فيلم حسن ومرقص يعالج الطائفية في مصر باسلوب اعتمد الخفة

[3olomgy]

انا شفت الفيلم امبارح
فعلا عادل امام وعمر الشريف تألقوا فى الفيلم وادوا ادوارهم بهدوء وثقة
عجبتنى فكرة الفيلم جدا لانه بيمثل واقع ...التعامل مع الشخص على اساس دينه...ودى حقيقة موجودة فى مجتمعنا واللى ينكرها يبقى بيضحك على نفسه
ماعجبنيش فى الفيلم الضعف الدرامى فى بعض الاحداث ..؛ مثلا مشهد القنبلة اللى فى المترو كان غير مبرر , ايضاً مشهد اغلاق المخبز معرفناش ايه سببه ؟ ، ايضاً التناول الفكاهى للقضية بدون تناول العمق والاسباب.
عجبنى جدا مشهد الكنيسة والجامع
عجبتنى اوى البنوتة الجميلة شيرين عادل ...وشها ملائكى وبرىء جدا
اتغاظت من حاجة بقى ؛ دلوقتى جرجس كان مفروض انه فى كلية صيدلة بس معمل الكيمياء اللى ظهر فى الفيلم والمنطقة اللى كان قاعد فيها جوا الجامعة دى كلها تابعة لكلية العلوم ...المخرج استسهل ولا ايه ؟
لو حد فى جامعة القاهرة هيعرف انا بتكلم على ايه
ملحوظة : عادل امام وصل لمرحلة عالية من النضج الفنى اتمنى انه يحافظ عليها ويبعد شوية عن التلميحات الجنسية فى افلامه
شكرا على نقلك للنقد وانا متفق مع النقاد فى اللى قالوه