(انا والمذاكرة وهواك)~~متجدد

[مريم السباعى.]

ااالسلام عليكم
ازيكم

يارب تكونو بخير
ويكملها بستر معاكم يا ثانوية وع كل الجمعاوية

بصو بقا الموضوع دة انا كنت نقلته من السنة الى فاتت زى دلوقت او بعدها بشوية وبجد فدنى بافكاااار كتييييييييييييييييييييييييييييييييييييييييييييير هو صحيح يعنى خاص بقرب الامتحانت شوية بس فى حاجت تحفة
علشان كدة ظبطو وجبتهلم وفى ملحوظة صحيح فى جزء كدة فى بيكلم عن كتاب المعلم فانا بصراحة المعلومة دى واثقة قوى فيها واسالو الاساتذة برضه ثانيا هو وفق لحد مادة الفزياء ومكملش لان الموضوع لحد كدة والله ومش عرفت التكملة بتاعتو فيعنى ان شاء الله يفدكم
فاتمنى ان شاء الله جيعا تستفادو منه ومش حقولكم ركزو فى كل كلمة لا فى كل حرف لانه بجد مهم قوووووووووووووووووووووى
والموضوع منقول بنصه وبحذفيررررررره
نبداء بسم الله

فعلى مدار فترة الدراسة بهندسة القاهرة والسكن بمدينة الطلاب فقد جمعت كنوز عظيمة واسرار وخطط دراسية لمتفوقى الثانوية العامة على مدار اعوام والله خبرة عظيمة لو اتبعها اى واحد من السهل ان يحصل على مجموع عظيم لاقل مجهود واروع حالة نفسية.
مش مطلوب طالب متفوق خالص ولا طالب قوى الزاكرة نهائى ولا طالب متميز كل المطلوب بان كل واحد يتع الخطوط والخطط ويلينها حسب ظروفة بهمة عالية فقط همة عالية مش زكاء وله على ان احل لية كل مشكلة تقابلة مهما كانت حتى ولو كان مبيعرفش يقرا ايوة والله حتى لو مبيعرفش يقرا وهيشوف .

اولا الدروس مهياش نصائح كالعادة لكنها طرق واساليب ومناهج من اول طريقة الكتابة والخط ونوع القلم \ حل لكل المشاكل\ اختيار الكتب الصحيحة\ تنظيم وادارة اليوم الدراسى\ ساعات النوم\ نوع المشروبات \طرق التفكير\ متابعة جميع الطلاب \ منظومة لجعل يوم الامتحان زى اى يوم بل اسهل يعنى نزع الرهبة لدرجة ممكن فى ناس ممكن ما تروحش الامتحان من شدة عدم الرهبة ها ها بس دة غلط اوعة حد يعمل كدة \ لغاية اخر يوم فى الامتحان.
.................................................. ...............

بسم الله الرحمن الرحيم

سيب كل اللى فى ايدك واقرا بالراحة كلمة كلمة مرة واتنين \ بينك وبينهم ورقة الاجابه\

انا مش محتاج طالب متميز ولا طالب متفوق ولا طالب زاكرتة قوية كل اللى عاوزة طالب همتة عالية وعاوز يكون حاجة وممكن يعمل اى حاجة ترضى ربنا علشان يوصل ويجيب مجموع عالى.

بداية ناس كتيييييييييييييييييييييييييير جدا مستواهم ممتاز جدا ومع ذلك للاسف الشديد ونظرا لظروف تختلف من شخص لاخر بيحصل تشويش على هذا الشخص وما بيعرفش قدرات نفسة وناس كتييييييييييييييييير بتعرف كدة بعد النتيجة .......................لية؟ ..........................لانة فاق.

وبنسبة 80% من الطلبة كدة والله كدة وروحوا شفوهم فى الكليات ويقولك ايام وهو فى الثانوية مش عارف ازاكر مش قادر ازاكر وبالتالى بتاثر سلبا انة فعلا ومع امكانياتة العالية ما بيجبش مجموع.

ويجى واحد والله ما شاطر ولا متميز ولكن لظروف هنكشفها دلوقتى يجيب مجموع عالى وخاصة البنات كلة هينكشف ويبقى الانسان المميز اساسا مشوش على عقليتة وبدليل فى ناس كتيرة متفوقة جدا فى الكليات سبحان الله ونسيتة اللى بيطلعوا الاوائل على الدفعات .

ويرجع كدة وللاسف الشديد لاسلوب الوالدين مع ذلك الشخص المسكين زى ما علطوط الشخص دة غلط ولا ما غلطش يطلعوه غلطان قدام الناس او داخر بيتة وحتى ولو تبين ليهم انة مظلوم يقلولة اية اللى خلاك تقرب منة او تروحلة وبردة يطلعوة غلطان على عكس ناس تانية دايمن غلطة ولا ما غلطوش هما الصح \ بردة اسلوب الوالدين مثلا يقولوا للشخص شايف ابن فلان وابن علان تيجى اية جانبة وطبعا فلان دة غالبا ما بيكون مهندس او دكتور وحاجات تانية كتتير تبدا تتراكم فى شخصية المسكين والله بياثر علية فى الثانوية العامة بالزات.

بص يا ابن الحلال والله انتا انسان ممتاز وما تقارنش نفسك بحد حتى ولو كان فعلا متميز حط فى دماغك بينك وبينه ورقة الاجابه خليها راسخة فى مخك وامشى على السكة اللى هنقولها بازن الله وليك عليه احل ليك كل مشاكلك مهما كانت.

فعلا سبيل المثال دولة اميريكا بنت لنفسها هيكل اعلامى ارهابى لكل الدول علشلن ميفكرش حد يوصل لمستواهل مع فى دول كتتير احسن منهل نفس الحركة بالظبط كل الللى بيتقال عليهم مميزين واخوات ناس مميزين وشاطرين ما هو الا برنامج اعلامى ارهابى بيرهبوا بية كل الناس اللى معاهم مع انهم غير كدة خالص هما ماششين على خطط ومنظومات كلة هينفضح انا كنت وسط الناس دولى والله زى ما بقولكم.

