سياسة دى

[أ/رضا عطيه]

المشاركة الأصلية كتبت بواسطة aleman

اخى الفاضل:
كيف تقول لاتنزعجى من اقوال من بالخارج؟
بالخارج العبر ولكن لايتكلموا مثل مانتكلم
انا لا اقول كلام مع الرئيس مرسى او ضده
انا اقول كلمة حق سمعتها من اخت من بلد سقيق فوجئت بها تسخر كمايسخر ابناء بلدى من وضع مصر وسب اهلها لبعضهم البعض
فكيف تقول لى لا اهتم بكلامهم

اذا كان نحن ننزعج لكلام الاخرين وناخد الكلام بمحمل شخصى كمصريين بيننا وبين بعضنا البعض
فمابالنا بسماع الكلام ده من اشقاء بالبلدان العربية


هل تقل لى انه بزوال حكم الرئيس الحالى ستهدا البلاد؟
لا بالطبع
(لا )ومليون (لا) كمان على (لا) بتاعتك
وبعدين هو أنا بتكلم روسى ؟
جبتى منين هذا الكلام ؟!!!!!!!!!!

سيحكم مصر رئيس له اعوانه واخرين يكرهونه
وهكذا
حتى يقضى الله امرا كان مفعولا

هل تقول اننا شعب ديمقراطى؟!!!!!
ممكن تشيرى لى على شعب ديمقراطى فى الوطن العربى كله ؟
إياكى تقولى لى (قطر ) !!!!!!!!!!!!!!!

وبالنسبة للمصريين بالخارج
الحمد لله نحن غير مهانون كما تقول حضرتك بالخارج
وهل هذا يؤكد أن كل من فى الخارج فللى ؟
للاسف الاهانة تاتى من كلام اشخاص من داخل مصر نفسها ويصل لخارجها بصورة سيئة

سنه سوده
هما اللى فى الداخل ناقصين تهم وتخوين هتهاديهم بتهم جديدة من الخارج !!!!
شكلنا هنفطر تهم ونتغدى تخوين ونتعشى نوم خفيف

مش كل اللى بيقول حرام عليكم يا إخوان هتودونا فى داهية بسبب طموحاتكم الخاصة
يبقى بيكرههم وبيتمنى زوال حكمهم
ماهو زوال حكمهم يعنى مفيش حكم هيفضل أسبوع بعد كدا
ولا إيه ؟؟؟
دى مجرد توبيخ من الجماهير الأهلاوى للاعب أنانى هيودى فريقه فى ستين داهيه
يبقى كدا الجمهور بيكره الأهلى ؟؟؟
لو زملكاوى مش هيهتم ومش بعيد يشجع اللا عب الأنانى لحد ماتتملى الشباك الأهلاوية بالأهداف
وأهى مصالح !!!!!!!!!
واحنا مصلحتنا البلد دى
حقنا ولا مش حقنا ؟
وياريت نتجول بين الأخبار حتى نرى الحقيقة ونعلم جميعا أن علينا واجب لابد أن نقوم به
إنما هنقول الدنيا ربيع والجو بديع ونكتفى بهذا القدر
يبقى هنفضل كدا على الحال سنوات وسنوات
والعملية مش مستحمله لا فى الداخل ولا فى الخارج

شكرا جزيلا