تصحيح الفلسفة ؟

[ahmed H capo]

السلام عليكم
مفيش مدرس هنا يقولنا ايه اخبار التصحيح ماشي ازاي ؟
اصلي عمال اسمع اشاعات ان التصحيح نفخ ونماذج الاجابه مختلفه ومش عارفين يدوا الطلاب درجات زيادة خالص
ربنا يستر

[الاستاذ احمد سالم]

حقيقى الدرجات ليست ككل عام وهناك انخفاض فى درجات المادة عل كل عام والحاصلين على الدرجات النهائية قلة اما عن التصحيح ففى صالح الطالب نظرا لصعوبة الامتحان

[mr azmy]

الكلام صحيح الدرجات سيئة جدا جدا وهناك تعليمات باعطاء كل طالب حقة من الدرجات بدون اى زيادة ولكن معظم المدرسين لا يلتزمون بذلك وبيحاولوا يساعدوا الطلبة وربنا يستر على ولادنا من هذا الامتحان الانتقامى من الطلبة وحسبى اللة ونعم الوكيل

[mool_hassan]

يا مستر ارجوك الحقنى انا كده هاجيب كام ؟

انا كتبت فى السؤال الاخير منطق الرياضيات علوم صورية يكون صدقها بالاتساق بين الموضوع و المحمول فهى ليس لها علاقة بالواقع الخارجى لأنها من القضايا التحليلية مثل المنطق .. هل كده صح ام فى احتمال خطأ ؟

سؤال اخر : القياس اهم و اكمل الصور كتبت كله ماعدا القضايا الحملية الأربعة

كتبت برتقال سكرى لانها نوع الانواع و عرفته

سؤال البناء الحضارى كتبت انه يقوم على العقل و اليقين و التفكير الابداعى و الشك المنهجى و ما قامت حضارة قط على الشك الهدام المذهبى بل على الشك المنهجى مثل الحضارة القديمة و الاسلامية و اوروبا ؟؟؟


و سؤال علم معيارى .. كتبت لا أؤيد

و كتبت انه يقع ضمن مبحث القيم سواء فى الحضارة الشرقية او اليونانية فالمجتمع الانسانى يحتاج اليى قيم معينة و فضائل اخلاقية فالفلسفة تدرس ما يجب ان يكون و الاجتماع يدرس ما هو كائن بالفعل و رغبتهم فى نقل الاخلاق ليست ميزة يتفاخرون بها لانهم اطفأوا شعلة كانت تضئ القيم الاخلاقية و جعلوها فى دهاليز المجتمع

بدون مجاملة ابدا يا مستر
هانقص فى ايه بعد اذنك ؟

[ناصر حسن مصطفى]

الدرجات زى الفل فى قطاع الاسماعيلية ومدن القناة ة اوعى تخاف احنا بنراعى ربنا فى الدرجات علشان انتم ولادنا

[أحمدأبوسعده]

نموذج التصحيح واضج وصريح ولا يوجد اي إجابه متكرره

[أ/ تامر صفوت]

سيبها لله وادعوه وان شاء الله الدرجة متنقص كتير