رساله للزوج .... اسعد زوجتك ...واسعد معها

المشاركة الأصلية كتبت بواسطة مس منه

الحياة الزوجية شراكة وينبغي علي الزوجة الصالحة أن تغير من تصرفاتها التي لا تعجب زوجها طالما لم يكن في ذلك معصية للمولي عز وجل .

وليه مش تقول ان هو اللى وجهه نظره غلط ؟مش يمكن هى اللى على حق وهو اللى بيكابر علشان من وجهه نظره متبقاش مشت كلامها عليه ؟
يا استاذ على فيه نماذج كتير لرجال ميعرفوش معنى للرجوله ومعاهم زوجات صالحات وبتحاول كل واحده فيهم انها تعدل من طريقه تفكيره ونظرته للحياه علشان تعرف تعيش وتكمل .... لكن بالجمله المشهوره بتاعتهم ( انا الراجل وكلمتى هى اللى هتمشى ؛وان كان مش عاجبك *****) الزوجه بتسكت لكن الاكيد ان ده السكوت اللى بيسبق العاصفه وان سكوتها ده مش هيطول كتير

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ

نعم ؟!!!!!!!!!!! أنا بقعد علي المقهي مثلاً . هي كمان تروح تقعد ؟!!
بسهر أنا وأصدقائي خارج البيت في بعض الأحيان . هي كمان تعمل كدا

للرجل سلوكيات وتصرفات تختلف في بعضها عن سلوكيات وتصرفات المرأة . تذكري أن الجملة كلها مكتوبة ( رقم 6 ) بصيغة العموم !!

هنا بنتكلم عن اخلاق وتصرفات مشتركه يحللها لنفسه ويحرمها عليها ....
ليه يهملها ويبقى ده العادى ؛ويضايق لو اهملته
ليه يهينها ويجرحها ؛وتقوم القيامه لو ردت عليه فكلمه من كلامه
ليه يفضل عليها امه واخته واصحابه ؛ويثور ويغضب لو سألت عن اهلها او خدوا جزء من وقتها

يا استاذ على مش كل الرجال مثاليين ومفيش زيهم ... فيه منهم اللى يخلى المراه تكره الدنيا باللى فيها بسببهم

- يا منة : لو بصيتي كويس علي الجملة التي اقتبستيها من كلامي لوجدتي أنني قلت في نهايتها ( طالما لم يكن في ذلك معصية للمولي عز وجل ) .

الموضوع يتحدث بصفة العموم لا التخصيص . إذاً في العموم الزوجة هي من يجب عليها أن تغير من تصرفاتها التي لا تعجب زوجها . ( لا تنسي أبداً أن تفرقي بين العام والخاص ) .

وكيف تكون طاعة الزوجة لزوجها فرض عليها ( في غير معصية للمولي عز وجل ) !

- جلوس الرجل علي المقهي أو خروجه مع الأصدقاء ليس فيه أي إهمال للزوجة طالما كان في حدود المعقول . لم أقل بأنه سيظل علي المقهي كل ليلة حتي تغلق أبوابها ! ولم أقل بأنه سيسهر مع أصدقائه كل ليلة للفجر .

- قلت بأنه يوجد تصرفات للرجل لا يمكن قبولها أبداً من المرأة . ونفس الأمر بالنسبة للمرأة , يوجد تصرفات لها يمكن قبولها ولا يمكن قبولها أبداً من الرجل !

