سؤال مفتوح لكل اللى فثانوية عامة السنادى و المدرسين كمان

[yoyo caty]

السلام عليكم و رحمة الله و بركاته
ازيكم يا جماعة ..كل سنة و انتم طيبيين انا كنت عمالة بفكر كده و فيه سؤال جه على بالى و خفت جدا
السؤال هو احنا دلوقتى على نظام جديد اخدنا نصف المناهج المواد زيى الكيمياء و الفيزياء و الاحياء و الالمانى و هكذا يعنى فسنة تانية ثانوى هل ياترى فى ممكن اسئلة من انصاف المناهج اللى احنا درسناها فتانية دى تيجى عليها اسئلة السنادى فامتحانات الثانويه العامة السنادى ولا هيجى بس عالجزء المناهج الباقى اللى هندرسه السنادى و شكرا لاى حد هيرد عليا و يفيدنا

[سمسمه الشطوره]

تصدقي انا كمان جيه علي بالي نفس السؤال

بس قولت انه ممكن يحصل كدا في الرياضه لانها تراكميه فممكن يجي سؤال من اللي اخدناه قبل كدا
وممكن كمان ف الانجلش والنحو والالماني او الفرنش

بصي متديقيش نفسك سيبيها علي ربنا واللي كاتبه لينا هنشوفه

[yoyo caty]

المشاركة الأصلية كتبت بواسطة سمسمه الشطوره

تصدقي انا كمان جيه علي بالي نفس السؤال

بس قولت انه ممكن يحصل كدا في الرياضه لانها تراكميه فممكن يجي سؤال من اللي اخدناه قبل كدا
وممكن كمان ف الانجلش والنحو والالماني او الفرنش

بصي متديقيش نفسك سيبيها علي ربنا واللي كاتبه لينا هنشوفه

شكرا للردك بس والله الواحد خايف انهم يعملوا كده عشان يخلونا ننقص و يتعبولنا اعصابنا و بعدين يقولك اصل ده تراكمى و مش عارفة ايه !! .. اصل الصراحة انا بحس ان الوزارة همها مضايقة الطالب ليس الا

[سمسمه الشطوره]

المشاركة الأصلية كتبت بواسطة yoyo caty

شكرا للردك بس والله الواحد خايف انهم يعملوا كده عشان يخلونا ننقص و يتعبولنا اعصابنا و بعدين يقولك اصل ده تراكمى و مش عارفة ايه !! .. اصل الصراحة انا بحس ان الوزارة همها مضايقة الطالب ليس الا

سيبي اللي يحصل يحصل الامتحان يجي صعب سهل نص نص المهم نعمل اللي علينا قدام ربنا عشان منندمش فيما بعد وانا متاكده ان اللي بيتعب عمر تعبه مبيروح هدر مهما كانت الاسباب
انا مش عارفه ليه عندي تفاؤل ان شاء الله ربنا كريم وهيسترها معانا

[* ندى العمر *]

واضح ان السؤال ده فى دماغ الناس كلها
انا كمان دماغى بتودى وتجيب وخايفة من انهم يجيبولنا فى الامتحانات من السنين اللى فاتت او من سنة تانية
بس زى ما انتوا قولتوا لازم نسيبها على الله وخير ان شاء الله

[yoyo caty]

المشاركة الأصلية كتبت بواسطة * ندى العمر *

واضح ان السؤال ده فى دماغ الناس كلها
انا كمان دماغى بتودى وتجيب وخايفة من انهم يجيبولنا فى الامتحانات من السنين اللى فاتت او من سنة تانية
بس زى ما انتوا قولتوا لازم نسيبها على الله وخير ان شاء الله

ههههههههههههههههههه دى طلعت حالة عامة .. يلا معلش بقى ربنا يستر باذن الله خير

[yoyo caty]

المشاركة الأصلية كتبت بواسطة سمسمه الشطوره

سيبي اللي يحصل يحصل الامتحان يجي صعب سهل نص نص المهم نعمل اللي علينا قدام ربنا عشان منندمش فيما بعد وانا متاكده ان اللي بيتعب عمر تعبه مبيروح هدر مهما كانت الاسباب
انا مش عارفه ليه عندي تفاؤل ان شاء الله ربنا كريم وهيسترها معانا

صح عندك حق ..ربنا ييسر امورنا ان شاء الله

[Ahmed M. Fayez]