الطالب اللى بيجيب مجموع باذن الله حاله من ثلاث حالات\

1- الحالة الاولى: واحد طلع لاقى ابوية مجهزين لية كل حاجة حالة نفسية تما ظالم او مظلوم هو صح كتب موجودة قبل ما يطلب تنظيم دراسى من وهو فى الابتدائى ثقة بالنفس انتا احسن واحد انتا كذا انتا كذا واياك كذا والذى منة يعنى السكة سالكة معاة وممكن مدرسين فى السرير زاى نعم بواجة مشاكل فى الحياه بعد كدة بس اهو طلع بمجموع عالى.

2- الحالة الثانية : واحد طلع وسط اخواط متميزين فى كليات قمة فبظبطوة بالنصائح والخطط اللى هنكشفها دلوقتى والكتب اللى جابنهالوا او محتفظين بيها علشانة وتنظيم مواعيدة والمدرسين المميزين يعنى بيخطوا خطاهم وبيعدى باذن الله.

4- الحاله الثالثة : واحد ما وجد ابوين مهتمين ولا اخوة ناصحين لكنه بهمتة العالية توكل على الله وما سبشى حد متفوق اكبر منة الى وسالة وفحر فى جميع الاتجاهات حتى وصل اى نعم بيتعب شوية لكن بيوصل.

فان شاء الله تعالى هاجمع ليكوا بين الحالتين الثانية والثالثة حتى اوفر عليكم التعب ونفشى الخطط والمخططات والاسرار بس الهمة يا رجال.

فعلى سبيل المثال: حالة بكلية الهندسة والحمد لله تخرج

اثناء فترة الثانوية العامة وفى بداية سنة تانية ثانوى كان مشوش علية ولا يعرف مستواه وفى اول شهر كان فى مخه انة اخرة 90% بالعافية لانة كان بينظر الى من يرهبون الناس باساليبهم يعن المتميزين لكنة بجد كان نفسة ان يدخل كلية الهندسة فتوكل على الله ونهج بالحاله الثالثة وربنا وفقة والله بعد ما خلط الثانوية هو طبعا حصل على 97.1% حكى وقال ان العملية عندما وصل واجتاز العامل الارهابى للناس اللى يقال عنهم متفوقين ان العملية لعب عيال فى لعب عيال وان 97% مش كتير علية ولا حاجة خالص كل العملية انة واجة ازاى هنقول كل حاجة.

خليك على طول اذكر الله وسبح وصلى على سيدنا محمد ورزقك هيزيد اكثر
.................................................. ...............

بسم الله الرحمن الرحيم


الدرس الثانى
اولا اكبر مشكله وشوف الناس المميزة ازاى بتحلها
الشهوة: طبعا الكلام ده للزكور مليش دعوة بالبنات يكاد يكون معظم الطلاب ينغمرون فى هذه الخيبة وهى سيطره الشهوه لل*** الاخر والشهوه شئ طبيعى فى كل انسان طبيعى لكن الغلط هى عدم التوازن وعدم السيطرة وبدلا من ان يكون الطالب يتحكم فى شهوتة تتحول هى للتحكم فية وطبعا شوف اية الخسائر وكل الناس عارفة طب الحل اية؟

المشكاه بكامل جوانبها من ندرسها واولا للعلم ان الله جل وعلى عندما خلق الانسان خلق له شهوات كثيرة ومنها شهوه النساء او الميل لهن فالانسان ممكن ان يشتهى اكلة معينة او ملابس معين وبردة دى شهوه طب اية المشكلة.

المشكلة ان طبقا للظروف المحيطة بطالب الثانوية العامة واولها الضغط النفسى من رهبة الدراسة وبعد كدة الشوارع والتليفزونات والاعلام واللى بيشوفة فية والقصص اللى بيسمعها يبدا طالب الثانوية العامة بالهروب من الضغط فتتملكة شهوه النساء فتبد شهوه النساء تسيطر على الطالب وتكون ملجاة اللى دايما بيهرب علية صح ولا اية .


فالحل اية بصوا بقة على الناس اللى عارفة سكتها للهروب الى المزاكرة وليس منها زى الفشلة من الطلاب الناس دى فهمة وبتعمل الاتى:


يبدا كل واحد يشرك شهوه النساء فى نفسة بشهوة اخرى معاها فتنكسر حدة شهوة النساء الى النصف بدلا من الكل وتنخفض تدريجيا حسب قوة الشهوة الاخرى والشهوة الاخرى حاجات كتييييييير واحد مثلا بيشتهى متابعة علوم معينة او برنامج معين وواحد غيرة بيشتهى الاجهزة الالكترونية وصيانتها ويوميا بيشوفلة اى حاجة يصلحها واحدتانى بيتابع المباريات العالمية وكل دى حاجات فعلا بتاثر وجرب.

اما احسن واحد طبعا اللى بيشرك شهوة النساء بشهوة دخول المزاكرة وكليات القمة والحصول على مجموع كبير وفرحة يوم النتيجة ومن شدتها شغال مزاكرة طحن ليل ونهار ومبيفكرش الا قليل او نادر فى النساء.


حل اخر من ناس تانية وواحد بيقول : كل ما بيفكر فى شهوة النساء يقنع نفسة ان هذه المرأه قاصدة ومتعمدة انها تدمرة وتزود شهوته فيقوم يحصلة حالة غل وخاصة ما بتكون المراة دى واحدة معاة فى الثانوية فيقوم من شدة الغل اللى جواة يبدل طاقة الشهوة فى المزاكرة وفية ناس كتيرة شغالة بالنظام دة.

خلاصة الكلام يناسبك النظام الاول امشى بية يناسبك التانى امشى بية المهم تكون شهوه المجموع العالى وشهوة المزاكرة اكبر .

