جروب 3 ثانوى ( علمى علوم )

[To Be Is To Do]

المشاركة الأصلية كتبت بواسطة Ashq Al Gana

لازم تكــــون مفهــومة قبل ما تكــــون محفوظـة يا هندسة
ولو مفهـومة اصلا الطالب مش هيواجة اي معاناه في الحفـظ وعمرة ما هينساها انما لو حفيظ خلال يومين بالظبط هيقول لنفسة هو انا كنت بقرأ اية ومش هيفتكر حاجة نهائي ..
كتير من الاسئـلة النظري واضع الامتحان بيقصـد انة يجيب فيها جزئيات صعبة وبتعتمـد ع الفهـم حتي لا يتساوي الطالب المتفوق مع الطالب العادي والطالب الفاهم مع الطالب الحافظ بالكربون ..
يعني لو سألت الطالب ((الى بيحفظ النـظري من غير ما يكون فاهمـة ))وقولتلة اية هيا فكـرة عمل انبوبة الكاثود وربنا ما هيعرف هو يعرف يرسمها اه ييعرف يقـول تعريفها أه يعرف استخدامات انبوبة الكاثود اه انما فكرة عملها ابقي قابلني لو عرفها اصلها مش مكتوبة في الكتب ..ولو قولت للطالب مصطلح زي صدر الموجـة أو قارن بين الاسطوانة المشقوقة الى نصفين في كل من ملف الدينامو والمحرك الكهربي مش هيعرف لانـة معود نفسـة ع حفظ المقارنات والتعريفات الى موجودة في الملخصات من غير ما يكون فاهمها ولو جتلة مقارنة او تعريف غير الى موجود في الملخص للاسـف مش هيعرف يكتب فية حاجة وهيسيب الاجابة فاضية وهيا دي طبيعة الطالب الحفيظ ...

بالاضــــــافة الي ان ..
الطالب لو كتب التعريف من غير ما يذكـر القانون تحت التعريف((ان وجــــــــــــد)) بينقص نصف درجـة ..
الطالب لو استنتج القانون من غير ما يكتب الكلام العريي الى قبل الاستنتاج دا هينقص نص الدرجـة ..
الطالب لو كتب التعليل من غير ما يذكر مثال او قانون يوضح الاجابة بينقص درجات ..
الطالب لو عمل مقارنـة ونسي يرســـم هينقص درجات ..
والله دا الى بيحصل اثناء التصحيح في مادة الفيزياء بالذات ولو مش مصدقيني اسألو اي مدرس وهو يقولكو الكلام دا جايز غلط ولا حاجة بس ما اعتقدش ان انا غلط لان انا مجرب الكلام دا ..

مثـــــلا ..
لو جة سؤال زي استنتج معامل اللزوجـة مثلا يعني..
الطالب لو استنتج القانون من غير ما يرسم التجربة ويكتب الخطـوات..لو المسألة عليها 3 درجات ..هيا خد 1.5 ... وكذلك القانون بتاع الضغط المؤثر علي نقطة في باطن سائل ..لو كتبت الاستنتاج من غير ما ترسم وتشرحلـة بالعـربي والله والله لتنقص نص الدرجة ..

والســــؤال بتاع اذكر العوامل التي يتوقف عليها كل من ...
لو كتب العوامل من غير ما تذكر التناسب (طردي او عكسي ) وكدا برضو بتنقص درجـات ..
وسـؤال اذكر تجربة عملية توضح_______ ... لازم يكتب اسم التجربة وخطوات العمـل والغرض من التجـربة والاستنتاج والقانون المستخدم في التجربة ورسـم التجربة ..لو خطوة ناقصـة من دول هتنقص ..



حاجات كتير بتنقص الطالب من غير ما يحس وبيفتكر انة خرج من الامتحان وعامل الاجابات كلها صح وواثق انة يجيب 50 ..وتلاقية مصدوم يوم النتيجة وجايب 40 ...ويعد يعيط ويروح يعمل تظلم وف الاخـر ولا بياخد حاجـة ..
احنا خلاص فاضل شهر ونص او شهرين بالكتير ع الامتحانات ولازم نفهمهم الكلام دا ... وامتحان السنة الى فاتت كان سهل جدا معني كدا ان السنادي هيكون صعب اكيد ولازم الطلبة تذاكـر الصعب والسهل وتتعـــود على كتابة الاجابة النموذجية عشان تاخد الدرجـة كاملـة والا هتتصدم يوم النتيجة ...
كلامـي موجة للطالب الى بيخاف ع نصف الدرجـة لتضيع منة وعايز يجيب 50 ..
الفيزياء مش سهـلة ..الفيزياء محتاجة تركيز عااااااالي ومزاكرة جامدة وفهم كل درس يشرحة المدرس وبعد ما نفهمـة نحفظة وعمرنا ما هننساه ..