- لم أذكر أبداً أن الزوج عادي جداً أن يفضل أخته وأصحابه علي زوجته !! ولم أقل بأن الزوج محق في أن يثور ويغضب إن قامت زوجته بالسؤال عن أهلها !! ولم أقل بأنه أمر عادي أن يُهين الزوج زوجته !! من أيـــــــــــن جئتي بهذا الكلام

خالص تحياتي

[مس منه]

المشاركة الأصلية كتبت بواسطة mr. Ali 1

- يا منة : لو بصيتي كويس علي الجملة التي اقتبستيها من كلامي لوجدتي أنني قلت في نهايتها ( طالما لم يكن في ذلك معصية للمولي عز وجل ) .
فيه حاجات كتير يا مستر مفيهاش معصيه ولا حاجه بس من وجهه نظر الرجل دى اللى تمشى ومن وجهه نظر زوجته مش صح ورأيها هو اللى صح لكن علشان يمشى رأيه وخلاص بيجبرها عليه حتى لو غلط

الموضوع يتحدث بصفة العموم لا التخصيص . إذاً في العموم الزوجة هي من يجب عليها أن تغير من تصرفاتها التي لا تعجب زوجها . ( لا تنسي أبداً أن تفرقي بين العام والخاص ) .
تمااااااااام من حقه طبعا ان التصرفات اللى مش تعجبه تغيرها
طب وهى بقى اللى مش عاجبها فيه وهو متمسك بيه تعمل فيه ايه ؟
امر واقع لازم تتأقلم معاه ومش من حقها تغيره ؟
وكيف تكون طاعة الزوجة لزوجها فرض عليها ( في غير معصية للمولي عز وجل ) !

- جلوس الرجل علي المقهي أو خروجه مع الأصدقاء ليس فيه أي إهمال للزوجة طالما كان في حدود المعقول . لم أقل بأنه سيظل علي المقهي كل ليلة حتي تغلق أبوابها ! ولم أقل بأنه سيسهر مع أصدقائه كل ليلة للفجر .
لا فيه ناس هو ده اللى بيحصل معاهم بالفعل ولو قعد فالبيت شويه يبقى قدام اليتفزيزن او النت ومفيش اى حوار ولا كلام ولا اهتمام خااااااالص
واضح ان حضرتك مش بتسمع عن مشاكل المرأه كتير ولان حضرتك ماشاء الله بتراعى ربنا اوى فمتعرفش حاجه عن نوعيه تانيه مستهتره ومش بتراعى ربنا بالمره

- قلت بأنه يوجد تصرفات للرجل لا يمكن قبولها أبداً من المرأة . ونفس الأمر بالنسبة للمرأة , يوجد تصرفات لها يمكن قبولها ولا يمكن قبولها أبداً من الرجل !

- لم أذكر أبداً أن الزوج عادي جداً أن يفضل أخته وأصحابه علي زوجته !! ولم أقل بأن الزوج محق في أن يثور ويغضب إن قامت زوجته بالسؤال عن أهلها !! ولم أقل بأنه أمر عادي أن يُهين الزوج زوجته !! من أيـــــــــــن جئتي بهذا الكلام

خالص تحياتي

انا مقولتش ان حضرتك قولت كده ..... انا أديت امثله زى ما حضرتك طرحت امثله بالظبط مش اكتر
حضرتك ضربت بالمثال السهر والجلوس على القهوه
وانا ضربت مثال بالاهمال والانانيه والاهانه والتفضيل
من حق حضرتك تفسرها من وجهه نظرك ......ومن حقى برده اشوفها من زاويه تانيه
خالص تحياتى لحضرتك مستر على

المشاركة الأصلية كتبت بواسطة مس منه

فيه حاجات كتير يا مستر مفيهاش معصيه ولا حاجه بس من وجهه نظر الرجل دى اللى تمشى ومن وجهه نظر زوجته مش صح ورأيها هو اللى صح لكن علشان يمشى رأيه وخلاص بيجبرها عليه حتى لو غلط

طالما أن ما يأمرها به الزوج لا يوجد به معصية للمولي عز وجل , فيجب عليها أن تطيعه , وطالما أن هذا الأمر متمسك به الزوج كما يراه هو . وسألتك : كيف تكون الطاعة إن لم تطعه زوجته فيما يريد طالما لا يوجد به معصية ؟!

