|
|
|
#1
22-05-2014, 12:00 PM
|
||||
|
||||
نحو الامية
........ شالوا وزير جابوا وزير والتعليم محتاج تغيير قلت اما أسأل عمي سمير راجل خبرة وفيه الخير رد وقلي السر خطير فيك من يكتم سر في بير ..... التعليم ماخلاص اتبهدل مبقاش فيه رابط ولا حابك من يوم لما المخفي استندل والتعليم اصبح متهالك يعني لا فيه خطة تستعدل ولا منهج بينمي مدارك غير حبة افلام بتمخول لمبي وموته وتوشكا مسالك من يومها الاولاد بتهبل مطوه وسنجه وشغل معارك وان جيت مره بتنصح عيل يبقي رميت نفسك في مهالك ....... تلقي الواد جايلك متأخر لا ويغيظك انه يهزر عامل شعره المخفي خنافس بالسلسله واقف يتمخطر سارح طول اليوم بالتوكتوك جاي مدرسته ينام ويشخر ....... طول السنه مايشلش كتاب ومقضيها عناد وغياب واما بتسأله ليه بتغيب تلقي جوابه العيشه هباب وان ابوه مالاقيش قبقاب وان التعليم بالنسباله فك الخط يادوب كتاب ...... واما بتيجي الامتحانات تلاقيه جاي يعمل حوارات واخد الغش ده حق طبيعي بيه بيحقق حلم الذات يعني عشان ينجح ويعدي يلزم بقي غش ومسدات ...... وان رحتلك مدرسه فافي تلقي الحال زفت ومتعافي اصل البيه جايلك بفلوسه يبقي هينجح فوري وصافي ...... وان جيت تعمل فيها مدرس اوتتنطط يوم وتغلس راح يدولك صحن مدمس ونقولك باي باي وعوافي ..... واما بياخد حد شهاده تلقاه محتاس فوق العاده يفضل دايخ سنه علي وسطه لجل مايلقي الواد شغلانه ..... واما يلاقي وظيفه عماشه تلقاه لايص ف ابسط حاجه اصل البيه شغال بالكوسه يعني معندوش ادني كفاءه ...... وهقولك علي حاجه بغاشه لجل ماترتاح عمي الباشه دي خلاصة التعليم في بلدنا فقر وجهل وشغل سياسه ...... زجل / احمد رسلان 
|
|
#2
22-05-2014, 06:27 PM
|
||||
|
||||
|
اقتباس:
شكرا جزيلا لحضرتك على هذا الزجل المعبر عن جزء من معاناة المعلم صاحب الضمير الحي في مصر
__________________
الحمد لله في وجعي ، في فرحي ،في غضبي ،وفي صمتي ، الحمد لله مهما كانت الأحوال .
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:49 PM.
