
|||
|
|||
|
اقتباس:
طب المنصورة صعوبتها بسبب الدكاترة مع احترامى ليهم كلهم ممكن يجيبوا م الملغى والامتحان صعب وكده طب عين شمس تعامل الدكاترة بيبقى احسن وشوية الامتحانات ممكن تيجى تقيلة ومش تفرق الطلبة كتير ولا لأ لان عدد الطلبة بيتناسب مع مساحة الكلية وعدد السكاشن والسكاشن بتتقسم تقسيمات اكتر لو كان عدد الطلبة كتير ولو مش فهمت مثلا لو كان العدد كبير ممكن تروح لاى دوكتور هيشرحلك اللى انت عاوزه بص الطب محتاج مذاكرة اه بس اكيد مش على طول مش فى حد هيستحمل كده لازم وقت راحة وخروج بس مش اكدب عليك ايام الامتحانات بتبقى كده الى حد ما يعنىولو زاكرت هتجيب تقدير ان شاء الله
|
|
#6
19-07-2014, 11:20 AM
|
|||
|
|||
|
اقتباس:
__________________
اللهم لك الحمد والشكر
|
|
#7
19-07-2014, 02:47 PM
|
|||
|
|||
|
اقتباس:
هو طبعا المنصورة وعين شمس مشهورين بالتعقيد وخصوصا المنصورة .. بس فالاخر بتطلع دكتور محترم الحقيقة لا بص فيه حاجة بس لو خدت بالك منها هترتاح جدا مفتاح طب في طريقة المذاكرة وتنظيمك للوقت يعني فيه ناس ممكن تذاكر 25 في ال 24 ساعة وفالاخر التحصيل زيرو ليه لانهم بيذاكروا غلط على المقابل ممكن تلاقي واحد بيذاكر كام ساعة ويطلع مية مية يعني انا اعرف واحد حاليا هو نايب فستشفى الجامعة كان مقضيها خروجات وشرم والخ الخ بس عارف ازاي يذاكر ويلم وفنفس الوقت يفرفش نفسه .. فانت ماتخليش حد مقياسك انت شوف نفسك واول ترم دا بتخبطوا فيه بعدين الدنيا بتبقى زي الفل ان شاء الله وخليك فاكر الحغظ والصم بتاع ثانوي خلاص بح انت عندك مناهج ماشاء الله وعاوز تلمها فلازم تذاكر بطريقة العناوين العريضة والتجميع لان دا ال هيخليك تلم درجات وتبقى فاهم المادة بس ماتخافش كلنا كنا زيك كدا فالاول بس الحمدلله لما تدخل وتفهم الدنيا ماشية ازاي هتلاقي نفسك كويس وعارف تمشي ازاي .. وزي ماقولت فمشاركة هنا فيه موقع مداد تيم دا جمييل جدا هيساعدك فمحاضرات تسجيلات ملخصات وشرح نظام الخ .. بس نصيحة اخيرة لو عايز تقدير ذاكر بانتظام من اول السنة مش لازم اليوم كله لاء كل يوم كام ساعة عشان التراكم بيبقى صعب وفيه حجات معتمدة على بعضها وايام الامتحانات طبعا طبيعي ان الساعات دي بتزيد وماتسمعش لحد بيحبطك او يخوفك ماهو لو كلنا سمعنا الكلام دا ماحدش كان كمل ولا ايه وربنا يوووفقكم
|
|
#9
19-07-2014, 02:55 PM
|
|||
|
|||
|
بصي هو زي ماقولت فاول مشاركة كل الكليات تقريبا واحدة ماعدا التلاتة ( القصر وعين شمس والمنصورة )
يعني مش بتفرق اوي س من ص فانتي لو الكلية جمبك فادخليها واتوكلي على الله لان الغربة صعبة وخصوصا للبنات لكن لو انتي فارق معاكي المستوى العلمي اوي والكلينيكال وعندك رغبة وقدرة انك تسافري فالقصر العيني حلو اووي .. وربنا يوفقك ويكتبلك الخير
|
|
#11
19-07-2014, 11:04 PM
|
|||
|
|||
|
^
العفو .. وبالتووفيق ان شاء الله
|
|
#12
19-07-2014, 11:07 PM
|
|||
|
|||
|
طب لو سمحت انا لو خيرت بين طب كفر الشيخ وطب المنصورة اختار ايه ؟؟
مع العلم ان كليه كفر الشيخ كليه جديدة ومحتاجة معيدين اكتر وانا هبقى الدفعة التالتة باين فيها فهتبقى فرصتى اكبر انى اجيب تقدير كويس واتعين معيدة وفى نفس الوقت طب المنصورة خراافى وتعليم عالى ياريت تساعدونى اختار ايه ؟؟
|
|
#13
20-07-2014, 01:55 PM
|
|||
|
|||
|
دا بيعتمد على انتي عاوزة ايه ؟
يعني حابة سلك التدريس وتكوني عضو هيئة فالجامعة ( وماكدبش عليكي معظم الطلبة بتسعى لدا ) ولا بتفضلي تبقي ك دكتورة كلينيكال تدرسي حاجة كويس فانتي شوفي نفسك وحطي فالاعتبار انتي منين والاقرب ليكي يعني حطي مميزات كل واحدة فجنب وعيوبها وقارني وصلي الاستخارة اولا واخيرا وربنا يوفقك لل فيه الخير ليكي ..
|
|
#14
20-07-2014, 02:18 PM
|
|||
|
|||
|
القصر العينى افضل كلية فى التطبيق العملى ... حتى فى حاجة زى كورسات كدا بتتاخد فى الاجازة و بتدخل عمليات و تشوف بعينك ... غير طبعا المشرحة هناك مستواها عالى و امكانيات عالية فى الجزء العملى
__________________
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 07:33 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
