المتمردون بدؤا الحرق مبكرا ويهددون جميع الاحزاب الاسلاميه (حزب الرايه )

[IHerOI]

سؤال بس لكل واحد مربي دقنو وعامل فيها شيخ ؟!
القدس قدامك والسلاح مالي البلد والانفاق مبتقفلش مروحتش ليه تحررها؟!
وقت ما كنا احنا بنتدعك في الميدان وبنتهرس تحت المدرعات وكل واحد دخل الميدان هو وصاحبه طلع من غيره وفي اللي مطلعش
كنا بندافع عن حق اللي زيكوا كنا بنقول محدش يترمي في السجن من غير سبب ومحدش يتهان ولا امين شرطة يمسك واحد يدقه في القسم لمجرد انه كان بيدخل جامع!
ومتنسوش ان احنا اللي اكلمنا وقت ما كان مرسي بيقول مش هنمشي ورة شوية عيال
بس قولنا مش مهم ووقفنا معاه في الانتخابات ضد شفيق وفي الاخر احنا اللي نتحبس
انا عمري مدخلت قسم في عهد حسني ولا عهد المجلس العسكري!
لكن دخلته في عهد مرسي
ولازم كل واحد يعرف ان لما حسن مصطفى وحماده المصري وعمرو الفلسطيني يبقوا واقفين في قفص الاتهام يبقى في حاجة غلط
انا بتشرف اني بقول على نفسي ابن الثورة لكن واحد زي حسن مصطفى اللي اتحكم عليه بسنة سجن هو ابو الثورة
احنا الثورة اللي خلت الاستبن رئيس وياريت متنسوهاش!

[تأبط خيرا]

الثورة لم يقم بها فصيل واحد ولو لم يساندها الشعب لما نجحت .... من يسمون بالتيارات الاسلامية مكنوش بيتفسحوا في عهد مبارك منهم من اعتقل ومنهم من قتـــل في الشوارع ومنهم من قتـــل على المنابر
عندما تتهم شخصا بأنه تاجر دين ممكن يرد عليك بإنك تاجر وطنية ، عادي فيه واحد بستغل مظهره الديني وواحد بتاجر بقضايا وطنه وبيعمل ثوري .... لكن علشان نحكم بإن فلان تاجر دين وأن الآخر مدعي الوطنية والثورية لازم نكون بنعلم النوايا والنوايا لله
عمر المصريين ما كانوا سافكي دماء طول عمرهم معروفين بالرحمة لكن النهاردة كل فصيل بيخون الثاني ويرميه بأشنع التهم ونجد من يتفاخر أنه سيقـــــتل الإخوان وأسرهم وأطفالهم ونجد من يعلن أنه ينتظر المتمردين بشغف
الثورة قامت ضد ضد أشياء قبيحة كثيرة منها التمييز بين المواطنين الأن نجد التقسيم والتمييز على المظاهر والشكل
المصريون مشهورين بأخلاقهم وابتسامتهم الآن أصبحت الألفاظ البذيئة بدلا من التحية فهذا خروف وهذا حشاش وهذا تاجر دين وهذا ملحد وعلى مصر السلام

[تأبط خيرا]

التجارة بالوطنية والتجارة بالدين شئ لا يخفى على احد ولكنه بيوضح وضوح الشمس

مختلف معاك أستاذنا الفاضل لأن العقول متفاوتة بين الناس بل أحيانا يكون الانسان غير منتبه لشيء ثم ينتبه له بعد ذلك حدث ذلك معي بالنسبة لمصطفى بكري مثلا
المنافقين أيام الرسول صل الله عليه وسلم لم يكن معروفين وأملى الرسول أسماءهم لأحد الصحابة حتى أن عمرا كان يخشى أن يكون منهم ... القصد لو كانت المتاجرة بالدين والوطنية مفضوحة لم كانت أسماء المنافقين أمرا سريا

يعني مثلا ايمن نور راجل انا كنت بعتبره وطني لكن دلوقتي بيتاجر بالوطنية وده واضح للكل

هذا اسمه اختلاف رؤى والانسان دائما يميل لمن له نفس آراءه والديمقراطية أن نحترم آراء الناس لكننا الآن نكفر ونخون من يختلف معنا الأمر تجاوز إلى الاستبداد بالرأي وتحقير الآخرين أنا لا أوافق على جميع آراء معتز عبد الفتاح وبلال فضل ويسري فودة إلا أنني أحترم فيهما عدالة الخصومة

انا مثلا بحترم السلفيين جدا انا كنت فاكرهم بيتاجروا بالدين لكن يوم بعد يوم لما شوفت مواقفهم وعرفتهم عن قرب اكتشفت ان دول بجد يتقال عليهم متدينين ودول اصحاب دين وده ميمنعش ان كان عندهم اخطاء وفي اخطاء كانت كبيرة وتودي في داهية

ده يؤكد كلامي قد أتخذ اليوم مذهبا سياسيا معينا ثم أغيره غدا لذلك يجب علينا احترام آراء الآخرين

لكن بص للجماعات الجهادية وانت مش هتحتاج حد يقولك يعني ايه متاجرة بالدين

أنت كنت تنظر نظرة سيئة للسلفيين وتغيرت نظرتك بعدما استمعت إليهم ..... وأنا كذلك كنت أرى أن الجماعة الاسلامية أو الجهاد واحدة منهم التي كانت تنتهج ال ع ن ف كنت أراها تلحق العار بالمسلمين بسبب تصرفاتها ولكن عندما استمعت لقصص الاعتقال والتع ذ يب لهم في السجون عذرتهم ولكني بالطبع غير موافق على ما فعلوه فما أشد حرمة سفك الدماء

وزي مانت بتقول الثورة معملهاش فصيل واحد فميجيش بعد كدة ويركبها فصيل واحد
ولا ايه؟

الشعب يختار وعلى المعارضة احترام الرأي ومن احترام رأي الشعب تنفيذ قراراته في اختيار ممثليه ولنفس المدة التي وافق عليها

أخيرا من يتاجر بشيء فإنما يريد المكسب والربح ولا أعتقد أن معظم أفراد التيارات الإسلامية رضيت بالسجون والمعتقلات وسرقة أموالها وذهب نسائها عند مداهمة أمن الدولة ليلا لبيوتها وترويع أبنائها وحرمانهم وأولادهم من التعيين علشان يتاجروا بالدين
في النهاية أشكر لك حسن تحاورك