النسب التقريبية للقبول بالجامعات والمعاهد العليا لعام 2013 - 2014

[medooo2000]

النسب التقريبية للقبول بالجامعات والمعاهد العليا لعام


2013 - 2014

ظهرت النسب التقريبية للقبول بالجامعات والمعاهد العليا لعام 2013 - 2013 , لكن بصراحة مش متأكد من صحتها, علشان بس مبقاش طمنت حد أو قلقت حد على الفاضى, لكن أنا قولت أنزلها لأنها على موقع الوطن.


http://www.elwatannews.com/hotfile/details/350

[bebo the one]

أعتقد التوقعات دي دقيقة إلى حد كبير

[medooo2000]

بالظبط, بس السؤال دلوقتى : هل هى دى الرسمية ؟

[نودى مصطفى]

يا جماعة التوقعات دى غلط علشان فيه كلية علاج طبيعى بنى سويف وكفر الشيخ دول جداد معنى كده ان الكليات دى معندهاش علم بعدد الطلاب اللى عايزاها كل كلية يعنى كل ده تأليف من عندهم

بجد حسبى الله ونعمة الوكيل فيهم لو كانوا بيتعبوا اعصابنا زى ماكانت معظم الجرايد بتعمل وقت النتيجة

[ahmedshakban]

بس فيه بترول 98.5 اكيد قصده 99.5 صح ولا اية انا علوم

[mora adel]

هو دة تنسيق العلمى بس ولا علمى وادبى

[crash442]

يعنى هندسة فرقت معايا على درجو ونص
امممممممممممممممممم

[bebo the one]

المشاركة الأصلية كتبت بواسطة medooo2000

بالظبط, بس السؤال دلوقتى : هل هى دى الرسمية ؟

طبعا توقعات .. لأن النتيجة الرسمية بتظهر بعد انتهاء تسجيل الطلاب لرغباتهم بأسبوع (يعني النتيجة الرسمية الأربعاء أو الخميس بعد القادم)

[medooo2000]

يا جماعة أنا بقلوكوا أنا مش متأكد ان ده الرسمى لأنى بصراحة مبصدقش الجرايد بس النسب شبه حقيقية يعنى بس المشكلة أنهم مش منزلين للأدبى وده يخليك تشك أكتر

[medooo2000]

المشاركة الأصلية كتبت بواسطة bebo the one

طبعا توقعات .. لأن النتيجة الرسمية بتظهر بعد انتهاء تسجيل الطلاب لرغباتهم بأسبوع (يعني النتيجة الرسمية الأربعاء أو الخميس بعد القادم)

لأ ازاى بتقول كده ! مش هما مفروض ينزلوا دليل زى ده بالظبط علشان نعرف نكتب الرغبات ولا ايه ؟! ازاى هنكتب الرغبات لو معناش الدليل ده !!

[bebo the one]

المشاركة الأصلية كتبت بواسطة ahmedshakban

بس فيه بترول 98.5 اكيد قصده 99.5 صح ولا اية انا علوم

بترول هتقل عن السنة اللي فاتت وبالتالي 98.5 % هي الصح .. وطبعا دي توقعات
ياجماعة درجات السنة اللي فاتت اللي كانت عالية جدا كانت طفرة مش هتتكرر في التاريخ

[bebo the one]

المشاركة الأصلية كتبت بواسطة medooo2000

لأ ازاى بتقول كده ! مش هما مفروض ينزلوا دليل زى ده بالظبط علشان نعرف نكتب الرغبات ولا ايه ؟! ازاى هنكتب الرغبات لو معناش الدليل ده !!

مفيش حاجة اسمها دليل .. فيه توقعات غير رسمية .. وكل طالب بيكتب رغباته حسب الكليات المتاحة في مرحلته (لاحظ أنهم 48 رغبة) يعني لو طالب كتب كل كليات القمة مش هيخلص ال48 رغبة ولازم يكتب كليات أخرى زي علوم أو تجارة وبالتالي لازم تجيله - حسب مجموعه وترتيب رغباته - كلية من ال 48

[esooo mohsen]

بس لو شوفت توقعاته لهندسة والمجاميع اللي كاتبها هتلاقي فوق ال 30 الف داخلنها وهما قايلين عايزين 17 ولا 16 اذا كنت انا 16511 وحطة ايدي ع قلبي وعندي احتمال كبير اني مادخلش فاعتقد ان ده مش دقيق اوي

[Nurhan Diab]

اايه ده يعني السن هتاخد من 95 ؟؟ ازاي
ده هيا علطول بتاخد من 93

[bebo the one]

المشاركة الأصلية كتبت بواسطة esooo mohsen

بس لو شوفت توقعاته لهندسة والمجاميع اللي كاتبها هتلاقي فوق ال 30 الف داخلنها وهما قايلين عايزين 17 ولا 16 اذا كنت انا 16511 وحطة ايدي ع قلبي وعندي احتمال كبير اني مادخلش فاعتقد ان ده مش دقيق اوي

أنتي بتتكلمي على (هندسة) ولكن كليات الحاسبات والمعلومات والتخطيط العمراني تعتبر كليات هندسية من غير ما تحمل اسم هندسة كذا