تتوقع تجيب كام السنة دي ..... دعونا نتفاءل

[Mohamed Hussein Salama]

بسم الله الرحمن الرحيم

انا عامل التوبيك ده عشان الناس اللي القلق هيموتها .... واللي انا منهم طبعا

والمطلوب ان كل واحد يدخل يقول توقعه لنتيجته وشعبته و ياسلام بقه لو قال هو نفسه يدخل ايه .... يبقي حبيبي علطول ( او علعرض مش فارقة )

بس ياريت بلاش النضارة السودا اللي كلنا لابسنها دي ...... و خليك متفاءل مع نفسك وقدر لنفسك احسن تقدير ...... عسى الله ان يجيب ظنون الخير

وبالتوفيق لنا جميعا ..... وان شاء الرحمن خير

[Mohamed Hussein Salama]

انا هبدأ بنفسي ..... انا الحمد لله علمي رياضة متوقع لنفسي ان شاء الله كده 95% او اكتر شوية وربنا يسهل ونلحق هندسة في الزحمة دي

[not masked]

انا المشكلة اني مش عارف اتوقع اولا لأني مراجعتش ولا مادة ثانيا لأن كتير بتتوقع وتلاقي جبت درجة تانية خالص بس بقي بقي لو علي سبيل التفاؤل وشيل النضارة السوده فيارب اجيب 99.5 يلا الأحلام مفيش اكتر منها . انا علوم علي فكرة . يارب نلحق اي كلية حلوة ادعولنا .

[Mohamed Hussein Salama]

طيب يا حبيبي ده انته ماشاء متفائل جدا وان شاء الله هتدخل طب وربنا مش هيخيب ظنك فيه

[ابانوب ايليا]

بص انا عندى غلتطين فى العربى والفيزياء سؤال الوحدات فهمته غلط جبت لك وحدة 3 وحدات مكافئة وفى الاحياء فيه سؤال عدته بالكامل من جديد لأن الاول كان ناقص فربنا يستر

انا مش بعرف اتفائل

ممكن 96% انا اصلا خلاص حلمى ضاع

[المســ نور ــتقبل]

انا بقى ضايع خالص ومش عارف انا فين اساساً
اولاً انا ما رجعتش خالص وحاسس انى عندى اخطاء كثيرة بس منتظر النتيجة
وسلمت امرى لله
وكل اللى يجيبه ربنا كويس

[*تائبة فى رحاب الله*]

احنا بردة اللى لابسين النضارة السودا 95% يعنى تنقص 20 ونص
فى ايه ؟
بالنسبة لى بعد امتحان الجيولوجيا فقدت كل التوقعآت

[theprincemoh]

علمي رياضة
اتوقع 90-95% اقصي وادني شيء من توقعاتي
يارب الحق هندسة والا حاسبات ومعلومات قاهرة
زعلان جدا
كل امتحان كنت الاقي درجات بتطير في الهوا من قلة تركيز

[ابانوب ايليا]

المشاركة الأصلية كتبت بواسطة theprincemoh

علمي رياضة
اتوقع 90-95% اقصي وادني شيء من توقعاتي
يارب الحق هندسة والا حاسبات ومعلومات قاهرة
زعلان جدا
كل امتحان كنت الاقي درجات بتطير في الهوا من قلة تركيز

انا درجات طارت فى الهوا ودرجات غرقت فى البحر ودرجات انتحرت

[Mohamed Hussein Salama]

لا ما شاء الله الناس بتوع رياضة توقعوا تنسيق زي الفل السنة دي ........ وبالنسبة لعلوم لا اتوقع ان التنسيق هيعلا عن السنة اللي فاتت ...... وكل الكلام اللي احنا بنسمعه عن ان تنسيقنا هيبقى زي تنسيق 2012 ده مش تمام ابدا ........ وعلمو على كلامي لحد يوم التنسيق.......

[Mohamed Hussein Salama]

المشاركة الأصلية كتبت بواسطة ابانوب ايليا

بص انا عندى غلتطين فى العربى والفيزياء سؤال الوحدات فهمته غلط جبت لك وحدة 3 وحدات مكافئة وفى الاحياء فيه سؤال عدته بالكامل من جديد لأن الاول كان ناقص فربنا يستر

انا مش بعرف اتفائل

ممكن 96% انا اصلا خلاص حلمى ضاع

بالنسبة لك يا ابانوب انا متفائلك خير بعون الله
انا كنت متابع بعض مشاركاتك خلال السنة وما شاء الله كنت حاسس انك تتمتع بمستوى عالى من الرفاهية اقصد مستوى عالى في المنهج يعني ...... ما تقلقش ياعم انته كده فله وتمام اوي

[yoyo3455]

ربنا يوفقكم كلكم معكم اية دفعة 2015 ربنا يستر

[Mohamed Hussein Salama]

تشرفينا يا دكتورة ايه ودعواتك لينا بالله عليكي

[Bianka]

انا متوقعه من 93 الى 95 علمى رياضه نفسى ف هندسه عين شمس
تفتكروا هلحق

[Only Forward]

اللي فيه الخير ربي هيقدمه
مش عايزة احط احلام في الهوا
علشان ما توقع فوق دماغى
في الاخر
ربنا معانا كلنا