زهقت من المذاكرة

[theprincemoh]

المشاركة الأصلية كتبت بواسطة هاوى إبداع

ع فكره اللي بيحصل معاك دا حصل معايا بالظبط حتي كانت ع ثانويتنا الثوره وكانت الدنيا ضايعه معانا خالص
عاوز اقولك ان عجبني جدا جدا السطر الاخير اللي كتبته
مهما كانت المشاكل ومهما كانت العقبات لازم يبقي ع بالك دايما "هحقق اللي انا عاوزه يعني حققه"
ع فكره من الطبيعي جدا انك تحس بالملل
ااحساس طبيعي جدا جدا واحساسك بالملل هو اللي وصلك انك بقيت حاسس انك عارف كل حاجه مع انك مش عارف تحل حاجه وطبعا نتيجه لدا كله انك هتحس انك لامؤاخذه ومن غير زعل يعني انك بتشتغل نفسك وهتضيع
صدقني انت مش بتضيع بالعكس انت كدا فعلا ماشي صح بدليل انك زهقان ومضايق
عارف لو فضلت تزاكر ومجاتلكش حالة الملل دي هقولك انت كدا ماشي غلط جدا
انا ممكن اكتبلك حلول كتير بس صدقني انت هتفك مع الوقت اللي مطلوب منك فعلا
انك تتأقلم ع الحاله المؤقته دي ومتخليش الشيطان يلعب فراسك وتحس انك ضعت او ابديت تفشل
زي مانت قولت بالظبط ف السطر الاخير هتجيب هندسه يعني هتجيب هندسه مهما كان اللي هيحصل

لو مصمم اني اقولك ع حل
حاول تشوف واحد صاحبك ف الفتره دي يكون واد شاطر يعني مش اي كلام وتقعد تزاكر معاه
حتي لو مش هتزاكر وتقعد جنبه وتشوفه وهو بيزاكر هتلاقي نتيجه حلوه ان شاء الله
وكمان حاول تزاكر قبل الدرس اللي انت رايحه وبعد الدرس
بس صدقني انت لازم تمل دا بيحصل طبيعي بدليل الدرجات اللي بتجيبها ف امتحانات الدروس بتاعتك "ف نفس فترة الملل دي "
بس اهم حاجه متحسش انك بتضيع وانك مش هتبقي قادر انك تحقق اللي انت عاوزه

وعذرا ع الاطاله

تسلم علي ردك
بس بصراحة انا مش مطمن برضه
فيه ناس بتخوفني جدا وناس لا
ناس قالتلي ادامك انت خدت الاسبوع اللي انت خدته اجازة ده انت كده ضايع ضايع ومش هتنفع
وناس تقولي زيك كده بالظبط
والمشكلة في اصحابي انهم بيجوا يتنصحوا عليا
يقولولي انهم مبيذاكروش هما كمان وزهقانين (كدابين طبعا )
وكل واحد فيهم عاملي فيها عم الفاشل
وفي الاخر الاقيه طالع في العالي
بس اتمني انها تروح مع الوقت لاني طول الوقت قاعد بفكر فيها
ساعات لما باجي احل مثلا رياضة (كله يبقي تمام جدا) لكن اللي بيبقي في دماغي
انه مش هيجيب الكلام ده
لازم يجيبلي حاجه عمري ماشوفتها
وساعات بحس اني هجيب صفر
انا عارف ان معظمها توهمات
بس برضه مش قادر اقنع نفسي بكده
وفي نفس الوقت مش عارف اذاكر
قولت النهاردة (كما الجدول بتاعي -ناجح جدا علي فكرة- ) اني هراجع علي اربع فصول قصة انجليزي واذاكر يونيت جديد او اتنين مع مراجعة الكلمات - مخلصتش غير فصل واحد بعد عناء ولف ودوران - احبط جدا جدا
وحاسس اني مش هعرف اذاكر تاني زي الاول
ربنا يهديني

[مهاب احمد محمد]

المشاركة الأصلية كتبت بواسطة theprincemoh

تسلم علي ردك
بس بصراحة انا مش مطمن برضه
فيه ناس بتخوفني جدا وناس لا
ناس قالتلي ادامك انت خدت الاسبوع اللي انت خدته اجازة ده انت كده ضايع ضايع ومش هتنفع
وناس تقولي زيك كده بالظبط
والمشكلة في اصحابي انهم بيجوا يتنصحوا عليا
يقولولي انهم مبيذاكروش هما كمان وزهقانين (كدابين طبعا )
وكل واحد فيهم عاملي فيها عم الفاشل
وفي الاخر الاقيه طالع في العالي
بس اتمني انها تروح مع الوقت لاني طول الوقت قاعد بفكر فيها
ساعات لما باجي احل مثلا رياضة (كله يبقي تمام جدا) لكن اللي بيبقي في دماغي
انه مش هيجيب الكلام ده
لازم يجيبلي حاجه عمري ماشوفتها
وساعات بحس اني هجيب صفر
انا عارف ان معظمها توهمات
بس برضه مش قادر اقنع نفسي بكده
وفي نفس الوقت مش عارف اذاكر
قولت النهاردة (كما الجدول بتاعي -ناجح جدا علي فكرة- ) اني هراجع علي اربع فصول قصة انجليزي واذاكر يونيت جديد او اتنين مع مراجعة الكلمات - مخلصتش غير فصل واحد بعد عناء ولف ودوران - احبط جدا جدا
وحاسس اني مش هعرف اذاكر تاني زي الاول
ربنا يهديني

اسمع كلام الدكتور بس برضك حط في مخك والله الكلام ده حقيقي وفعلا بيحصل لو انت مش بتغلط اعرف انك مبتتعلمش جديد بس انا الكومنت اللي قبل كده كان قصدي ان الواحد لما بيوصل لشعور انه خلاص عرف كل حاجه بتبقي دي بدايه النهايه لازم يكون فيه توازن بين الاثنين