تعديلااااات خطيرة فنظام الثانوية العامة 2013\2014 :(

[yoyo caty]

قال محمد سعد، مدير التعليم الثانوى بوزارة التربية والتعليم، أن القرار رقم 88 والخاص بتنظيم الدراسة والامتحان بالصف الثالث الثانوي، تم إجراء بعض التعديلات عليه، حيث كان من المقرر دراسة الطالب بالأقسام الثلاثة "علمى علوم، وعلمى رياضة، وأدبى" لستة مواد، إلا أنه بعد التعديلات أصبح هناك 7 مواد أساسية فى كل قسم، دون وجود أية مواد اختيارية.

وأوضح سعد، خلال الاجتماع الذى عقده المكتب التنفيذى لإتحاد طلاب مدارس مصر، بحضور أحمد موسى مدير إدارة الاتحادات، وأحمد بهاء الدين، الرائد العام للاتحاد الجديد، اليوم الأربعاء، مواد كل قسم والدرجات المخصصة لكل واحدة منهم.

وأشار إلى أن هناك 3 مواد يدرسها طلاب الصف الثالث الثانوى جميعا دون إضافتها للمجموع "التربية الدينية، والتربية الوطنية، والاقتصاد والإحصاء"، و3 مواد يدرسها جميع الطلاب أيضا مع إضافتها للمجموع "العربى، واللغة الإنجليزية، واللغة الأجنبية الثانية".

ولفت مدير التعليم الثانوى إلى أن مادة اللغة العربية خصص لها 70 درجة فقط بدلا من 100درجة، وسيمتحن الطالب المادة بورقة واحدة بدلا من ورقتين، واللغة الإنجليزية خصص لها 50 درجة فقط بدلا من 75 درجة، و40 درجة للغة الأجنبية الثانية بدلا من 75 درجة نظرا لصغر المحتوى الدراسى بها.

أما مواد "علمى علوم"، فكانت الفيزياء، والأحياء، والجيولوجيا والعلوم البيئية، والكيمياء، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة".

ومواد "علمى رياضة"، فكانت الكيمياء، والفيزياء، والرياضة التطبيقية، والرياضة البحتة، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة".

وأخيرا مواد القسم الأدبي، التاريخ، والجغرافيا، وعلم النفس والاجتماع، والفلسفة والمنطق، وخصص لكلا منهم 60 درجة، ليصبح مجموع الطالب النهائى عقب إضافة درجات اللغة العربية واللغة الإنجليزية، واللغة الأجنبية الثانية "400 درجة".

بصوا بقى انا عاوزة اشوف ارائكوا انا من ساعة ما سمعت الخبر ده و انا هيحصلى حاجة .. هو احنا ليه بيعتبرونا فئران تجارب ده فى طلبة ابتديت درووس .. حسبى الله و نعم الوكيل

[yoyo caty]

المصدر ..موقع كايرو دار

[yoyo caty]

جيولوجيا والعلوم البيئية ايه ولا رياضة بحتة دى كمان !!! حاجة تخلى الواحد يتجنن هو الناس دى معندهاش قلب لا وكمان عاوزيين يخلونا ناخد الاقتصاد و الاحصاء مادة غير اساسية هى ناقصة !!!!

[AhmedIbrahimElsayed]

اول حاجه شكرا ليكي على الموضوع
بس هوا ايه الفرق بين الرياضه التطبيقيه والرياضه البحته

[yoyo caty]

المشاركة الأصلية كتبت بواسطة ahmedibrahimelsayed

اول حاجه شكرا ليكي على الموضوع
بس هوا ايه الفرق بين الرياضه التطبيقيه والرياضه البحته

العفو .. فالحقيقة انا معرفش ايه الفرق بينهم بس بالشكل ده هتبقى كل مادة لوحدها و ليها امتحان لوحده وكل واحدة عليها 60 درجة .. علفكرة ده من الاسباب اللى مخليانى مضايقة ان القرار نفسه مبهم و حرام عليهم يعملوا فالطلبة كده بعض ما استقروا

[دراكو مالفوى]

