ملتقى طلاب الصف الثالث الثانوى (علمى علوم) 2014

[هتـــلر]

المشاركة الأصلية كتبت بواسطة *(amera)*

بصوا يا جماعه انا عندى دروس
يوم الحد ده ايطالى "لسه ما بدأناش"
الاتنين انجليزى
التلات والاربع مافيش
الخميس عربى وبعده احياء على طول
الجمعه 7.5 ل10 حصه كميا
بعدين راحه فتره الصلاه وبعدها الساعه1 فيزيا
كان عندى الجيولوجيا يوم الجمعه الساعه 6 " لسه مش بدأنا"
السبت فاضى

كده لحد دلوقتى بما انى ما بدأتش ايطالى وجيولوجيا
عندى سبت وحد وثلات واربع فاضى
انا مريحنى جداااااا ان يبقى الايام دى فاضيه
لان الدرس قبله بقى يجى ساعه اتنين مراجعه وحل اسئله عشان افتكر وكده
لان فيه امتحانات كل حصه
ووقت وتجهيز هلبس ايه والكلام ده وكمان يجى نص ساعه رايح ونص جاى لان اماكن الدروس بعيد والدرس بيبقى من ساعتين لتلاته وباجى مرهقه من المشوار لان دروسى مالهاش ركوب بامشيها

اليوم بيضيييييييع مش بعرف اذاكر فيه حاجه
لكن اليوم الفاضى ده تقريبا ممكن اذاكر فيه من 9 ل11 ساعه
لانى بصحى بدرى وببقى فى البيت ومش خرجت فمش مرهقه وببقى مركزه

كنت هخلى الايطالى مع الانجليزى الاتنين فمنفعش
قلت مفيش مشاكل هاخدها الاحد وخلاص
وكده يبقى عندى السبت والتلات والاربع فاضيين
انهارده اكتشفت ان مدرس الجيولوجيا غير ميعاد الحصه
بقت السبت فكده السبت كمان بقى مشغول
مش هعرف اغير ميعاده للاسف
طيب دلوقتى اذاكر الجيولوجيا لوحدى قلقانه اوى لا تبقى صعبه ومحناجه مدرس وهى عليها 60 درجه
وفى نفس الوقت كده هيضيع يوم كان فاضى
مش عارفه اعمل ايه ؟؟

معلش رغيت كتير اوى بس انا حيرانه جدا

انا معرفش طبيعة الجيولوجيا ايه بس اضمنلك تاخدى درس
و يوم الايطالى يعتبر يوم فاضى عشان الايطالى مش بيحتاج مذاكره كتيير
منصحكيش تاخدى عربى مع احياء بس لو مستريحه مفيش مشاكل
الانجليزى هيتذاكر فى يومه و العربى ذاكريه فى يوم من الايام الفاضيه و الاحياء يوم تانى من الايام الفاضيه و الايطالى يتذاكر فى يومه و ذاكرى معاه فيزيا و الجمعه ذاكري فيها كيميا الصبح بدرى اوى (الكيميا بسيطه السنادى مش هتاخد وقت )
وبعد ما تيجى من درس الفيزيا اعملى مراجعة سريعه كده

بس اهم حاجه تخلى معاد الدرس بعد الضهر عشان مذاكرة الصبح لحد الضهر كويسه جداً و التركيز بيبقى عالى

و متنسيش وقت الفجر عشان بيبقى فيه اوزون كتير و هيخليكى مركزه اوى