ملتقى طلاب الصف الثالث الثانوى (علمى علوم) 2014

[Solty Ray]

انا عندي مشكلة في كتابة البرجراف والتعبير ومش عارفة اعمل اية

[Mo0on Light]

المشاركة الأصلية كتبت بواسطة solty ray

انا عندي مشكلة في كتابة البرجراف والتعبير ومش عارفة اعمل اية

البرجراف
بصي انا كنت بعمل طريقه طويله شوية بس حلوه
1- تشوفي البرجراف بيتكلم عن ايه وتعملي عنوان كدا للموضوع يعني هيقولك عن التعليم ومشاكله تقولي العنوان التعليم وكدا يعني
2-مش كل المواضيع ينفع تتكلمي عن جانب واحد فيها يعني التعليم اللي قلنا عنه هو قالك مشاكله وكدا ممكن تتكلمي عن المشاكل بس وممكن تفتحي موضوعك باهمية التعليم وبعدين اسباب المشاكل وبعدين المساوئ بتاعة الجهل الي بتنجم عن المشاكل وبعدين تقولى ازاي ننهض بالتعليم
3- طيب هنكتب الموضوع ازاي؟
بصي يا ستي هما مش محتاجين غير 100 كلمه يتلخصو ف 10 سطور يعني ممكن يجو ف 15 جمله مثلا
بالقلم الرصاص هتكتبي 15 جمله بالعربي كانك هتكتبي موضوع تعبير عربي بس زي بتوع ابتدائي 1 2 3 4 وهكذا طيب كتبتي 15 جمله عن الموضوع بالعربي تمسكي كل جمله والكلمه اللي متعرفيش معناها بالانجلش تشطبيها وتكتبي كلمه غيرها بالعربي تكوني عارفه معناها انجلش يعني كتبت ف الجمله بتاعتي المنظومه التعليميه فيها مشاكل كتير ومش عارفه يعني ايه منظومه بالانجلش اشيلها واكتب عملية التعليم مثلا وهكذا
4- بعد كدا هتلاقي عملتي 15 جمله فهماهم وعارفه كل كلمه فيهم معناها ايه بالانجلش
احنا كنا عاملين الجمل 1 2 3 لا احنا هنشيل الترقيم دا ف الخطوه الجايه ونوصل الجمل ببعضها بادوات وكدا
5- نبدأ بقى نكتب البرجراف هتكتبيه بالرصاص الاول وهتظبطيه ف اي صفحه تانيه غير صفحة البرجراف الاصليه وبعد ما تخلصيه تقريه وتشطبي الاخطاء وتصححيها واخر مرحله تنقلي الجمل دي بالجاف بقى ف الصفحه الاصليه وان شاء الله لو فيها غلطات هتكون طفيفه جدا
هتلاقي الموضوع سهل بس الفكره تخلي بالك من الازمنه كويس هنتكلم عن حاجه حاضره زي المشاكل التعليميه هنقول جملنا ف مضارع البسيط هنقول زمان كان التعليم كذا هنتكلم ف الماضي البسيط وهكذا ونحط الفواصل كويس والخط محترم كدا واهم حاجه النقط بين الجمل والحرف كابتل اول الجمله يعني الشكل العام للبرجراف اهم من البرجراف نفسه

على فكره هيبانلك الموضوع طويل وازاي هجيب وقت ف الامتحان .. لما تعملي كدا ف خلال السنه او امتحاناتكم مع المدرسين الطريقه دي ف اخر السنه مش هتاخد معاكي 10 دقايق وهتختصرلك الوقت اللي بتاخديه ف التفكير وانتي بتكتبي على طول ..