ملتقى طلاب الصف الثالث الثانوى (علمى علوم) 2014

[maia7med]

لو سمحتوا كنت عايزة رأيكم في أحسن ملخص في العربي شرح
وايه رأيكم في الرسالة
ولو فيه ملخص مش بترشحوه يا ريت تفسرو ايه الوحش فيه وكدا يعني
وايه احسن في الانجليزي senior ولا gem
والكيميا هل اكتفي بالامتحان ولا اجيب معاه حاجة كمان

وهل اذاكر اكتر من ملخص ولا اركز على واحد بس وخصوصا في العربي والانجلش
معلش رقى استحملونا السنة دي:D

[lally adel]

المشاركة الأصلية كتبت بواسطة maia7med

لو سمحتوا كنت عايزة رأيكم في أحسن ملخص في العربي شرح

انا كنت بستخدم الاضواء فى المذاكرة و الحل ..هو اينعم اسئلته معاقه شوية بس تمام يعنى شغال .. ميزته انه جايبلك دروس القراءة و القصه زى ما هى ف كتاب المدرسة مش ملخص .. الرساله تقريبا كان جايب ملخص للقصة ..

وايه رأيكم في الرسالة

الرساله حلو جداااا ف الحل .. خصوصا النحو و البلاغه .. عاااالمى فيهم بجد .. و ممكن تذاكرى منه عادى لكن زى ماقلتلك خدى بالك من حتة القصةدى .. لازم تقري القصة نفسها مش ملخصات

ولو فيه ملخص مش بترشحوه يا ريت تفسرو ايه الوحش فيه وكدا يعني

بتتكلمى على العربي و لا على كل المواد عموما ؟؟

وايه احسن في الانجليزي senior ولا gem

فى رايي gem احسن من senior .. بس برضه senior فيه حاجات حلوة مش وحش يعنى .. لو تقدري تجيبي الاتنين يبقى احسن .. بس تشتغلى منهم مش تجيبهم تركينيهم

والكيميا هل اكتفي بالامتحان ولا اجيب معاه حاجة كمان

بصى هو الامتحان كفاية .. بس انتى هتحتاجى كتاب معاه تشتغلى منه كل فترة كدة كمراجعه .. والحل الكتير هو اللى هيثبت المعلومة ف دماغك و يظبطها

وهل اذاكر اكتر من ملخص ولا اركز على واحد بس وخصوصا في العربي والانجلش

لا المذاكرة من مكان واحد بس .. جمعى فيه كل المعلومات اللى محتاجاها .. لكن الحل افتحى براحتك بقى زى ما تحبي .. و خصوصاا الانجلش .. لانه اساسه حل اكتر من المذاكرة

معلش رقى استحملونا السنة دي:D

و لا يهمك يا قمر اسئلي على راحتك ..
ربنا يوفقكو