خليك على طول اذكر الله وسبح وصلى على سيدنا محمد ورزقك هيزيد اكثر
.................................................. ...............

بسم الله الرحمن الرحيم

الدرس الثالث

قبل الدرس الثالث لية تعليق على موظوع النظام الاول لتقليل سيطرة الشهوة اللى هيمشى بالنظام الاول بانبة انة لازم يطور ويستمر فى تطوير الشهوة الاكرى اللى هيشرك بها شهوة النساء اى لازم باستمرار يفكر ويخليها فى دماغة على طول لكن فى وقت التفكير فى شهوة النساء مش فى وقت المزاكرة .

اول شئ عاوزة ومطلوب منك بقدر الامكان هو تجهيز غرفة العمليات والقيادة للمزاكرة وادارة وتنفيذ الخطط ازاى بقدر الامكان اذا امكن غرفة مستقلة اية مكونتها.

مكوناتها سرير شخصى ومكتب وراديو فقط طب اللى مش عندة غرفة مستقلة يعمل اية ؟

ممكن لو عندهم غرفة الجلوس اللى بيستقبلوا فيها الضيوف يفضيها بفائق السرعة ويجعلها غرفة خاصة معلش مش لازم الضيوف يقعدوا فى السنتين دولى فى الغرفة انتا ومستقبلك اهم من الضيوف مش صح ولا اية وما تقولش لابوك ولا امك اعمل على طول ونفذ وبعدين هما هيعرفوا انك على حق.

اما اللى مش قادر خالص يوفر غرفة فمفيش مشكلة.

طب اللى عنة غرفة وما عندوش مكتب؟

بسهولة يشترى مكتب حدبد ببلاش حتى لو من سوق الجمعة المكاتب ببلاش ملكش حجة.

ناتى للمكتب:
لابد من لزق المكتب باستيكر لازق مقوى بلون اسود علشان العين والاضاءة المعكوسة اللزق دة ممكن تجيبة من مكتبات سمير&على ب5 جنية وتغطى بية سطح المكتب بلون اسود .
وعندما تزاكر لابد يكون اللى على المكتب الكتاب اللى هتزاكر منة +ورق ابيض علشان تكتب فية اللى زاكرتة وهنشرح الكيفية +فقط لا غير بقية الكتب رتبها فى رف خارجى عن المكتب واذا لزم الامر رتبهم على الارض.

اما الراديو هنقولة بعدين.

خليك على طول اذكر الله وسبح وصلى على سيدنا محمد ورزقك هيزيد اكثر
.................................................. ...............

بسم الله الرحمن الرحيم

الدرس الرابع

تعالى زاكر هتزاكر بغصب عنك لانك هتعرف الحقيقة دلوقتى اللى مخلياك مش عاوز تزاكر.

ليه انتا مش عاوز تزاكر ؟ليه انتا علطول فى الشارع؟لية انتا علطول قدام الكمبيوتر؟لية انتا كرهت شكل غرفتك وشكل بيتكلية انتا بتهرب للشهوه النساء؟

لانك خايف تزاكر مش عارف تزاكر اية ولا تزاكر منين \ مش عارف تزاكر ازاى \ مش عارف تبدا اى مادة \ ولو اى مادة تزاكرها ازاى ومنين\ وخايف من المواد والكميات المتراكة.

كل الامور ديه تؤدى الى انك خايف ومش عارف تهاجم المواد وتزاكرها تايه تايه تايه ومتلخبط وبالتالى علطول وقتك كتتتتتتتتتتتتتتير ومش عارف تضيحة ودايما خايف وعلطول فى الشارع او قدام الكمبيوتر او ...................الى نهايتة صح ولا اية.

مع انك لو بتزاكر كويس والله هتبزل مجهود عظيم جدا علشان تدور على ساعة فاضية وساعتها هتلعب بنفس مفتوحة وتستخدم الكمبيوتر وانتا رافع دماغك لفوق لانك مخلص اللى عليك حاول تحس بكدة.

علشان ما تخافش ممكن بالمنظومة اللى هنقولها تلم
المرحلة الاولى : فى خلال شهر واحد بس بداية من صفر فى جميع المواد وتخلص وتجيب من 94% الى 97% حسب همتك.

المرحلة الثانية: فى خلال شهرين على اساس فيزياء ورياضة 2 كاسوا الحالات وتجيب نسبة اعلى لان للعلم ان درجات المرحلة الثانية اكثر تحصيلا من الاولى .

اطمئن الكل لسة فى فترة الامان المهم اتباع الخطط

الكلام الجد يبدا بقا من هنا .............. انا مش هقولك روح زاكر على طول لانك مش مجهز وكمان مش هتعرف وانتا عنك حق هتزاكر اية ولا ازاى وباى خطة ولا باى نظام لغاية دلوقتى عندك حق طب تعمل اية.

سياتك طبعا كارة منظر المكتب ومنظر غرفتك وممكن كمان بيتكر او الشارع اللى انتا ساكن فية صح ولا اية اكيد صح .

شوف بقة الناس اللى بيقال عنهم مميزين بيعملوا اية فى المشكلة دى والله هما بيحسوا زيكم لانهم بشر بس عندهم لكل مشكلة حل ايه هو ؟

الباشا الكبير على فترات زمنية شغال علطول بيغير فى ترتيب وشكل غرفتة مرة يحرك سرير ويودية لمكان وزاوية مختلفة ومرة يحرك المكتب ومرة يحرك الاتنين ومرة يقعد ينظم كل حاجة مادة لوحدها ويغير مكان ترتيبهم بحيث ان كل فترة بيعيش فى شكل مختلف تماما على اللى كان عليه قبل كدة ومع انها غرفة واحدة لكن بتغيير الترتيب بصفة دورية كانك عايش فى 100 غرفة وباشكال ونفسيات جديدة وحالة نفسية متطورة.

