اللعب ... هل هو مضيعة للوقت ********

[لافانيا]

المشاركة الأصلية كتبت بواسطة Ra2fat Jego

شكرا لحضرتك استاذة لافانيا عالطرح الجميل للموضوع
ويشرفني اني اكون اول المشاركين::

ان في رايي ان اللعب غريزة لان كل انسان محتاج انه يرفه عن نفسه بعيدا عن مشاكل حياته
حتى لو في ناس منظمة جدا ومرتبة ان وقت فراغها تقضيه في حاجة تفيدها بدل ما تضيعه في اللعب بيجيلها فترة وتزهق وتكون محتاجة للحظات جنون تطلع نفسها من الروتين اللي حاكمة نفسها فيه وده طبعا باللعب باي طريقة كانت

أما بالنسبة للطفل فاللعب حاجة مقدسة بالنسباله لانه عقله بيكون خالي من اي مسؤولية والحاجة اللي هيقضي وقته فيها هي اللعب .مع ان في ناس بتحب تعود ولادها على النظام من صغرهم وبيمنعوهم من اللعب بس في الآخر بيكونوا معقدين وبطلعوا اكبت اللي عندهم بطرق سلبية في غالب الاحيان

من الآخر:::اللعب شراكة وارضاء للنفس وترييح للعقل من المشاكل اللي بنقعد نفكر فيها اوقات فراغنا
فبدل ما الواحد يغم نفسه ليه ميرفهش عنها
بس طبعا اللي يزيد عن حده يتقلب ضده
عشان كده الواحد لازم يرتب اولوياته باانسبة للشغل او الدراسة ..الخ
والاهل ليهم دور في توعية اولادهم بالنسبة للموضوع ده..اما الكبار فهم ادرى بمصلحتهم
بس الانسان مهما كان سنه مش كبير على اللعب
ودي طبعا تشوفها في الاسرة..الاب بيلاعب اولاده والجد بيلاعب احفاده وده في حد ذاته ترفيه ليهم قبل ما يكون ترفيه للاولاد.........
انتهت المحاضرة
رغايه انا مش كده هههههه

انا اسفة عالاطالة
تقبلي مروووري

تحياتي

ورب الكعبة وجهة نظر حلوة جدا وصح اوى
تحياتى لحضرتك ولا ضافتك الجميلة
ياريت ع طول نلاقيكى معانا فى القسم
ارغى براحتك
خالص شكرى وتقديرى