لو ده حصلك هتعمل ايه ؟؟؟؟؟؟؟؟؟؟؟؟؟

[عاشق السحاب]

اناتعرضت لموقفين
وهقولهم وعاوز اعرف رأيك ايه يمكن اتعرض لكدة مرة تانية
انا هقول مقدمه ف الاول

انا حالي زي حال اي مغترب عن بلده واهله واصحابة وبحب مصر بلدي اكتر من اي حاجه تانية

الانسان المغترب بينزل مصر كل سنه وممكن سنتين وممكن اكتر حسب الظروف هي اللي بتتحكم في الانسان

قبل ما ينزل بحوالي ثلاث شهور بتلاقيه يشتري بدلة جديدة وهدوم كلها جديدة لانج عشان ينزل بيها وتلاقيه يفضل يفكر في هينزل ازي ويقابل مين ويكلم مين وهيشوف النيل تاني وهيركب المركبة ويشوف الاهرامات وهياكل كشري وطعمية وفول بالسوس بس برده مفيش مشكلة طالما هو ف بلده عادي

مش هطول في المقدمة بس انا كان قصدي انه اللي بينزل مصر عاوز في خلال ساعة يبقى في بيته وبين اهله مفيش حد ياخره في الطريق

اول موقف اتعرضت له كان في مطار الاقصر الدولي

الطيارة قطعت المسافة على غير العادة في 2.45 ساعاتان وخمسة واربعون دقيقه كل واحد فينا يبص على الساعة واللي معندهوش ساعة يبص في الموبايل كل واحد بيحسب الدقائق اهي عدت دقيقه اتنين ، تلاته ، لحد ما نزلنا في مطار الاقصر الدولي كل واحد فرحان بيعدل في كرفتته ويعدل لياقة قميصه واللي يمسح جزمته يمكن تغبرت شويه نزلنا المطار وقفنا صفين كل صف فيه حوالي 150 مسافر عشان نختم الجوازات دخول طبعا واللي سافر عارف ده كويس الموظفين اللي في شبابيك ختم الجوزات كل واحد ماسك موبايل بتكلم فيه والطابور بيمشي شويه شويه الناس زهقت فضلنا نمشي واحنا واقفين وكل واحد يخبط في رجلين اللي قدامه الناس ابتدت تتكلم بس ولا حياة لمن تنادي فضلنا اكتر من ساعة في الطابور لحد ما شرفت طيارة تانية عليها وفد سياحي صيني نلاقي كل الكاونترات اتفتحت مفيش خمس دقائق والطيارة الصينية خارج المطار واحنا زي ما احنا بنخبط ف رجلين بعض
اللي يوصل للشباك ابتاع الختم يبص على زمايله وراه ويبتسم يعني خلاص انا نجحت بس مستني الشهادة والشهاده هو جواز السفر اللي بيستلمه الموظف ويختمه ويعطيه لبتاع الامن يدقق على القائمة فلازم اللي يخلص ختم يستنى في طابور تاني عشان يستلم الجواز اذا معلهوش حاجه يعني مش مطلوب ونفضل من طابور لطابور وتلاقي نفسك قضيت في المطار ثلاث ساعات او ا كتر بعده بص على نفسك في المراية هتلاقي شعرك اتنكش ولو معاك اطفال هتشوف الويل اسلوب غير حضاري
خلينا نروح نشوف اللي حصل ده في البلاد التانية هتلاقي كل بلد فيها كاونترات مكتوب عليها للمواطنين فقط يعني ابنا ء دولتهم وانا سافرت كتير واكتر من بلد وشفت ده بنفسي احنا العكس
ممكن حد يقولي احنا بنعمل كده عشان السياحة مختلفناش اعملو للسياح واحنا كمان اهتمو بينا شويه
تاني حاجة في كل بلاد الدنيا تدقيق القائمة بيكون مع ختم الجواز اللي بيختم الجواز بيدقق مره واحدة وطابور واحد