طيب ما هو لما ييجى يكتب التجربه ويرسمها اكيد الرسم ده محفوظ مش محتاج عبقريه منه فى الامتحان ولو فى التعليل يكتب قانون طب ما القانون ده هو حافظه وحالل بيه اسئله ولو فى اذكر العوامل طردى وعكسي ايه الفهم فى كده هو قانون بيتحط وبيطلع منه طردى وعكسى يعنى مش محتاج عبقريه
ولو فى تجربه يكتب اسمها والخطوات والغرض منها مكل ده محفوظ من قبل كده مش محتاج تفكير واستنتاج القانون والكلام اللى بالعربى ورسم فى فى استنتاج معامل اللزوجه مهو كل ده محفوظ من زمااااااااااااان جدا برده لان اصلا اى استنتاج بيبدأ بفرض ورسم

تاني مـرة بقـول
الامتـحان جاي صعب ..
اللهم قد بلغت اللهم فاشهـد ..

مش شرط على فكره مهو 2009 و2010 و2011 و2012 جم سهلين
يعنى 2011 كان سهل جدا وكذلك السنه اللى بعده 2012 كان سهل برده يعنى مش مقياس مره سهل ومره صعب الامتحان بييجى موزون جدا وبيختلف من سنه للتانيه وكل سنه ليا ظروفها ومش علاقه بين ده وده

جزاك الله خيرا وجعـــــل مجهودك في ميزان حسناتك
وربنا يوفقهم ويوفقنا كلنا

شكرا وجزاك الله خيرا

[Muhammad Karim]

طيب ما هو لما ييجى يكتب التجربه ويرسمها اكيد الرسم ده محفوظ مش محتاج عبقريه منه فى الامتحان ولو فى التعليل يكتب قانون طب ما القانون ده هو حافظه وحالل بيه اسئله ولو فى اذكر العوامل طردى وعكسي ايه الفهم فى كده هو قانون بيتحط وبيطلع منه طردى وعكسى يعنى مش محتاج عبقريه
ولو فى تجربه يكتب اسمها والخطوات والغرض منها مكل ده محفوظ من قبل كده مش محتاج تفكير واستنتاج القانون والكلام اللى بالعربى ورسم فى فى استنتاج معامل اللزوجه مهو كل ده محفوظ من زمااااااااااااان جدا برده لان اصلا اى استنتاج بيبدأ بفرض ورسم

وحـدجاب سيرة فهم وعبقرية في رسم التجربة وطردي وعكسي
في ناس كتير بتكتب التعليل وبتنسي تكتب القانون تحتـة
معلم خبير مادة الفيزياء أ/ محمـد اسماعيل
كان قايلنا التنبيهات دي في الاسئلـة
ولو انت عارفها في غيرك مكنش عارفها
وجزاك الله خيرا

[amothman123]

المشاركة الأصلية كتبت بواسطة Ashq Al Gana

وحـدجاب سيرة فهم وعبقرية في رسم التجربة وطردي وعكسي

في ناس كتير بتكتب التعليل وبتنسي تكتب القانون تحتـة
معلم خبير مادة الفيزياء أ/ محمـد اسماعيل
كان قايلنا التنبيهات دي في الاسئلـة

ولو انت عارفها في غيرك مكنش عارفها

باختصار يعنى لازم الطالب يتعامل مع المصحح كأنه جاهل مايعرفش حاجة
كلمتين كل المدرسين الأثيرة الى باخد عندهم
السنة الى فاتت فى امتحان أحياء عندنا فى الدرس واحد بيقول لمدرس " أنا ماكتبتش أسماء الهرمونات علشان اكيد معروفة يعنى "
قاله " لا كله يعرفها إلا المصحح "

[Muhammad Karim]

المشاركة الأصلية كتبت بواسطة amothman123

السنة الى فاتت فى امتحان أحياء عندنا فى الدرس واحد بيقول لمدرس " أنا ماكتبتش أسماء الهرمونات علشان اكيد معروفة يعنى "
قاله " لا كله يعرفها إلا المصحح "

اهااااا... حضرتك جبت الخلاصة
جزاك الله خيرا

[Muhammad Karim]

والســــؤال بتاع اذكر العوامل التي يتوقف عليها كل من ...
لو كتب العوامل من غير ما تذكر التناسب (طردي او عكسي ) وكدا برضو بتنقص درجـات ..
وسـؤال اذكر تجربة عملية توضح_______ ... لازم يكتب اسم التجربة وخطوات العمـل والغرض من التجـربة والاستنتاج والقانون المستخدم في التجربة ورسـم التجربة ..لو خطوة ناقصـة من دول هتنقص ..

انا جبت سيـرة فهم وعبقـرية هنا