انا عاوزة اتغير بجد

[شهد اليوسف]

المشاركة الأصلية كتبت بواسطة yolanda

صدقيني والله أنت مش لوحدك في الموضوع ده أنا كمان تعبانة جداً و طهقت و ظروفي مش أحسن من ظروفك لأني مبخدش أي دروس و بذاكر لوحدي و بالتالي معنديش أي توجيه و ممكن تتخيلي مادة زي الفزياء فهمها صعب قد ايه من غير أي مدرس يشرحلك أي حاجة و بضيع وقت طويل في محاولة فهمها و ممكن في الأخر موصلش إلا لحاجات بسيطة و مع ذلك برضي و بقنع نفسي إني أعدي الجزء ده من غير مفهمو حلو و بقول لنفسي المهم أحل الأسئلة صح و خلاص !!

و رغم إني قعدت وقت طويل أصحي الساعة ستة و أذاكر حلو بس الفترة الأخيرة ضيعت كل الي عملته و بقيت أصحي متأخر و اليوم يضيع من غير محس بيه ضاع ازاي و في ايه ؟؟؟ !!!!

و حاجة تانية بفكر فيها و تعباني إني كل الي ذاكرته في النص الأول من المنهج أو زيادة كأنه اتبخر لأنه مفيش مراجعة دورية أو حل أمتحانات أو حل أسئلة ! و لاحظت أن كل الدروس بيمتحنوا أول بأول و عندهم امتحانات نص سنة كمان و أنا عمالة اذاكر و أرمي كأني مش رجعالو تاني و عاملة حسابي علي الأسئلة أحلها أثناء المراجعة ...

أنا عارفة أني كلن المفروض أقولك حاجة تساعدك مش أكتب كل ده بس أنتي فكرتيني بالمعاناة الي أنا فيها الأيام دي مع إنها كلها كام شهر و أخلص من الهم و المذاكرة !

بس علي الأقل الحاجة الوحيدة الي أقدر أساعدك فيها هي الجدول و ممكن نشجعوا بعض و نعملوا أحسن نتيجة ...خصوصا إن انا عايشة علي الجدول من السنة الي فات و من غيره و لا بنجز أي حاجة ...

بس أنتي أكيد بتخدي درس و بتبقوا ماشيين مع المدرس بنظام معين فمش عارفة اذاكان ممكن نظام الجدول بتاعي ينفع معاكي و لا لأ ...فإذا كان ممكن تمشي بنظام مختلف أقولك علي نظامي و نساعدو بعض ...

تسلمي ياااااااااااااارب اه طبعا والله تقريبا كل اللي في سن دا كدة بس مش اوي زي انا صدقيني انا لو هحكي لحد كل اللي جوايا مش هيصدق اني في السن دا وعندي المشاكل دي كلها الحمد لله علي كل حال المهم بالنسبة للجدول اوك انا مواقفة وانا اساسا مش بتابع اي حاجة مع المدرس هو في عالم وانا في عالم تاني خاااااااالص يعني مش ببقي عارفة بيرغي في ايه الحج دا بس اهو باخد في كل المواد دروس ومجموعات بس من ناحية الجدول قوليلي شكله ازااااااااااي واشوفة هيمشي معايا والا لا ؟؟؟؟ وان شاء الله بالتوفيق ليا وليكي يا جمييييييل وتسلمي لمرورك

[yolanda]

المشاركة الأصلية كتبت بواسطة شهد اليوسف

تسلمي ياااااااااااااارب اه طبعا والله تقريبا كل اللي في سن دا كدة بس مش اوي زي انا صدقيني انا لو هحكي لحد كل اللي جوايا مش هيصدق اني في السن دا وعندي المشاكل دي كلها الحمد لله علي كل حال المهم بالنسبة للجدول اوك انا مواقفة وانا اساسا مش بتابع اي حاجة مع المدرس هو في عالم وانا في عالم تاني خاااااااالص يعني مش ببقي عارفة بيرغي في ايه الحج دا بس اهو باخد في كل المواد دروس ومجموعات بس من ناحية الجدول قوليلي شكله ازااااااااااي واشوفة هيمشي معايا والا لا ؟؟؟؟ وان شاء الله بالتوفيق ليا وليكي يا جمييييييل وتسلمي لمرورك

انا يعتبر خلصت المنهج كروتة شوية خصوصاً الجزء الأخير من المواد و ناوية إن شاء الله كمان يومين أبدأ جدول مراجعة شامل (كأني بذاكر من أول و جديد لأني مش فاكرة أي حاجة و كروت كتييييييير و القديم مرجعتش عليه خالص) بس الجدول الي همشي عليه هيكون قاسي شوية عشان ألحق أأخلص الكم الكبير ده كله و كمان يتبقي وقت أحل أمتحانات في شهر خامسة (أما بداية شهر سته هخليها لمراجعة العربي طبعاً) يبقي أنا هراجع في شهرين تقريباً

اما نظام المراجعة الي همشي عليه نظام غريب و جديد من اختراعي و أتمني يكون فعال و عموماً هو أثبت نفسه لما مشيت عليه في جزء من المنهج و هو أحسن جزء ذاكرته في المنهج كله لأن نظام الجدول التقليدي مبينفعش معايا و بطلع منه ناسية حاجات كتير (أقصد أنك تذاكري مادة في اليوم بكمية معينة و هكذا ...)

و الجدول ده بيحتاج إنك تذاكري معظم اليوم مع وقت كافي للراحة بين الفترات الكاملة بالإضافة لراحة مدتها عشر دقائق بين كل ساعة و ساعة أو بين كل خمسين دقيقة و خمسين دقيقة و المذاكرة كلها مركزة في الجزء الأول من اليوم (من الفجر للعصر أو للمغرب ) و الجزء التاني من المغرب للعشاء فمبقدرش أذاكر فيه و معرفش ظروفظك هتقدري تذاكري في الوقت ده و لا لأ و عموماً كل متزيد ساعات المذاكرة يبقي أفضل و ربنا بيدي علي قد المجهود المبذول و أنا والله مش ضامنة أصلاً إن الكمية الي هحطها في اليوم هتكفيه و لا لأ ...

شوفي كدة رأيك إيه و قوليلي ...

ملحوظة موادي هي : فزياء أحياء انجليزي فلسفة عربي و مستوي رفيع أنجليزي