تمااااااااام من حقه طبعا ان التصرفات اللى مش تعجبه تغيرها
طب وهى بقى اللى مش عاجبها فيه وهو متمسك بيه تعمل فيه ايه ؟
امر واقع لازم تتأقلم معاه ومش من حقها تغيره ؟

مش في كل حاجة يا منة . فيه حاجات ليس من حق الزوجة أن تجبر زوجها أن يغيرها . وهناك أموراً يجب علي الزوج أن يغيرها . وقلت لك بأن الموضوع يتحدث في العموم وليس الخصوص . إذاً فالحديث هنا عن العموم , والعموم يقول بأن الزوجة تطيع زوجها في غير معصية .

لا فيه ناس هو ده اللى بيحصل معاهم بالفعل ولو قعد فالبيت شويه يبقى قدام اليتفزيزن او النت ومفيش اى حوار ولا كلام ولا اهتمام خااااااالص
واضح ان حضرتك مش بتسمع عن مشاكل المرأه كتير ولان حضرتك ماشاء الله بتراعى ربنا اوى فمتعرفش حاجه عن نوعيه تانيه مستهتره ومش بتراعى ربنا بالمره

علي هذه الزوجة أن تنظر في نفسها أولاً وبموضوعية وتسأل نفسها : ما الذي يجعل زوجها يتباعد عنها ؟! فإن لم تجد في نفسها أي خطأ أدي به إلي ذلك , فيجب عليها أن تسأله في الوقت المناسب وبالصورة التي تجعله يفتح قلبه معها ويخبرها .

انا مقولتش ان حضرتك قولت كده ..... انا أديت امثله زى ما حضرتك طرحت امثله بالظبط مش اكتر
حضرتك ضربت بالمثال السهر والجلوس على القهوه
وانا ضربت مثال بالاهمال والانانيه والاهانه والتفضيل
من حق حضرتك تفسرها من وجهه نظرك ......ومن حقى برده اشوفها من زاويه تانيه
خالص تحياتى لحضرتك مستر على

نحن نتناقش . أنتي تطرحين وجهة نظرك من الزاوية التي ترينها , وأنا أيضاً أفعل نفس الأمر من الزاوية التي أراها .

لكن يوجد أمر هام يا منة يجب أن تنتبه له كل إمرأة وفتاة وهو : لا يوجد ندية في العلاقة بين الزوج وزوجته . يظل الرجل هو السيد وهو القائد المسئول الأول عن الحياة الزوجية وطاعته فرض علي زوجته , وتظل الزوجة هي الملكة التي تحرص علي حياة زوجية هادئة تملؤها المودة والدفء , ولن يكون هذا أبداً عن طريق ( كما تمنعني عن هذا ... فلا تفعله أنت أيضاً . وكما تفعل هذا ... سأفعله أنا أيضاً ) هذه حياة أنداد وليست بحياة زوجية يتمناها أحد .

خالص تحياتي

[مس منه]

المشاركة الأصلية كتبت بواسطة mr. Ali 1

نحن نتناقش . أنتي تطرحين وجهة نظرك من الزاوية التي ترينها , وأنا أيضاً أفعل نفس الأمر من الزاوية التي أراها .

لكن يوجد أمر هام يا منة يجب أن تنتبه له كل إمرأة وفتاة وهو : لا يوجد ندية في العلاقة بين الزوج وزوجته . يظل الرجل هو السيد وهو القائد المسئول الأول عن الحياة الزوجية وطاعته فرض علي زوجته , وتظل الزوجة هي الملكة التي تحرص علي حياة زوجية هادئة تملؤها المودة والدفء , ولن يكون هذا أبداً عن طريق ( كما تمنعني عن هذا ... فلا تفعله أنت أيضاً . وكما تفعل هذا ... سأفعله أنا أيضاً ) هذه حياة أنداد وليست بحياة زوجية يتمناها أحد .

خالص تحياتي

شكرا لحضرتك استاذ على
تحياتى لحضرتك استاذى الفاضل