العربي : يقدروا يجيبوا تراكمي النحو
الإنجليزي : طبعاً يجيبوا أى حاجة ما عدا القصة والقراءة
الفرنساوي أو الألماني .. إلخ : أتوقع أن المدرسين كدة كدة هيراجعولكم علي أول 8 دروس ، لإن الفرنساوي لو جابولكم كلمات من 2 أو مواقف أو جرامر ... إلخ محدش هيقولهم جبتوها ليه ، لإنها لغة وانتوا درستوها قبل كدة ، بس توقعي مش هيبقي كتير زي ما انتوا خايفين لو جابوا تراكمي هيبقي نقطتين أو تلاته في الإمتحان.
رياضة 2 : طبعاً الرياضة يقدر يجيبلك فيها من أول أولي إبتدائي لحد 3 ثانوي ، مع مراعاة ان الأفكار التراكمية بتيجي سهلة ولو ركزت بتجيبها ، وبتكون في مقدرة الطالب المتوسط.
الكيمياء : طبعاً الكيمياء متصلة وتعتبر كل الفصول مرتبطة ببعضها ، تقريباً انتوا خدتوا 5 أبواب ، مع ان الخامس اتلغي عليكوا تقريباً ، مع انه باب الحديد ومهم جداً وفيه شغل كتير وزن وألوان ... إلخ.
فهيجيبلكوا من الأبواب بتاعة سنة 2 ، معادلات للوزن مثلاً أو الحساب الكيميائي ... إلخ ، هتكون مرتبطة بالفصول الجديدة.
انما انه يجيبلكم تعليلات منها أو تجارب وكدة لأ طبعاً مستحيل.
الفيزياء برضة نفس كلام الكيمياء.
الأحياء بقي مدرستهاش بصراحة بس أعتقد إحتمال التراكمي فيها مستبعد ، لإن اللي خدتوه في 2 مفيهوش حاجة.

[AhmedIbrahimElsayed]

ربنا يستر انا قلقت اكتر

[yoyo caty]

المشاركة الأصلية كتبت بواسطة Ahmed M. Fayez

العربي : يقدروا يجيبوا تراكمي النحو
الإنجليزي : طبعاً يجيبوا أى حاجة ما عدا القصة والقراءة
الفرنساوي أو الألماني .. إلخ : أتوقع أن المدرسين كدة كدة هيراجعولكم علي أول 8 دروس ، لإن الفرنساوي لو جابولكم كلمات من 2 أو مواقف أو جرامر ... إلخ محدش هيقولهم جبتوها ليه ، لإنها لغة وانتوا درستوها قبل كدة ، بس توقعي مش هيبقي كتير زي ما انتوا خايفين لو جابوا تراكمي هيبقي نقطتين أو تلاته في الإمتحان.
رياضة 2 : طبعاً الرياضة يقدر يجيبلك فيها من أول أولي إبتدائي لحد 3 ثانوي ، مع مراعاة ان الأفكار التراكمية بتيجي سهلة ولو ركزت بتجيبها ، وبتكون في مقدرة الطالب المتوسط.
الكيمياء : طبعاً الكيمياء متصلة وتعتبر كل الفصول مرتبطة ببعضها ، تقريباً انتوا خدتوا 5 أبواب ، مع ان الخامس اتلغي عليكوا تقريباً ، مع انه باب الحديد ومهم جداً وفيه شغل كتير وزن وألوان ... إلخ.
فهيجيبلكوا من الأبواب بتاعة سنة 2 ، معادلات للوزن مثلاً أو الحساب الكيميائي ... إلخ ، هتكون مرتبطة بالفصول الجديدة.
انما انه يجيبلكم تعليلات منها أو تجارب وكدة لأ طبعاً مستحيل.
الفيزياء برضة نفس كلام الكيمياء.
الأحياء بقي مدرستهاش بصراحة بس أعتقد إحتمال التراكمي فيها مستبعد ، لإن اللي خدتوه في 2 مفيهوش حاجة.

شكرا جدا لردك و اهتمامك

[yoyo caty]

المشاركة الأصلية كتبت بواسطة ahmedibrahimelsayed

ربنا يستر انا قلقت اكتر

ربنا يستر ..ان شاء الله خير

[Mr.Optimistic]

المشاركة الأصلية كتبت بواسطة Ahmed M. Fayez

العربي : يقدروا يجيبوا تراكمي النحو
الإنجليزي : طبعاً يجيبوا أى حاجة ما عدا القصة والقراءة
الفرنساوي أو الألماني .. إلخ : أتوقع أن المدرسين كدة كدة هيراجعولكم علي أول 8 دروس ، لإن الفرنساوي لو جابولكم كلمات من 2 أو مواقف أو جرامر ... إلخ محدش هيقولهم جبتوها ليه ، لإنها لغة وانتوا درستوها قبل كدة ، بس توقعي مش هيبقي كتير زي ما انتوا خايفين لو جابوا تراكمي هيبقي نقطتين أو تلاته في الإمتحان.
رياضة 2 : طبعاً الرياضة يقدر يجيبلك فيها من أول أولي إبتدائي لحد 3 ثانوي ، مع مراعاة ان الأفكار التراكمية بتيجي سهلة ولو ركزت بتجيبها ، وبتكون في مقدرة الطالب المتوسط.
الكيمياء : طبعاً الكيمياء متصلة وتعتبر كل الفصول مرتبطة ببعضها ، تقريباً انتوا خدتوا 5 أبواب ، مع ان الخامس اتلغي عليكوا تقريباً ( مش اتلغي عندنا وجه في الامتحان ) ، مع انه باب الحديد ومهم جداً وفيه شغل كتير وزن وألوان ... إلخ.
فهيجيبلكوا من الأبواب بتاعة سنة 2