ايه الهبل ده

فى الاول كانت من 450
وبعدين 475
واخيرا بقت 400
؟؟؟؟؟؟؟؟؟؟؟؟؟؟؟
انا حاسس ان كده وحش اوى الصراحة
علشان يكون تعليم بجد ويدى كل واحد حقه
المفروض
العربى 200
الانجليزى 200
الفيزياء 100
الاحياء 100
الكيمياء 100
الرياضة 100
الجيلوجيا 100
الفرنساوى 50
الاقتصاد 50
الاحصاء 50
التاريخ 100
الجغرافيا 100
علم نفس وفلسفة 100
علشان كل واحد يعرف مستواه ويقضوا على موضوع 99% الكتير ده
ويكون الامتحان 5 اسئلة اجبارية
وتوزيع الدرجات كبير بحيث اصغر معلومة تكون ب3 درجات فى الامتحان
وكل سؤال فيه 5 درجات للمتفوقين من اصل 20 بالنسبة لمواد التخصص

مش النظام العبيط اللى الامتحان كله عبيط وفى الاخر اللى مذاكر 50 واللى مش مذاكر تلاقيه 49.

التعليم بدأ يتخلف جدااااااااااا اكتر ما هو متخلف

[سوبر ساره]

ممكن رابط الموضوع فى كايرو دار ؟

[سوبر ساره]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[asmaa232]

انا والله مش فاهمة بس يارب يطلع خطأ الخبر دا هيبقى ضغط علينا اوى انو يزودلنا الجيولوجيا أنـا أسمع انها صعبة وكمان الاقتصاد والاحصا !!
بس ف نفس الوقت هى حياجة كويسة انهم يقللوا درجات المواد خصوصا العربى اللى كان عليه 100 درجة .. ربنا يستر بقى

انا علمى علوم امـا الرياضة بقى فمش عارفة يعنى إيه رياضة بحتة وتطبيقية دى !!
ربنا معانا

[ahmed eishah]

هو النظام مكنش عبيط هو الوزارة مكنتش بطبق صح كان كل امتحان بوجهة نظر المستشار اللي حطه
وبعدين مش كل الناس بتجيب 50 واللي مش مزاكر مش بيجيب 49
دفعة السنادي اللي مزاكر واللي مش مزاكر مجاميعهم نازلةوالامتحانات اصعب من اي سنة عدت بمعني اخر التصحيح زبالة ومش عادل ,,, وشكرا

[ابانوب ايليا]

المشاركة الأصلية كتبت بواسطة دراكو مالفوى

ايه الهبل ده

فى الاول كانت من 450
وبعدين 475
واخيرا بقت 400
؟؟؟؟؟؟؟؟؟؟؟؟؟؟؟
انا حاسس ان كده وحش اوى الصراحة
علشان يكون تعليم بجد ويدى كل واحد حقه
المفروض
العربى 200
الانجليزى 200
الفيزياء 100
الاحياء 100
الكيمياء 100
الرياضة 100
الجيلوجيا 100
الفرنساوى 50
الاقتصاد 50
الاحصاء 50
التاريخ 100
الجغرافيا 100
علم نفس وفلسفة 100
علشان كل واحد يعرف مستواه ويقضوا على موضوع 99% الكتير ده
ويكون الامتحان 5 اسئلة اجبارية
وتوزيع الدرجات كبير بحيث اصغر معلومة تكون ب3 درجات فى الامتحان
وكل سؤال فيه 5 درجات للمتفوقين من اصل 20 بالنسبة لمواد التخصص

مش النظام العبيط اللى الامتحان كله عبيط وفى الاخر اللى مذاكر 50 واللى مش مذاكر تلاقيه 49.

التعليم بدأ يتخلف جدااااااااااا اكتر ما هو متخلف

هو انت بتكرهنا ولاايه؟

[ابانوب ايليا]

ايوة يعنى انا عاوز افهم....

انا طالب علمى علوم حدرس عربى وانجليزى وفيزياء وفرنساوى واحياء وكيمياء

ايه المادة السابعة بقى؟

[مستر عبد الرحمن]

إبني
عبدالرحمن امين اتحاد طلاب ادارة الوايلي - عضو المجلس العام لاتحاد طلاب المدارس -
يقول ان اجتماع مدير التعليم الثانوي مع المكتب التنفيذي مجرد مناقشة ولم يصدر قرار نهائي بعد

[جواد عوض]

دة كلام فاضى وناس مش لاقية اللى يلمها كل واحد ييجى يجرب فينا شوية ويمشى

[Dr Elgohary]

القرار اكثر من رائع ولكن ظلم لشعبة رياضة لان الرياضة البحتة تقيلة جدا جدا جدا
اما بالنسبة لعلمى فالموضوع بقى عادل جدا لان الاحياء لوحدها سهلة والجولجيا مش صعبة للدرجة دى

انا عن نفسى اتمنى ان يكو الخبر صحيح