#1
|
||||
|
||||
![]() فى غرفة الإنعاش .......................... قلبى اللى شبع من قولة أه من كتر اليُتم .. من كتر اللّطم قلبى مبقتش لاقيه فى الحياه قلبى اللى شبع منك ظلم وإفترا من كتر همك .. ما كان ماشى فى دمك قلبى على إيدك خسر . ماكانلوش فى الشرا قلبى خلاص تعب وهمد والقومه ماقامهاش قلبى مشا مشوار كبير ولا رجع ولا جاش قلبى اللى ضحا بكل شئ علشان واحد مايسواش قلبى على إيدك بقا نزيل فى غرفة الإنعاش ................................... دخل غرفة الإنعاش بعد تلاتين سنه لا أكل فيهم عيش ولا داق طعم الهنا شحت فى كل ميدان وباع حتى الضنا ولما فكر يقوم هههه إتهموه بالزنا لما قلبى قام وقالك يا بلدى انا وياكى حكون شهيد ودمى يكون فداكى إتهموه بالرشوه مع وجبة كنتاكى طلعوا عليه مليون إشاعه خلوه مجرم سفاح وحديث الساعه قالوا البلد سليمه على كل إذاعه كل ده يا بلدى علشان قلبى قال حرام شبع عمره كله تذويق فى الكلام ولما قلبى مره فكر وجهوله أحقر إتهام يا بلدى قلبى خايف عليكى قلبى كتير حاسس بيكى كان ممكن يكون من الشهدا دمه بيرويكى دم الشهدا غالى اوى .. وقلبى اللى كان معاهم ظلموه كل قلب بيحب بلده شهيد غالى او عايش يتهموه بقا دى جزاة قلبى يا بلدى؟ مشيتى مع الكل وقولتى عدى ومع قلبى المخلص تبيعى فى عرضى مظاهرات وحركات وأحزاب ضدك بتشهريها وقلبى اللى كان حيموت فداكى مفكرتيش فيها؟ قلبى مش لاقى وبيشحت تمن اللحمه ولما شم ريحيتها إعتبروها خيانه عظمى قالوا من الإخوان قالوا قلبى جبان قالوا قاتل على مر الزمان كل ده علشان قلبى حب يكون إنسان؟ كلهم بيقولوا انك إنتى أكبر أم ضحيت بكل شئ ونسيت ضغط الدم شديت الحزام وقبلت الحرام وشيلت الهم مكنش ناقص غير إن قلبى ياكل بنفسه السم نارى قايده ومفيش فايده من كتر اخبارك ما بقت مستحيله قلبى بقا رئيس القلوب العليله الضعيفه المسكينه الذليله .......................................... العيشه حتى يا بلدى قلبى معاشهاش مادوقتش يوم الراحه ولا لحظة إنتعاش إستغلوا ضعف قلبى وباعوكى ببلاش وانا اللى قلبى فى الخطر .. لسه عليكى بينفطر لسه بفكر فيكى حتى وانا فى غرفة الإنعاش ............................................ ,,, شاعر الجروح ,,,
__________________
مع خالص تحياتى
شاعر الجروح حسن مصطفى |
#2
|
||||
|
||||
![]()
أتمنا القصيده تكون نالت رضا الجميع
__________________
مع خالص تحياتى
شاعر الجروح حسن مصطفى |
#3
|
||||
|
||||
![]() كلماتك رائعه
بجد هاااااااايله سلمت يداك بارك الله فيك
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
#4
|
||||
|
||||
![]() اقتباس:
الله يسلمك يارب
متشكر كتير اوى
__________________
مع خالص تحياتى
شاعر الجروح حسن مصطفى |
![]() |
العلامات المرجعية |
أدوات الموضوع | |
انواع عرض الموضوع | |
|
|