فحضرتك ما عليك دلوقتى الا وتستهدى بالله وتحاول تغير فى شكل وترتيب مكونات غرفتك اللى سلف وزكرناها يعنى تحرك السرير لمكان تانى وكذلك المكتب وابدا نظم حاجة كل مادة فى اعمدة يعنى كل عمود مرتب فية حاجة كل مادة وتابعنى لانى هاقول لسيادتك ما يلزم لكل مادة وازاى بتزاكرة وامتا .

خليك على طول اذكر الله وسبح وصلى على سيدنا محمد ورزقك هيزيد اكثر
.................................................. ...............

بسم الله الرحمن الرحيم

الدرس الخامس

بصوبقا القواعد دى

طالب امكانياته عالية+مدرسين ممتازين + كتب ومزكرات+مزاكرة عشوائية بدون خطط

النتيجة صفر

طالب عادى جدا لا امكانياتة عالية ولا زاكرتة قوية لكن همتة عالية +مدرسين عاديين + خطط للمزاكرة

النتيجة فعالة جدا ببساطة ممكن يعدى 95% بسهولة.

ونفسى اقول حاجة انتا لية بتاخد درسين فى مادة واحدة بالعقل انتا ما بتفهمش من مدرس سيبه وروح لمدرس تانى مش تاخد مدرسين تيجى مثلا فى مادة الرياضيات2 مدرس بيشرح بطريقة معينة وبيختار فرع معين يبدا بيه يبقى حضرتك بتاخد درسين فى مادتتين مش مادة واحدة وبالتالى والله ما هتنفع الا اذا مثلا بتروح تنام عند واحد منهم ومتابع الاخر وبردة هتخسر الوقت .صح ولا اية وممكن ساعة الامتحان تتلخبط احل بطرقة دة ولا دة.

طبعا المدرس دورة مع الطالب مهم جدا لكنة وحدة لا يكفى اما الدور الاكبر للطالب وعلى المكتب وممكن كلام ونصائح المدرس تدمرالطالب وهقولخطةتوضح ذلك يعنى لازم يكون ليك شخصية وخطة خاصة.

خد عندك خطة من خطط الناس المميزة وياريت تقرا كل كلمة بهدوء وما تسبش كلمة.

طبعا قبل امتحانات الثانوية العامة بحوالى شهر ونصف معظم المدرسين بيطلبوا من الطلاب ان يراجعوا الفصول القديم ويسال فيها وناخذ مثال على ذلك مادة الكمياء

-الفصل الاول مكون من 10 صفحات سهلين جدا مثلا
-الفصل الثانى مكون من 30 صفحة عاديين
-الفصل الخامس 40 صفحة لكن رخمين جدا بس معظم الامتحان منه

ياتى المدرس قبل الامتحانات بشهر ونصف مثلا ويقول راجع على الفصل الاول ويسبلك يومين تزاكر فيهم هتعمل اية حضرتك

معظم الطلبة فعلا هتروح وتراجع على الفص الاول السهل جدا ويشرب فى الاخرمقلب. طب الطالب المتميز بيعمل اية؟

بص يا باشا الطالب المتميز مش بيسمع كلام المدرس فى الحتة دى هو بيروح يزاكر الفصل الخامس الصعب اللى محتاج صبر وتركيز لسة شهر ونص اذا الاحالة النفسية والضغط مظبوطين مش متبهدلين لذا هياخد منة الفصل الخامس مثلا اسبوع وذلك فى فترة الشهر ونص اللى قبل الامتحانات بيزاكرهم بتركيز ويحل اسئلة الامتحانات السابقة عليهم يعنى ظبطهم وبعد كدة قبل الدرس بنصف ساعة يقرا الفصل الاول السهل ومفيش مشكلة لو خدلة عصاية على ايدة لو معرفش يجاوب.

اما بقة بقية الطلاب الغلابة اللى زاكروا الفص الاول عندما ياتى المدرس على الفصل الخامس يكون فاضل 15 يوم على الامتحانات والحالة والضغط النفسى مدمر وبردة المدرس هيديهم يومين علشان يزاكروا فية الخامس.

احكم سيادت من فيهم هيزاكر الباب الخامس اللى الامتحان معظمة بياتى منة ؟

الاول اللى خد اسبوع وحل علية امتحانات وحالتة النفسية ايامها كانت ممتازة

ولا الثانى اللى خد يومين وحالتة النفسية متنيلة جدا لان فاضل 15 يوم وعاوز يلم نفسة وطبعا بيفبرك الفصل .

اذا كلام المدرس مش لازم دايما تتبعة كلة الخطط اهم والله وشوفتوا حضراتكم المثال ونتيجتة تحكموا عليها حضراتكم .

خليك على طول اذكر الله وسبح وصلى على سيدنا محمد ورزقك هيزيد اكثر
.................................................. ...............

بسم الله الرحمن الرحيم

الدرس السادس

كشف سر من اسرار التفوق

الطلبه كلها بتسمع عن تنظيم الوقت كل شوية واحد يطلع ويقول نظموا وقتكم ومعظم الناس مش عارفة يعنى اية تنظيم الوقت لانه سر وهتعرف دلوقتى انة سر مفيش حد بيقولة ممكن تسال واحد فى كلية الطب ازاى حصلت على المجموع الكبير دة هيقولك كنت بزاكر ها ها طب ما الناس كلها عارفة انك كنت بتزاكر انما ازاى مش هيقولك وجايز يكون خايف من الحسد بس مش الاحتمال الاكبر .

سر تنظيم الوقت:

اذاللمره الاولى اللى هيكشف بفضل الله عن سر تنظيم الوقت وهو:

1- تنظيم الوقت هو ايجاد فترة متواصلة من اليوم يكون الطالب خلال هذه الفترة قادر على التواصل باكبر كفاءة ممكنة فى المزاكرة المستمرة بدون انفصال او انقطاع طويل بخلاف فترات الراحة كاخذ الشاى مثلا طوال العام وهى تختلف من طالب لاخر حسب ظروفة النفسية والظروف المحيطة.

