التحويلات الإلكترونيه والورقيه

[To Be Is To Do]

المشاركة الأصلية كتبت بواسطة omar.ahmed3

انا جاتلى تجارة عين شمس ممكن احول لجامعة القاهرة ؟
مع العلم انى من القليوبية ؟!
وعندما سجلت الرغبات كان التوزيع الجغرافى كما يأتى
عين شمس
بنها
القاهرة
مع العلم انى من القليوبية (القناطر الخيرية)

لو القاهره فى نطاقك حتحول عادى ان شاء الله

[التوفيق]

انا جاتلى تخطيط عمرانى القاهرة وقدمت تظلم .. كيف يتم تعديل الرغبات لو حصلت على درجات التظلم ؟

[ASHRAF SHANAN]

المشاركة الأصلية كتبت بواسطة to be is to do

جماعه أنا شايف إن الناس كلها بتسال على التحولات فانا حكلمكم على التحويل وايه اللى بيخصل فيه بالظبط

أولا التحويل نوعين :
1/ واحد جاله تنسيق مثلا هندسه المنيا وهو بلده أصلا القاهره وهو مش جايب مجموع هندسه القاهره ساعتها بيحول عادى جدا وبيرجع بلده من غير اى مشاكل
2/ واحد بلده المنيا وجاتله هندسه المنيا بس هو عايز هندسه القاهره ساعتها لازم يكون جايب مجموع هندسه القاهره عشان يحول

التحويل الإلكترونى :
الكلام اللى جاى ده من واحد صاحبى محول إلكترونى السنه اللى فاتت من هندسه بورسعيد لهندسه إسكندريه


بعد ما نتيجه التنسيق ظهرت وجاتله هندسه بورسعيد وهو من اسكندرسه قالى ان التحويل الاكترونى فتح بعد التنسيق للمرحله الاولى بحوالى 10 ايام وحول من " موقع وزاره التربيه والتعليم " ( الخدمات الالكترونيه )
بس قالى كمان انه لازم الناس كل يوم تتابع التحويل اتفتح ولا لأ وتسارع انها تحول عشان هما بيقبلوا عدد محدد والباقى بيحول ورقى فلازم الناس تتابع كل يوم التحويل فتح ولا لأ .. والتحويل بيبقى سهل جدا مجرد بتكتب الكليه اللى جاتلك والكليه اللى عايز تحول ليها

التحويل الورقى :
ده بقى للناس اللى متحولتش من الالكترونى وبيتقبل بنسبه 100% وهو حوالى ب 300 جنيه من مكتب التنسيق واللى اعرفه ان عندنا فى إسكندريه فى كليه الحقوق

السلام عليكم
لي استفسار بسيط وهو ما علاقة موقع
وزارة التربية والتعليم بالتحويل الالكتروني للجامعات
مع العلم ان الجامعات تتبع وزارة التعليم العالي ...
ومن خلال متابعتي المستمرة لموقع التربية والتعليم
لانني مدرس لم الاحظ ابدا هذه الايقونة على موقع
وزارة التربية والتعليم وبالاخص الخدمات الالكترونية ..
ارجو التوضيح للاهمية .

[To Be Is To Do]

المشاركة الأصلية كتبت بواسطة ashraf shanan

السلام عليكم

وعليكم السلام

لي استفسار بسيط وهو ما علاقة موقع
وزارة التربية والتعليم بالتحويل الالكتروني للجامعات
مع العلم ان الجامعات تتبع وزارة التعليم العالي ...

انا قلت الكلام اللى اتقالى بالظبط لانى مجربتش التحويل خالص

ومن خلال متابعتي المستمرة لموقع التربية والتعليم
لانني مدرس لم الاحظ ابدا هذه الايقونة على موقع
وزارة التربية والتعليم وبالاخص الخدمات الالكترونية ..

http://services.moe.gov.eg/

ارجو التوضيح للاهمية .

> < > <

[Sara Essam nour]

ممكن احول لكليه مش كتياها ف الرغيات ؟

[ابن العباقره]

هو التحويل بتاع تقليل الاغتراب قفل ؟ و لا لسه ؟! :s

[omar.ahmed3]

المشاركة الأصلية كتبت بواسطة ابن العباقره

هو التحويل بتاع تقليل الاغتراب قفل ؟ و لا لسه ؟! :s

هو لسة فتح علشان يقفل
هيفتح بكرة

[To Be Is To Do]

المشاركة الأصلية كتبت بواسطة sara essam nour

ممكن احول لكليه مش كتياها ف الرغيات ؟

اه عادى طالما جايبه مجموعها

[khaled_bibo]

موقع وزاره التربيه والتعليم " ( الخدمات الالكترونيه ) لو سمحت ممكن لينك للموقع ؟ هو مش المفروض تبع موقع التنسيق ؟

[arwa badr]

لو سمحت انا من العريش وهيا ملهاش نطاق جغرافي وجتلي هندسة المطريه وانا عايز احول هندسة **** بس انا اقل منها بدرجه هينفع واختار ايه في التحويل ؟

[إسلام صبري]

السلام عليكم ورحمة الله وبركاته

عندي استفسار بعد إذن حضراتكم

لو الواحد جاتله تجارة سوهاج وهو من الشرقية ينفع يحول لتجارة الزقازيق بس فرق الدرجات 15 درجة ونصف
هل سيتم قبول التحويل؟؟؟

أم الأفضل يحول لتجارة الإسماعيلية
وفرق الدرجات درجة واحدة
بس هيختار تحويل مناظر خارج المنطقة الجغرافية
وهل سيكون ضمن ال10% اللي الجامعة محدداها

وجزاكم الله خيرا