قسم الهندسيه الكيمائيه .. ادخل واتعرف عليه

[Moaazshehab]

السلام عليكم .
عايز اعرف كل الشباب والبنات اللي هيدخلو هندسه بقسم الهندسة الكيميائيه

قسم الكيمياء موجود في 3 جامعات , القاهره واسكندريه والمنيا .

من ناحيه الدراسه :: بتعتمد علي اسس الكيمياء اللي اخدتها في الثانويه العامه .. انما هو بعيد جدا عن جو المعادلات والكلام العبيط ده !! مش زي ما انت متخيل انك هتسمح سحاسه ومعوجه وضيف مواد كيميائيه لا طبعا

دور المهندس الكيميائي في الشغل هو اللي مسؤل عن خط الانتاج في المصنع يعني ايه ؟

يعني انت أساس الصناعه بدونك مفيش منتج في المصنع .. انت اللي مسؤل عن التحكم في معدات الضغط والحراره وعمليات التكسير للمواد الخام وتشغيل المعدات وبتبقي قاعد في حاجه اسمها ( غرفه التحكم ) فيها كلها كمبيوتر انت بتتحكم بالمصنع وانت قاعد ..وليك شغل في السماد والبترول والغاز الطبيعي والسيراميك والحديد والصلب , تنقيه المياه , اعاده التدوير ,الاسمنت , الالومنيوم , .. اي مصنع يختر علي بالك لازم يكون في خط الانتاج .. انت فيه .. لان المهندس الكيميائي الوحيد القادر علي تشغيل المعدات والتحكم فيها : باختصار لانك الوحيد اللي بتقعد تدرس ماده اسمها ( Unit operation )

مع الدراسه والخبره مع الوقت تقدر تبقي مهندس تصميم ودي مكانه عاليه مش بيوصلها كثيرين .... وده عباره عن انك تقدر تعمل مصنع كامل .. تاخد ارض وتحدد كل رقعه ايه المعدات المطلوبه وهكذا ... لان من غيرك عنده القدره علي معرفه سعه المعدات وحجمها ؟ وضغطها ؟ ونوع الماده اللي هتتحط في المعده .


قسم الهندسه الكيميائيه مظلوم في مصر .. مش واخد حقه ... انما قسم رائع .
----------------------------------------------------------------------------------
انا عن نفسي كنت بتمني هندسه حاسبات .. اكتشقت ان اي حد يقدر ينفسني من الكليات الاخري والامكانيات في الكليات مش كويسه ... دخلت هندسيه كيميائيه .. بصراحه قسم رائع بغض النظر عن اني مقصر شويه في الدراسه


المهندسين كلهم ان شاء الله بيبقي ليهم شغل , محدش يقلك القسم فلان علشان الشغل .. خش اللي هتعرف تأدي فيه وتبدع فيه !!

واي حد عايز يتواصل معايا ان شاء الله في الخدمه
معاذ جمال
2 هندسة كيميائيه .. جامعه المنيا

[emass]

طب ممكن تقولي ايه الادوات المطلوبة للقسم

[emass]

ارجوك الرد ضروروي

[محبة التطوع]

انا كنت عايزة اسال حضرتك ع حاجة ....هو انا كنت عايزة اتخصص فى هندسة النانو ....لكن للاسف مش موجودة فى مصر فكنت عايزة ادخل القسم اللى يعتبر بوابة ليها ...فهل الهندسة الكيميائية بوابة لهندسة النانو؟

[abdoelshaer]

انا لسه طالب 3 ثانوي رياضه وعايز اعرف مجموعها من كام في القاهرة والاسكندريه والمينيا وكمان ايه المطلوب لدخول الكليه ؟؟ممكن؟؟

[a.abouzeid]

طيب ايه نسب الهندسه الكيميائيه !؟

[مهندس مصرى]

طاب اجيب كام علشان ادخل هندسه كيميائيه

[ahmad khalid]

يا جماعة الناس اللى بتسأل عن مجموعها دى بتختلف من كلية للتانية لأن تنسيق الاقسام مش موحد ف كل الكليات