استسفار بسيط عن المرحله التالته فى التنسيق ارجو المساعده ضرورى

[maxed]

السلام عليكم ورحمة الله وبركاته

انا عضو جديد فى المنتدى الرائع ده وعجبنى مشاركه الاعضاء وعنى استفسار كده اختى فى خلصت تالته ثانوى وجابت 57% بس للاسف طالعه بماده اللغه الانجليزيه وهتمتحنها بعد العيد انا عايز اعرف هيا لما تقدم بعد العيد هتقدم فى المرحله التالته برضوا وهيبقى فى جامعات متاحة ليها حتى لو اقاليم زى حقوق او كده هيا مش عايزة معاهد خالص انا عايز حد يفهمنى الموضوع كله لانى متلخبط ومش عارف اطمنها

[bugmenot]

ايوة هتقدم فى المرحلة التالتة وبالنسبة للكليات المتاحة

أسفرت نتيجة المرحلة الثانية من التنسيق، عن وجود أماكن خالية بالكليات، لطلاب المرحلة الثالثة لشعبتي الأدبي والعلمي.
ففي الشعبة الأدبية، توافرت العديد من الكليات مثل كلية التربية "ابتدائي"، والحقوق، ودار العلوم، والتربية "طفولة"، والتربية الرياضية، والسياحة والفنادق، والآداب "انتساب"، والتربية النوعية "موسيقية"، والتربية النوعية "فنية".
وتوافرت العديد من الأماكن بالكليات للشعبة العلمية، مثل كلية التربية "أساسي"، والتمريض، والحقوق، والزراعة، والمعهد الفني الصحي، والمعهد الفني للتمريض، وكلية الآداب.

والله اعلم اذا كان اختك هنخش بالمجموع ده واحدة من الى فوق بس على ما اظن هى تلحق خدمة اجتماعية

والله الموفق

[devianT]

شوف إن شاء الله
المرحلة الثالثة هتفتح
وبإذن الرحمن هتفضل فاتحة لحد ما الدور الثاني يخلص ويكتب رغباته كمان
افتكر بيدوا 3 ايام بعد نتيجة الدور الثاني
يعني هيا هتكتب رغباتها كأنها جايبة المجموع ده دون الدور الثاني
كأنها مرحلة ثالثة من غير دور ثاني يعني

أتمنى تكون فهمت كلامي

[maxed]

شكرا ليك يا devianT انا فهمتك خلاص بس ليا استفسار تانى ايه الكليات اللى ممكن تلحقها فى المرحله التالته حتى لو اقاليم وكمان استفسار لو جالها كليه فى اقاليم ينفع تحول قبل مالدراسه تبدا ولا ايه النظام معلش انا طولت عليكم

[ايهاب عطيه الخطيب]

طب انا دلوقت اختى جايبه 3 مواد ومجموعها 43 هى بقا تسجل الرغبات دلوقت ولا لسا اما تمتحن وتنجح وهى بالشكل ده تلحق كليه تربيه رياضيه بنات حلوان هى نجحت فى القدرات ولا هيبقا ليها معاهد بس

[devianT]

المشاركة الأصلية كتبت بواسطة maxed

شكرا ليك يا deviant انا فهمتك خلاص بس ليا استفسار تانى ايه الكليات اللى ممكن تلحقها فى المرحله التالته حتى لو اقاليم وكمان استفسار لو جالها كليه فى اقاليم ينفع تحول قبل مالدراسه تبدا ولا ايه النظام معلش انا طولت عليكم

الكليات الي ممكن تلحقها في المرحلة الثالثة
لو هيا أدبي ممكن تلحق حقوق انتساب ومعاهد وسياحة وفنادق وخدمة
وعلمي افتكر ممكن تلحق سياحة وفنادق ومعاهد
انت ممكن تراجع تنسيق السنة الي فاتت التنسيق السنة دي مختلفش عنه كتير

أما بالنسبة للتحويل مش عايز اقول كلام مرسل بس تقريباً مفيش تحويل للمرحلة الثالثة

[devianT]

المشاركة الأصلية كتبت بواسطة ايهاب عطيه الخطيب

طب انا دلوقت اختى جايبه 3 مواد ومجموعها 43 هى بقا تسجل الرغبات دلوقت ولا لسا اما تمتحن وتنجح وهى بالشكل ده تلحق كليه تربيه رياضيه بنات حلوان هى نجحت فى القدرات ولا هيبقا ليها معاهد بس

حضرتك هيا كدا ملهاش دور ثاني
هيا كدا لازم تعيد السنة كلها ..

وحتى لو كان ليها دور ثاني
لازم تستنى لحد ما نتيجة الدور الثاني تظهر عشان تكتب الرغبات

[ايهاب عطيه الخطيب]

لا هى ليها دور تانى وسالنا فى المدرسه نتاكد عشان كدا ملهاش دور تانى قالوا لا ليها دور تانى لان تقريبا هما عاوزين يخلصوا من النظام القديم بس ياترى هى هيبقا ليها كليه تربيه رياضيه بنات حلوان ولا لا هى عملت القدرات ونجحت لان هى بطله جمهوريه وى هى هيبقا ليها معاهد بس

[devianT]

المشاركة الأصلية كتبت بواسطة ايهاب عطيه الخطيب

لا هى ليها دور تانى وسالنا فى المدرسه نتاكد عشان كدا ملهاش دور تانى قالوا لا ليها دور تانى لان تقريبا هما عاوزين يخلصوا من النظام القديم بس ياترى هى هيبقا ليها كليه تربيه رياضيه بنات حلوان ولا لا هى عملت القدرات ونجحت لان هى بطله جمهوريه وى هى هيبقا ليها معاهد بس

ما انا مش عارف والله على حسب التنسيق
بس إن شاء الله تلحقها يعني