فعلى سبيل المثال معظم الناس يفضلوا الفترة ما بين 9 الى 3 بالليل كفترة منظمة يوميا لتنفيذ الخطط وهناك اخرون فى الفترة من بعد الفجر الى الساعة العاشرة صبحة ثم الراحة الى الظهر وهنشرح كل دة بالتفصيل.

2- عملية تنفيذ الخطط يوميا وبنظام وترتيب حساس.

3- عملية جدولة وتنظيم ما تم مزاكرتة من اجزاء فى المادة وما لم يتم مزاكرتة ومتى النية لمزاكرتة.

سمعت حاجة قبل كدة عن تنظيم الوقت هو دة السر يا طلاب الثانوية العامة ياللى معظمكم لا عارف هو بيزاكر امته ولا بيزاكر اية ولا حتى يعرف اية هى فترة القمة اللى يقدر يصبر فيها على المزاكرة.

اذا مهمتك لغاية دلوقتى تعرف متى تكون هذه الفترة اللى هتصبر فيها على المزاكرة بصفة مستمرة بدون انقطاعات بخلاف الراحة السريعة.

خليك على طول اذكر الله وسبح وصلى على سيدنا محمد ورزقك هيزيد اكثر

.................................................. ...............
كسر حاجز الخوف والارهاب بينك وبين المواد

نبدا باكبر مادة ارهابية وهى مادة اللغةالانجليزيه


علشان تعرف بقة ان مزاكرة مادة اللغة الانجليزية ستكون من الدرجة الثانية اى ان خلال مزاكرتك هتكون مادة اللغة الانجليزية مادة غير اساسية يعنى مش هتحس بيها وانتا بتزاكرها وهنقول كل دة ان شاء الله انهاردة.


بص الفرق بينك يا اللى بتخاف من اللغة الانجليزية وحاسس انك خا يف منها انك كيف ترى مادة اللغة الانجليزية؟



كل الطلبة العاديين بيبصوا على مادة اللغة الانجليزية على انها مادة ومكونة من فول وكل فصل لية كذا وكذا ومش عارف يزاكر اية ولا حتى منين والواحد منهم عارف انه كدة كدة مش هيجيب درجة ترضية وبيسيبها صابت او خابت.

بص بقة على الناس المميزة بيحل مشكلتة ازاى مع هذه المادة :

الطالب المتميز بيبص على مادة اللغة الانجليزية على اساس نظام ورقة الامتحان مش كمادة ركز بدقة معايا بيبص على المادة كانها ورقة الاسئلة المكونة من محادثة واختيارات وقطعة الى اخرة وليس كمادة لها قواعد وفصول وقصة ............وخلافة لذا فهدفة واضح بالنسبة ليه وعارف نظام التعامل معاه وهو معرفة نظام وخطط حل ورقة الاسئلة باعلى كفاءة تامة ازاى دة اللى هنقولة.



نظام مادة اللغة الانجليزية:


القواعد كل الطلبة بتكرة اسمها ......... قواعد اية يا طالب يا مسكين اللى حضرتك بتخاف منها 4 جمل من 16 جملة اختيار مش عليهم درجتين على بعضهم وليك الحق تختار اجابة اخرى مرتين من 16 سؤال يعنى 2 جملة من 16 جملة وكمان جملتينrewriteعليهم بردة درجتين وان شاء الله هتجيبهم باعلى درجة.


خليك معايا :
جهزلى كتابsurprise وياريت اى كتاب بية امتحانات كتيرة او محلولةوكذلك المزكرات اللى كدة كدة متاخدة من الكتاب دة اهم شئ يكون الكتاب او المزكرات محلولة باجابات صحيحة وخليها عندك قاعدة فى اى مادة كنزك هو الكتاب المحلول لانك هتعرف الاجابة الصحيحة ازاى لو الكتاب مش محلول وما تخفش خليك تجاوب بنفسك لكن الحلول للتاكيد فقط.


طريقة المزاكرة وسوف تشرح مفصلة خلال الدروس القادمة:

المادة مكونة من 20 وحدة وقصة وكل وحدة مكونة من كلمات وقواعد فى حاجة اكتر من كدة اظن ما فيش .

لكى تعلم ان مزاكرة اللغة الانجليزية سهلة فان المطوب منك يوميا بعد تخلص مزاكرة المادة الاساسية زى الكيمياء او الرياضيا او الفيزياء تقوم بمزاكرة وحدة كالاتى:


-مراجعة على الكلمات بالتسميع بورقة بيضاء اللسان خوان اوعة تستعمل لسانك لانة هيخونك طالما ان ورقة الاجابة على ورقة بيضاء مش شفوى اذا لازم تتعامل مع الورق الابيض .


-مراجعة القواعد وهنقول ازاى دلوقتى.

-مراجعة الاسئلة على الوحدة ولابد ان تتاكد ان الاسئلة مجاب عليها بطريقة صحيحة حيث تقوم على كل سؤال بوضع الورقة البيضاء على سطر الاجابات ولا يكون ظاهر الا السؤال فقط وشوف نفسك هتختار اية وبالراحة خالص خد وقتك وبعدين شوف الاجابة والله لو عملت كدة مش هتنسى السؤال اللى عملتة خطأ خالص وانتا اللى كسبان لكن اوعى تبص على الاجابة على طول.

-عادى لو الوحدة الطويلة اخذت يومين بس بعد كدة فى المراجعة الثانية ما تخدش الا فترة يوم واحد مش اليوم كلة لكن بعد مزاكرة المادة الاساسية.

-مزاكرة فصل من القصة يعن ممكن يوم فصل قصة ويوم وحدة.


وبكدة حضرتك فى مسافة شهر واح خلصت مادة اللغة الانجليزية وانتا مستريح وموفر وقت.

