ملتقى طلاب الصف الثالث الثانوى (علمى علوم) 2014

[NeVeR CoMe BacK]

المشاركة الأصلية كتبت بواسطة yoyo caty

دكتورة لوسمحتى قوليلى طريقة مراجعتك للعربى ازاى انا عارفة ان السؤال ده اتاخر معاده بس ياريت تردى عليا بسرعة و جزاك الله خيرا

شوفي اهم حاجة تزاكرى النحو كويس
يعنى اعملي جدول
النهاردة هزاكر 3 دروس نحو وطبعا تحلي قطع علا كل درس لوحده وعلي المنهج كله من كتاب الامتحان
هاتى امتحان فاينال وشوفي الدروس اللى جات فيه وزاكريها وبعد ما تزاكريها حلي االامتحان وشوفي امتحان تانى يكون جايب نفس الدروس فاهمانى ؟
يعنى مثلا ف المتحان ده جه نص صخرة الملتقي مع درس قراءة الارقام العربية الاصيلة مع فصل كذا من القصة وطبعا القصة تقرأ بفهم متتحفظش كلها احفظى بس جمل معينة اللى بتبقا مهمة دى والباقي اكتبيه من تأليفك ومن خلال فهمك كده لاحداث الفصل تروحى مزكراهم وترجعى للامتحان تانى تحليه
بس اهم حاجة متفوتييش يووووووم من غير ما تحلي عالنحو عاوزاكى تحلي اكبر عدد ممكن من القطع
انا كنت ملخصة قطع الامتحان والرسالة وشوية ف الاضواء كمان لأن النحو هو المقياس اللى بيحدد المدرس علا اساسه الطالب ده هياخد درجة كويسة ولالاء بغض النظر عن حله فى باقي الامتحان
الطريقة دى حلوة جدا جدا جدا وانا كنت براجع بيها العربي
يعنى تحلي امتحانات بس بطريقة انك تختارى المواضيع اللى هتزاكريها قبل الامتحان شفتى هنا احسن من كده
وف االامتحان متقلقيش لو حاجة واقفة عليكي متسيبيش مكانها فاضي اومال انتى بتعملي ايه طوووول السنة ارغي رغي السننييين والتنيييين سوا عاوزاكى المصحح لما يشوف ورقتك يقول ايه البت الرخمة دى كل دى اجاااااااابة يوووه مش لسة هقرأ كل ده يلا خدى يابنتى الدرجة وخلاص بقا
بس حاولى تسرعي كتابتك علا اد ماتقدري وبأوحش خط عندك يعنى متحاوليش تحلي ف خطك خااااااااااالص الوقت ف العربي بالزات بيفوت بسرعة البرق وممكن متلحقيش تراجعى اصلا
الفترة دى خديها حل امتحانات كل شوية اللى تزاكريه تراجعي عليه عن طريق حل لامتحانات واللى زاكرتيه تراجعيه مع اللى فات برده بامتحان جامع بينهم وهكذا معلش علفكرة اصعب فترة اللى بتبقا قبل العربي دى الباقي بيبقا مريح جدا بس هو العربي عشان بيتنسا ومليان حاجات كتير فتحسي انك مزاكرتك بتتنسا وكانك مزاكرتيش حاجة اصلا والكلام ده بس اتعبي الايام دى وزاكرى وراجعى وهاتى اخرك عشان ان شاء الله ف الامتحان هتلاقي نفسك بتفتكري منتيش عارفة ازاى
ربنا يوفقك