الرحلة التاني كانت اصعب من الاولى بدرجات نفس الطوابير ونفس التأخير بس مكانش فيه طيارة سياحية وكنا فرحانين خالص حتى لو اتأخرنا احنا كلنا زي بعض مصريين المتعلم والبسيط وكلنا واقفين طابور واحد عادي لو عشرين واحد معاهم وسايط ميقفوش طابور دول مش مشكلة حد يجي ينده عليهم من الطيارة وياخد جوازتهم وعلى بره عدل المهم ثلاث ساعات دخال المطار طابور الختم وبعد الختم استلمونا ابتوع الجمارك وكله تفتيش ونبش حاجه صعبه خالص والجو حر خلصنا من الجمارك كل واحد بيشهد ويقول الحمد لله اخيرا هركب وامشي نتفاجأ بعد ما خرجنا من المطار انه الطريق مغلق مفيش سيارة تعدي الشرطة قافلة الطريق فضلنا ننزل من عربياتنا واحد ورا التاني نسأل ليه الطريق مقفول كل اللي نسمعه بس امن امن ، امن ، امن
فضلت انا شخصيا اسأل لحد ما لقيت واحد سواق عربية قالي ده البيه مسؤول الشفت (( الوردية )) ابتاعة المطار بيعمل كده ف ورديته وميخليش الطريق يتفتح الا لما سعادته يخلص الورديه ويخرج هو الاول قدام كل العربيات احنا فضلنا سبع ساعات واحنا في حرم المطار ما بين ختم الجواز والجمارك واوامر سعادة البيه

عاوزكم تقوليلي لو تعرضت للموقف ده تاني اعمل ايه بس محدش يقولي تروح تصرخ ف وش الظابط لانه ،،،،،،،،،،، انتوا عارفين الباقي

[..حدوتة..]

انا هقول حاجة واحدة بس احنا فى مصر

[Dr/Fatma]

حسبى الله ونعم الوكيل

ده اللى ممكن أعمله وأدعى عليهم
وبعدين هى دى مصر

وأعتقد أن السياحة الداخلية فى مصر ( وبالذات فى الطيران )الذى هو المفروض أسهل وسائل النقل

تتبنى فكرة أن من خرج من داره أنقل مقداره :

[عاشق السحاب]

انا مستغرب عن هذا الموضوع بس عاوز اسمع اراء كتيرة علشان لما يحصل نفس الموقف مع مع اى حد فيكم يعر يتصرف بس انا مستغرب جدا من الحال فى مصر والحال الى الشباب فية المفروض ان الدولة تساعد الشباب بس دة العكس خالص
وشكرا انا منتظر ردودكم

ده طبيعى فى مصر
المصرى ملوش قيمة ولا سعر فى بلده
انتا عارف لو معاك الجواز الامريكى ولا حتى الاسرائيلى
تتشال على الرأس انما الجواز المصرى ده عامل زى الجنية المصرى برضه ملوش قيمة

[طمعانة فى رضاك يا رحمن]

عمار يامصر

[ีundertaker_2000]

والله هو المفروض الواحد بيركب الطائرة علشان اسرع من اى وسيله اخرى لكن بالمنظر الى بتقول عليه دة هى هى نفس السرعه لانك بتوصل المطار وتفضل ميتنى الفرج

كل الى اقدر اقول لك انك مش هتقدر تعمل حاجه غير انك تقف او فى حا تانى تكون ظابط او حد مسئول هتلاقى نفسك خارج المطار فى اقل من خمس دقائق

دة قدرنا ونصيبنا هتعمل ايه يعنى وانت عارف لو اتكلمت ايه الى هيحصل وهتبئه عطله اكتر

[..حدوتة..]

الحل الوحيد ان احنا نرجع نسافر بالناقة لا فى جمارك ولا جوازات ولا اى حاجة خالص صحيح هتوصل فى 3 شهور بس ع الاقل عندك امل الحال يتصلح بس فى مصر مفيش امل

[thedreamer33]

ولا حاجة
بس خلي بالك
الل بيحصل ده
هو بداية النهاية

[abosaid]

انت اللي غلطان طبعا علشان فكره تيجي مصر وغلط لما فكره تركب طياره كان لازم تبقشش ايديك ب50 او 60 جنيه لكل واحد تشوف علشان الامور تمشي هو ده الشعب المصري متستغربش اسأل مجرب ولا تسأل طبيب وانت غلطان لانك عايزهم يبطلوا كلام في الموبايل يا راجل عيب عليك امال هم جيبنوه ليه مش علشان يتكلموا بيه وانت عايزهم يخلصوك ويسيبوا الصنين لا بجد ملكش حق انت اب البلد مفروض تستني وتصبر عليهم لكن دول سياح وخد نصيحه لو حصل معاك الموقف ده تاني اعمل بالمثل " كبر دماغك واشتريها تصبح كل يوم تلاقيها "

[ebrahem_el]

m3lsh ana 7ktb kda 3lshan mosh 3arf aktb 3rbi

ana lesa mesafr yom ma5lst emte7an elmostawa w nzlt mattar JEDDAH f KSA w kna 3 tayarat

bs kan f so7ola f elegra2at

bs lma tnzl mattar elqahera ... etfrg 3la elzol

ya man ........... e7na f masr