طريقة التعامل مع ورقة الاسئلة :
:0 28ja7:


المحادثة: ابسط جزء اولا تقوم بتحويل المحادثة الى اللغة العربية ثم تقوم بالاجابة ثم بالترجمة للانجليزية صعبة دى عليك لو بتحفظ كلمات عامة ببساطة زى اللى فى التلفزيون او حتى الشارع ممكن تجاوب على ابسط محادثة \ دة على اساس انك طول فترة المزاكرة بعد ما تخلص مزاكرة المادة كل يوم بتحل جزء من الامتحانات يعنى باستمرار شغال حل امتحانات من اول السنة مش عندك الحل الصحيح انقلة من كتاب صحبك خلصنا من المحادثة بالحصول على النهاية .


المواقف :زى ما عملت فى المحادثة كرر وطبع حضرتك حالل امتحانات قبل كدة كتييييييييييير.


اختار ومكون من 16 جملة معظمهم حررررررررررررووووووووووووف مش قواعد انما لغويات والله كلها من الاسئلة خلف الدروس مش تتعب نفسك فى شرحهم بص على الشرح وبعد كدة شغل نفسك على الاسئلة المحلولة وللبشرى ليك سؤالين تجاوبهم باجابة اخرى .

ومن ظمنهم القواعد اللى تعبا كل الطلبة:


سر القواعد هو معرفة تصاريف الافعال معاك الكتب كلها والمزكرات فى اخرها تصاريف الافعال وهى اساس القواعد اللى تعباك ويوجد بجميع المكتبات متب خاصة بالقواعد تباع ب10 جنية اسمها كتاب القواعد هذا الكتاب يحتوى على اسئلة كثيرة بحلولها ولن يخرج عنها اى امتحان ومنها كتبgem وbit by bit

rewrite :

اربع جمل لو مكنش هما اللى محلولين فى الكتب هيكونوا زيهم بالظبط ما تخفش خالص عملية بسيطة خالص


القصة :طابعا يستحيل الا ما ندر ان يكرر سؤال القصة مرتين بس بردة العملية بسيطة لا تعتمد على الاسئلة على القصة لكن لابد ان تعتمد على قراءة القصة وتحويلها الى فيلم باحداثها فيلم اية حاجة بسيطة ومرن نفسك بعد كدة على الاسئلة لكن اعلم انة من الصعب انة يكرر اسئلة القصة.

القطعة : مفيهاش كلام ترجمها فى مخك عربى وبعد كدة جاوب والله غلبت خالص مش عارف تفهمها بص على كل سؤال وشوف كلماتة ودور على اجزاء الكلمات المكونة للسؤال فى القطعة وخد سطرين وهى دى بنسبة عالية الاجابة بس الصح لازم تترجمهل وبعدين تحل الاسئلة وطبع بكثرة حل الامتحانات هتفهم حل السر لكل القطع وبعدين هتحل سر قطعتك.


الترجمة :كلمات سهلة بس بيطلع دايما كلمة ولا كلمتين صعبين حاول تخمنهم وما تخفش والله بيحسبهملك .



يعنى خلاصة الكلام:

- تنظيم عملية مراجعة ومزاكرة المادة يوميا على اساس فوق البيعة مش مادة اساسية ومش تنسى ان المادة هى ورقة الامتحان مش الفصول والقصة.

-دوام حل اسئلة الامتحانات لكى تتمكن من المزاكرة يعنى علشان تعرف اية اللى بالظبط بيجيلك فى الامتحان .


-مزاكرة القواعد تبدا بحفظ تصاريف الافعال لان هى دى اساس القواعد وتزاكر القواعد خاصة من كتب القواعد وتحل اسئلة كتييييييير ويفضل تكون معاك اجابتها.


وان شاء الله هنقول بالتفصيل كل حاجة.

.................................................. ...............
الدرس التاسع

سر من اسرار التفوق متققلش من شأنة لانك مش عارف قيمتة او تستخدمة ازاى

الورق الابيض

ايوة ما تستعجبش درس كامل على الورق الابيض لا تميز بدون استخدام الورق الابيض بس المهم تعرف تستخدمة كويس.

طبعا معظم الناس شغاله على طول تسميع شفوى للمزاكرة ليه؟

لانها عملية سريعة وخفيفة اقرا وسمع واقلب وشوف غيرة ...غلط غلط غلطالسسسسسسسسسسسسسسسسسان خوان لسانكبيخونك وهاكدلك 00هات ورقة بيضاء وبعد ما تسمع شفوى اكتب الاجابة من اللى كنت بتسمعهم والله ممكن توصل الدرجة انك تقول هو انا كنت باعمل اية ولا حتى بقرا اى جزء يعنى مش هتعرف تجاوب لانك كنت بتقلب المزاكرة.

هوسياتكلما يديكورقة الاسئلةبيقولك سمعلى ولا بيديلك ورقة بيضاء ويقولك حل فيها ....رد يا محترم .

كيفية استخدام الورق الابيض؟

- بالشرح الوافى تلخص جميع المسائل والاسئلة اللى حضرتك هتحس انك هاتنساها وتشرح بطريقتك علشان لما تيحى تزاكرها فى ايام المراجعة يبقى سياتك مفهم نفسك تم تحفظ بكيس المادة اللى حضرتك مجمع فية النوعية دى وخاصة مادة الرياضيلت 2 والفيزياء لانك اكيد ممكن تحل مسالة وتنسى انتا كنت حلتها ازاى.

- اثناء المزاكرة ما تحفظش شفوى ولا تستعمل لسانك خالص اما شغال علطول اجابة وحل فى الورق .

- تسميع جميع المحفوظات فى الورق وليس شفوى.

- تقدر بالورق تخبى الجابة بتاعد الاسئلة وخاصة الاختيارى وتحلها ثم تنزل تدريجى للسؤال التالى لية.

