تكمله(فكرت تدخل قصر البارون؟انا دخلته)

[SENDRILLA]

اخيرا جبت الحلقه كامله
طلع السر ايموشن كده في النص مش عارفه مالها بس اول ما شلتها اتحط الرد كله
المهم يارب تعجبكم


الحلقه الاولي


طبعا انا واحد من الناس اللي مصدق كل كلمه قالها البشمهندس احمد عن القصر واللي حصل في القصر واللي حصل بره القصر

ليه؟.........لاني واحد من الناس اللي اتاذوا من القصر


طبعا انا مش هقدر اكتب اللي حصل بنفس طريقة البشمهندس احمد لان انا مش غاوي قرايه قصدي كتابه


كل الحكايه ان ليه اتنين اصحابي مره في اولة ثانوي اتفقنا اننا نروح نزور القصر اللي سمعنا عنه كتير ده.....المهم دخلنا القصر

بس طبعا الصبح

بس انا دخلته مره واحده بس اللي كانت المره دي.......الحمد لله

اصلا الصبح وكنا خايفين

المهم انا اصحابي دول عاجبهم المكان واتفقوا يروحوا تاني الاسبوع اللي بعده....وفضلوا يروحوا كل اسوع ........... مش عارف ليه

لحد ما في مره حسيت ان هما بداوا يتغير.....مبقوش يروحوا القصر تاني

واحد منهم بقا بيخاف بشكل ملفت للنظر وبيصرخ من اي حاجه ................... ليه معرفش

والتاني علطول ساكت مش بيتكلم كتير...ودايما شارد الذهن(خلي بالكوا من شارد دي )

انا فضلت وراهم لحد ما اعرف مالهم........ايه اللي حصل فاجاه

يا ترة مالك يا هيثم....ايه اللي خلاك بقيت تترعب حتى من خيالك كده؟...وانت التاني مالك علطول ساكت

وكل ما اساله يقولي مفيش حاجه

لحد ما في مره لقيتهم بيتصلوا عليا....تعالا عندي البيت دلوقتي احنا مستنيينك

روحتلهم البيت والله(مع اني كنت مشغول فاول ما رحت ... بجد حسيت ان في حاجه غلط

واول ما دخلت الاوضه بتاعت صاحبي فعلا تاكدت ساعتها اني في حاجه بتحصل

انا حسيت بقشعريره وخوف بسيط شويه اول ما دخلت الاوضه

مالك يا ابني في ايه ......... وانت التاني مالكم كده ساكتين

محمد(اللي بقا بيترعب).: اسال صحبك

انا : اسال صاحبي

طب قولي يا صاحبي مالك في ايه...........مالكوا يا جماعه

راح بدأ هيثم يتكلم

: فاكر تاني مره لما قولنالك تعالا معانا القصر...وانت مرضتش.قولتله اه

قالي احنا روحنا عادي تاني...وفضلنا نروح كذا مره لحد ما في مره حصلنا حاجه غريبه

قولتله ايه؟...قالي نزلنا البدروم تحت وقعدنا نتفرج وندخل الاوض ونخرج وكده.............قولتله وبعدين


قالي من غير ما نقصد....محمد حرك ايده على حاجه مش عارفين ايه هيا...فسمعنا صوت كسر(حاجه بتتكسر)

انا : هااااا وبعدين

قالي من ساعتها وفي حاجه بتحصلنا غريبه هنا ....بقوله حاجة ايه بس

قالي : كان ايه شعورك اول ما دخلت الاوضه

انا اول ما سمعت منه كده مل حاجه كنت بفكر فيها اتاكدت منها.....بس مرضتش اقلقه

قولت: عادي زي ما بدخل اوضتي يعني....بس ليه السؤال ده

هيثم: معفش بس انا حاسس ان في حاجه غلط هنا في الاوضه معايا...حاجه علطول جنبي...ساعات بحس اني بخبط في حد في الهوا..بس مببقاش شايف حاجه

واسال محمد

فبقوله مالك يا محمد...انت فعلا بقال كام يوم فيك حاجه غريبه

قالي.: انا بتحصلي حاجات في الشقه غريبه اوي...مره كنت متاطد اني طافي انوار الشقه من جوه ( المطبخ والحمام) ونمت ولما صحيت على الفجر لقيت نور الحمام منور

انا قولت عادي يمكن نسيت مثلا

قالي طب هقولك على حاجه..انا وانا نايم بالليل لقيت فاجاه صحيت على نور اوضتي والع...قمت طفيته ورجعت اول ما نمت على السرير ... النور ولع تاني

عارفين اول ما قالي كده انا اتخضيت ووقفت مكاني....بس اتخضيت لسبب واحد ان محمد .... كان عايش لوحده!!!!!