ملتقى طلاب الصف الثالث الثانوى (علمى علوم) 2014

[tamertiger]

يا جدعان انا محتاااااااااااااااار جدا فى مدرسين الانجلش بتوعى
انا ابتديت انجلش من اسبوعين او تلاتة تقريبا
ابتديت مع مستر من المدرسة عندى وانا بصراحة روحت على سيرته وزمايلى كلهم بيشكروا فيه
انا شغال معاه دلوقتى عادى ومستمر معاه بس مشكلته ان كل شوية يخرج بره الحصة ويفضل يتكلم
فى السياسة او يعد يحكى امجاده وانا مبحبش كدة مبحبش الحصة تضيع .. ده عادى؟؟ بس انا شايف انه
كويس وان الطلبة بتشتغل معاه وكدة

المستر التانى بأه مش من المدرسة بتاعتى .. وعمى هو اللى جايبهولى الصراحة
خدت معاه حصة وكان شغال حلو بردو بس العيال اللى كانوا فى مجموعتى كانوا نايمين اوى
بمعنى مش بيجاوبوا بسرعة وكدة

انا بميز المستر من الطلبة اللى بتاخد معاه لو لاقيت كله شغال ومتفوق وبيجاوب وكدة
يبقى ده مستر جامد انا عارف ان المجهود كله على الطالب وان المدرس مجرد وسيلة
لتوصيل المعلومة .. بجد انا مش عارف اختار مين وزهقت انا اول مرة يحصلى التشتت ده
مش عارف اثبت على مستر اخد معاه ده مش فى الانجليزى بس ده فى مواد تانية بردو
انا كان هدفى ان اخد مع مدرسين جامدين السنة دى عشان يشدوا عليا وكدة
مع ان المدرسين اللى كنت باخد معاهم السنتين اللى فاتوا كانوا كويسين اوى والله
انا مشتت جامد ومش عارف اعمل ايه ؟؟ انا اسف جدا انى طولت عليكم ..