اقتباس:
المشاركة الأصلية كتبت بواسطة ضياء الدين سعيد
أستاذ منير
جميل طرحك ولكن ليس كمثيل ما سبق
فالنغم الموسيقى مختلف
ولكن أرى دمع قلمك يكتب
فحينها يصمت التحليل
وأحب أن أجيب على قصيدتك
العيب في مين
في إللى قتل ولا أتقتل
كل البشر خاينين !!
مش شرط أنه من الوطن
كل الوطن مجانين !!
لما أتقتل كان الطموح في الطين
وياه صرخت ألم بتنادي في الميادين
شهيد ودمه كتب ..
هروي الوطن لسنين
وكل نبته صغيره ..
هتحارب الخاينين
الثورة قامت لما أتشرد المساكين
دبلوم صنايع يبقى عامل صدقه ..
دبلوم زراعة وجوا أرض بتعزقه ..
دبلوم تجارة عايش وربه بيرزقه ..
بس السؤال
كل الجراح من مين ؟؟
شهادة الجامعة ملهاش لزوم يا فطين
ممكن تكون مكوجي ..
ممكن تنام في جحيم
العمر منه هرب ..
عدى يا ناس تلاتين
لا في عروسه تزوقه ..
ولا جنبه ابن جميل
بس السؤال
كل الجراح من مين ؟؟
ممكن يجاوبك على السؤال أتنين
عامل بيخرج كل يوم من مصنعه ..
عرقان يا ناس مسكين
والتاني واحد صدقه
فاته القطار وحزين
ممكن أجاوبك على السؤال
بس السؤال بإتنين
شلنا مبارك والرعاع
بس نسينا إن تعبانه ليه ديل
دهسنا راسه برجلنا
ورعينا ديله لما بقى قوي يا ناس ومتين
علشان شوية بقر
ماشيه وليها قرنين
إللي بيعمل للبلد
يبقى خاين عميل
وإللي هيدفن حلمنا
ننده بصوت وجميل
دا هو حلم البشر
وكأننا في حطين
بس البشر مش بشر
هتدوس صلاح الدين
أحذف تاريخك من الميدان
ما أتزوق المساجين
بكرا مبارك وشلته
هتاخد الملايين
والشعب يلبس عمته
ويغني عرضي فين !!
اللي هتك عرضنا
شلة رعاع مجانين
والتمسلية أتمثلت
والمخرج الميادين
ما الحق عنا ذهب
وجه مكانه حمدين
عمر موسى وشلته
الزند عمله زعيم
عوكشه اللي نافق دولته
جلاد أديب فاهمين !!
يا عم فكك مننا
وشوف حبالك فين
كل البقر تتسحب
وياها مليون ديل
أبعد شباكك عننا
دا أحنا ولاد النيل
نروي بلدنا بدمنا
ويانا حلم الدين
مش معنى أني بقول يا دين
أبقى أخواني أو سلفي أو أي شيء بدليل
أنا مصري مسلم ..
بحمي حلم السنين
بتبكي عيني في غربتي
لما بشوف مسكين
مدبوح وشايلنه بقر
بتقول مبارك فين !!
أتجموا يا أهل الشجاعة وأصرخوا
دأنتم رباط الدين
أه يا بلد كان شعارها في شرعنا
أدخلوها سالمين
أدخلوها سالمين
بقلم / ضياء الدين سعيد
تقبل مروري وتحياتي
والله كتبتها أول ما شفت كلماتك لأني بجد حزين
|
طبعا نورتنى كالعادة استاذى الكبير ضياء
كلماتك جميلة جدا ولكننا حتى الان لم نعلم العيب فى مين ؟ غير اننا كلنا خاينين وكلنا ذلك الشخص المتهم
واعتقد ان هذا الجواب يكفى حتى تظهر الحقيقة
شكرا لمروك ولردك على اخى ضياء
29-11-2012, 02:12 PM
العرض الشجري
