المنتخب أندبح ليلة العيد

[عبد الحميد بدوي]

المنتخب أندبح فى ليلة العيد
وأحنا أندبحنا معاه
نص دستة يا حول الله
بدل ما نقولوا الله قلنا الاه
أما كانت حتة مباراة
حاجة كدا زى هزيمة سبعة وستين
وفضيحة مش ماتش ما بين فريقين

دا أحنا أتقهرنا فى قعر بطننا
مع أننا مش ناقصين
أمتى هايفرحوا المصريين

دا أحنا ما وصلناش كأس العالم
من سنة تسعين
من يوم مجدى عبد الغنى
وجمال عبد الحميد
ووزير الرياضة لما كان لاعب
الكابتن طاهر أبو زيد

ألف مبروك يا غانا
جانا الحزن جانا
كنتم متألقين
كنتم نجوم بجد حلوين
وان شاء الله هاتشرفوا افريقيا فى البرازيل
بصراحة من زمان ما شفتش فرقنا كدا
دمه تقيل ورزيل
وبدل ما يلعب بيمثل أنه بيلعب فيلم بايخ وحزين
غم ونكد على الملايين

بس فى الاخر عايز اقول حاجة
ياريت الهزيمة توحد الصفوف
ومش مهم مين يغلب مين
المهم اننا احنا ما نبقوش فريقين
المهم اننا نبقوا بجد فى وقت الجد
وفى وقت الحزن كلنا مصريين

ولازم نعرفوا أن كاس العالم لو كان بالواسطة
كنا وصلنا فى كل مرة مرتين
ولو كان بالرشوة كنا دفعناها من سنين
انما هو بالجهد والعرق يا صبر الصابرين
ياريت نتعلموا الدرس عشانا وعشان مصر
ونعرفوا أحنا وقفين فين
بقالنا سبع تلاف سنة ولحد الان تايهين

الشاعر
عبد الحميد بدوى

[الأستاذة ام فيصل]

ديما كلمات حضرتك بالصميم
تسلم الايادي
تحياتي

[عبد الحميد بدوي]

اشكرررررررررررررررررررررررك

[راغب السيد رويه]

[عبد الحميد بدوي]

مممممممممممممممششششششششكورين