- تقدر تنظم خطط سياتك للمزاكرة فية واستخدامات اخرى كتتتتتيييييييييييييرة هتستفاد منها من الورق الابيض يعنى ممكن تنظم لسة اية اللى ما اتزاكرش والنية لمزاكرتة امتى وهكذا .

اذا حضرتك تنزل تشترى رزمة ورق ابيض ب15 جنية.

.................................................. ...............
الدرس العاشر

الخطط والمنظومات

قال تعالى ( إن الله لا يضيع اجر من احسن عملا)

ان شاء الله تعالى اليوم سيتم الشرح الوافى لانسب نظام مزاكرة يعتبر نظام مزاكرة مثالى فياريت وارجوا الانتباه الشديد لكل كلمة فى الدرس.


لابد كى نكمل ان يكون اساسك قوى والمقصود بالاساس هو التجهيزات المطلوبة من غرفة وما تحتويها ومن كتب للمواد وفوق كل دة الهمة ..........الهمة يا رجال مصر ولن تقوم قائمة لاى بلد الا برجالها اعلم ذلك .


بدايه طبعا اكيد تكون فهمت درس سر ومعنى تنظيم الوقت واخترت افضل فترة متصلة تكون فيها باعلى كفاءة وتركيز اثناء المزاكرة ودى بتختلف من شخص لاخر وطبع من الافضل ان تبدا من بعد صلاه المغرب الى الساعة 2 ليلا بس ما تنساش تصلى الفجر واحسن لو تكمل للفجر.

ولنتفق على شروط مبدئية:


- ساعات النوم المثالية هى 5 ساعات ما تزودش ومعلش انا عارف انها بالنسبة ليك صعبة لانك شايف كدة .......لا 5 ساعات كفاية جدا جدا وبعد 7 مرات جسمك هياخد عليها واتوماتيكيا من غير منبة هتصحى لوحدك وما تخفش هاديك ساعة ونصف راحة بالنهار بس قبل العصر بعد ما تخلص الامتحانات فى الصيف نام 24 ساعة .

- ابعد مشروب الكاركدية ساقع او ساخن نهائيا لانهم اول ما يؤثر يؤثر على الضغط وبالتالى التركيز وكذلك القهوة تؤثر على حموضة المعدة وبالتالى النوم والالم الا فى الحالات الشديدة مثلا لم النوم غلب عليك اما المشروبات المفيدة (الشاى - القرفة ممتازة جدا مبعث النشاط - حلبة حصى- ينسون - نسكافية وحبزى لو معاة لبن ) ولازم يوميا تكون مجهز اكل خفيف خلال المزاكرة زى القرص او البسكويت لا تعتمد على العشاء فقط .

- ممنوع نهائيا إلا للضرورة النوم خلال فترع بين العصر والمغرب دى فترة بتدمر المخ ودة مش من عندى دى وارد فيها حديث عن النبى صلى الله علية وسلم واسال فيها اى حد متميز ولو لاحظت ان مستوى المزاكرة داخل الغرفة اثناء هذه الفترة منخفض جدا ايضا لذا فانا هنستخدمها امثل استخدام اذا كانت فارغة عندك يعنى مفيهاش دروس.



ولنبدا البرنامج وخليك صاحى معايا فى كل حرف مش كلمة :


نظام المزاكرة المتميز مقسم إلى ثلاث فترات :


1- فترة ما بين العصر والمغرب ان كانت فارغة.


اما فترة الليل وهى الفترى اللى حضرتك مختارها لتكون الفترة المتصلة مقسمة الى فترتين:


2- فترة مزاكرة دروس اليوم وحل المسائل والواجبات .


3- فترة مراجعة وحل اسئلة وامتحانات الاجزاء القديمة.


وطبعا سياتك فىالورق الابيضمجهز اية اللى زاكرتة وحليت علية اسئلة الامتحانات السابقة واية اللى هتزاكرة متى النية لمزاكرتة وذلك لكل مادة.



نشوف بقة هنزاكر مواد اية وازاى هنزاكرها.


المرحلة الاولى :


المواد ( اللغة العربية - الكيمياء - الرياضيات - اللغة الفرنسية - اللغة الانجليزية )


خليك معايا :

هذا النظام خاص بالفترة الثالثة وهى مزاكرة القديم والمراجعة وحل الاسئلة


حضرتك هتزاكر 3 مواد بس مش 5 شوفت ازاى انا ريحتك من مادتين طب ازاى ؟


- يوم السبت هتراجع مادة الكيمياء طول الفترة الثالثة وبعد ما تخلص وتحل الاسئلة هتروح تعملك حاجة تشربها وتسمع الراديو بس اوعة تسمع اغانى نهائيا .

بعد ما مزاجك يروق تروح تمسك فصل من مادة اللغة الانجليزية وتراجع علية كنظام مزاكرة فوق البيعة بس بتركيز المهم تحسس نفسك ان المادة دى مزاكرتها فوق البيعة لانها مادة سهلة جدا حضرتك بتزاكر نظام اسئلة الامتحانات مش مادة زى بقيت المواد .


- يوم الاحد تراجع على اللغة العربية وطبع مش هتاخد منك وقت كبير لان معظمها حفظ هنظبطة فى الفترة الاولى بين العصر والمغرب وبعد كدة تاخد راحة فى الشارع تحت انزل بقة وانتا حالتك النفسية مستريحة والعب يا مزاكر ....بس ما تزودش عن نص ساعة نهائيا وبعد كدة ابدا بمزاكرة مادة الرياضيات وخد وقتك فيها شغال حل على الورق الابيض وهنشرح تزاكرها ازاى فى درس اخر لكن اوعة الرياضيات بالزات تستخدم نظرك ابدا هتدمر زى بقية الناس المخدوعين بعد ما تخلص خد راحة بسيطة بمشروب وانتا بتسمع الراديو بس اوعة تسمع اغانى نهائيا وتروح تمسك فصل من مادة اللغة الفرنسية وزى ما تعاملت مع اللغة الانجليزية اعمل ما الفرنسية .



