مهم أوي يعني ردوا عليا :((

[soso121]

السلااااااااام عليكم
الوقتي انا لسه رايحة اهو 3 ثانوي
وكنت اول يوم أدبي ومستمرتش فيها ومشيت ف علمي
وحلم حياتي هو كلية إعلام
الوقتي الجموع المطلوب مني كام ؟ وهل عشان دخلاها من علمي هيبقي الشغل فيها صعب ؟؟ ودراستها !
افيدوني
وهل شغلها متوفر للبنات ؟
وايه المطلوب اعمله الوقتي عشان استعد ليها
مش لازم تجاوبوني ع كل الاسئله بس ريحوووووووووووني

[ahmed H capo]

هي اعلام السنه اللي فاتت 2013 يعني
خدت من ادبي 95.2
ومن علمي رياضة 94
بس مش عارف بقي علمي علوم خدت كام بس اعتقد زي ادبي
الكلية جميله جدا انا كان نفسي ادخلها بس فرقت علي نص درجة ودخلت السن
مجالات شغلها كتير وخصوصا للبنات ما بين اذاعه و صحافة
واعتقد البنات في مصر فرص شغلهم في كل المجالات احسن من الولاد
الكليه جميله اطمني بالنسبه ليها بس هاتي مجموعها ومتشليش هم

[soso121]

هي اعلام بتاخد من علمي رياضه ؟؟؟!!
لا اصل السنة اللي فاتت اخده من علمي علوم 97
انا خايفه لتبقي اعلي كمان
ربنا يوفقك ف السن يارب
اصل انا محجبة حجاب ملتزم ف خايفه من التوظيف وانت عارف البلد وكده

[Eco esraa feps]

بصى اعلام علمى علوم خدت السنه اللى فاتت ف جامعة بنى سويف من 95و3 منعشرة والقاهره هتلاقيها اعلى درجة ولا درجتين ده لان جامعة بنى سويف كانت اول سنه فيها كلية اعلام فاخدت اقل
المهم هيا غالبا ف علمى علوم الربنج الطبيعى بتاعها من 95 فما فوق
شغلها رائع ومتسمعيش للى يوقلك مش متوافر بالعكس كتير جدا اهم حاجه تكونى بنت نشيطه وشاطره كده ف الكلية علشان تشتغلى بسرعه مفيش فرق ولاد ولا بنات عادى بالعكس دى اغلب الدفعه هى وسياسة واقتصاد يبقوا بنات

[soso121]

ربنا يخليكي يارب عطيتيني أمل
ان شاء الله اوصلها
انا مستعده اشتغل وبحب مجالتهم جدا واخدت فكرة كبيرة عن الكليه
بس عندي استفسار
هما ممكن يمنعوني من شيء لمجرد اني محجبة مثلا ؟ مذيعه أو كده
وشكرااااااا ع افادتكوا بجد

[Eco esraa feps]

انا اسفه لانى اتأخرت عليكى ف الرد انا لسه فعلا شايفاه ردك
لا طبعا بالعكس دى الحاجه الوحيده اللى طلعنا بيها من الثورة هيا موضوع المذيعاات المحجبات اللىى ملو التليفزيون كل يوم قنوات بتفتح وفى كتبر مذيعات محجبات شغالين
ما تخافيش اعملى اللى عليكى بس كده