(أعتقد دي مستحيل )
الوزن ماشي لكن أفكار في الابواب الاولي لأ .
، معادلات للوزن مثلاً أو الحساب الكيميائي ... إلخ ، هتكون مرتبطة بالفصول الجديدة.
انما انه يجيبلكم تعليلات منها أو تجارب وكدة لأ طبعاً مستحيل.
الفيزياء برضة نفس كلام الكيمياء.
الأحياء بقي مدرستهاش بصراحة بس أعتقد إحتمال التراكمي فيها مستبعد ، لإن اللي خدتوه في 2 مفيهوش حاجة.

أوجزت فأنجزت

[asmaa232]

يا جماعة أنـا شوفت المنشور السنة اللى فاتت والوزير كان قيل ان الامتحانات هتيجى ف المقرر بتاع سنة تالتة بس اطمنوا يعنى
بس طبعا النحو والانجليزى لا ينطبق عليهم الكلام دا لان دى مواد تراكمية بطبعها

[NeVeR CoMe BacK]

لا هو ممكن يجيب حاجات ليها علاقة اللى هتدرسوه يعنى مثلا الأحياء فيها فصول ليها علاقة ببعضها فانتو مش هترجعو تزاكرو الفصول دى تانى بس تربطو الحاجات ببعض يعنى مثلا فصل التنسيق الهرمونى ليه علاقة شوية بالتكاثر فانتو هتشوفو الحاجات المشتركة وتعرفوها وبردو اللإحساس ليه علاقة بالدعامة والحركة وهكذا
الفيزيا طبعا اساسيات الفيزيا والوحدات والقياسات والكلام ده طبعا تكونو عارفينو يعنى الفيزياء الحديثة فيها حاجات من الفصول الأولى زى الفصل الصوت والموجة والضوء وهكذا ممممممممممم يعنى من الأخر متزاكروش المنهج تانى بس حاولو تربطو الحاجات ببعض وخلاص
طبعا النحو تراكمى مفيش كلام وعشان متتخضوش لو فاجئكو بحاجة شبه اللى جاتلنا بتاعة كان تامة او ناقصة دى كانت ف اولى ثانوى ومحدش جاوبها غير اللى كان عارفها ومزاكرها وهى بردو كانت موجودة ف كتاب الأضواء بس محدش توقع يعنى انها ممكن تيجى فانتو الأفضل تراجعو عالنحو بالكامل والبلاغة بردو تراكمية والانجلش الترجمة والقواعد تراكمى ممممممممممممممممم لسة ايه تانى!! :
ربنا معاكو حاولو بس متقلوش الموضوع عليكو وتزاكرو حاجات مش عليكو اصلاا بس اربطو الأفكار ببعضها وخلاص
وربنا يوفقكووووووووووووووووووووووو ^^

[yoyo caty]

المشاركة الأصلية كتبت بواسطة NeVeR CoMe BacK

لا هو ممكن يجيب حاجات ليها علاقة اللى هتدرسوه يعنى مثلا الأحياء فيها فصول ليها علاقة ببعضها فانتو مش هترجعو تزاكرو الفصول دى تانى بس تربطو الحاجات ببعض يعنى مثلا فصل التنسيق الهرمونى ليه علاقة شوية بالتكاثر فانتو هتشوفو الحاجات المشتركة وتعرفوها وبردو اللإحساس ليه علاقة بالدعامة والحركة وهكذا
الفيزيا طبعا اساسيات الفيزيا والوحدات والقياسات والكلام ده طبعا تكونو عارفينو يعنى الفيزياء الحديثة فيها حاجات من الفصول الأولى زى الفصل الصوت والموجة والضوء وهكذا ممممممممممم يعنى من الأخر متزاكروش المنهج تانى بس حاولو تربطو الحاجات ببعض وخلاص
طبعا النحو تراكمى مفيش كلام وعشان متتخضوش لو فاجئكو بحاجة شبه اللى جاتلنا بتاعة كان تامة او ناقصة دى كانت ف اولى ثانوى ومحدش جاوبها غير اللى كان عارفها ومزاكرها وهى بردو كانت موجودة ف كتاب الأضواء بس محدش توقع يعنى انها ممكن تيجى فانتو الأفضل تراجعو عالنحو بالكامل والبلاغة بردو تراكمية والانجلش الترجمة والقواعد تراكمى ممممممممممممممممم لسة ايه تانى!! :
ربنا معاكو حاولو بس متقلوش الموضوع عليكو وتزاكرو حاجات مش عليكو اصلاا بس اربطو الأفكار ببعضها وخلاص
وربنا يوفقكووووووووووووووووووووووو ^^

مرسيى جدا لتوضيحك ..و ادعيلنا بقى