- يوم الاثنين كرر ما فعلتة يوم السبت ويوم الثلاثاء كرر زى يوم الاحد وشغال علطول .


يوم الجمعة : يستخدم فى حل اكبر كم من اسئلة الامتحانات فى المواد اللى تحبها وممكن تاخد راحة فى الفترة الاولى تلعب كورة مثلا .


الفترة الاولى ان كانت فارغة :


معظم الولاد فعلا وعن خبرة بيحسوا انهم فى الفترة بين العصر والمغرب مش قادر يزاكر فى غرفتة وعلى المكتب وحاسس انة مخنوق صح ولا اية طب يعمل اية؟


فى الفترة دى حضرتك حتخرج لمكان مفتوح زى فوق السطوح او فى البلكونة بس ما تعكسش حد ....... او حتى لو تعذر الامر افتح كل الشبابيك فى الغرفة واستخدم لسانك ومخك فى عملية تثبيت المحفوظات وخاصة فى اللغة العربية والانجليزية .


بعد اسبوع غير فى شكل ونظام وترتيب غرفتك وعيد الخطة .

المرحلة الثانية معلش فى الدرس القادم لان حكايتهم مهمة علشان كل اللى انضرب فى المرحلة الاولى دى فرصتة وملهوش حجة علشان يعوض ويسيبة من كل الناس اللى بتدعوة لليأس الفرصة كبيرة حتى لو كنت فى السبعينيات .

قاعدة عامة:


الفارق الوحيد بين الطلاب المميزين والطلاب العاديين مهما كانت امكانياتهم هو مواجهة رهبة الامتحانات .............ازاى؟


حل امتحانات على جميع المواد خلال العام الدراسى من اول السنة واحد تدرب على حل الامتحانات من اول السنة هل يتساوى مع واحد مشفش شكل الامتحانات ولا حتى نظامها اكيد فية فرق كبير اذا اعتماد المراجعة الاساسى يعتمد على حل امتحانات كثيرة ومتنوعة.


المرحلة الثانية


فرصة كل طالب فى المرحلة الثانية لتحصيل الدرجات كبيرة جدا مفيش حد يقلق ممكن ببساطة يكون مجموعك فى تالتة بس 98% لو اتبعت الخطط والنظام اهم شئ الهمة ولو عندك اى مشكلة ممكن تبعتلى على الخاص ونبدا بسم الله



نظام المرحلة الثانية:
.................................................. ...............


ثبت مادتين اساسيتين يكون عليهم الشغل الاساسى والمتابعة التامة وما تخفش خالص ويكونوا مادةالفيزياء\مادة الرياضيات 2 او الاحياءبقية المواد هتتم مزاكرتهم كشئ استثنائى ..........يبقى شغلك كلة على مادتين فعامل الرهبة منهم هييدمر فى قلبك هتزاكرهم باستفاضة تامة زى ما سيتم الشرح.




- يوم السبت الفترة الثالثة وهى فترة المراجعة تمسك حضرتك مادة الفيزياء تزاكر من كتاب المعلم شرح ثم تحل الاسئلة الموجودة باسفل كل صفحة فى كتاب الشرح وتشوف الاجابة من كتاب المراجعة وبعد كدة تحل اسئلة الامتحانات بالراحة خالص كالاتى:



1- تمسك فصل من القديم وتبدا تزاكرة بالراحة على قد ما تقدر صفحة صفحة .

2- فى نهاية كل صفحة من كتاب المعلم شرح يوجد اسئلة الامتحانات السابقة بص عليها .

3- حاول تحل الاسئلة دى وبعد كدة اكيد على الاجابة من كتاب المعلم مراجعة لانة حل كل الامتحانات .

4- بعد ما تخلص لاحظ حاجة غريبة جدا الا وهى " ازاى من الجزئية دى عمل سؤال وبالتالى هتوضح ليك الرؤية وهى شفرة الكتاب اللى قلنا عليها وبالتالى "

5-حضرتك للمرة الثانية وهى اهم مرة هتزاكر الباب تانى بتركيز وما تخفش مش هياخد وقت كبير وهتزاكرة وتكتشف اية الجزئيات اللى ممكن يحط عليها سؤال فى الامتحان وبالتالى هضرتك هتثبت المعلومة وتزاكر بتميز.


ممكن تاخد فترات راحة قصيرة داخل البيت خلال المادة لكن ما تخرج برة البيت بعد كدة حضرتك بعد ما تخلص مراجعة الفيزياء اخرج برة البيت وخد نصف اعة راحة اعمل اللى انتا عاوزة بحالة نفسية هتحس بيها وبعدين ارجع وامسك فصل من فصول مادة اللغة الانجليزية كما زكر للمرحلة الاولى.


- يوم الاحد الفترة الثالثة بردة تمسك مادة الرياضيات 2 كالاتى: وطبع حضرتك مثبت نظام واحد للحل والتفكير يعنى درس واحد مش درسين


1- تراجع من المزكرات الدرس القديم .

2- اقرأ مسالة ولا انتين من المسائل المحلولة.

3- حاول تحل بقيت المسائل على الورق الابيض.

4- حل الاسئلة اللى على الدرس وذلك من الامتحانات السابقة من كتاب لامى وعندك امتحانات من 1980 ومحلولة .



ومتقوليش انا بكره الرياضيات بتكرة اية دى اسهل مادة امشى على النظام دة ومدرس واحد بس مش فاهم منة شوف غيرة وما تخافش كل اسئلة الامتحانات بتيجى من المزكرات ولو عاوز مزكرات ممتازة ممكن تتصل بية على الخاص وانا هاتصرف ليك المهم تفلح.



ممكن تاخد فترات راحة قصيرة داخل البيت بس بردة ما تخرجش الا بعد ما تخلص الرياضيات بعد كدة خد فترة راحة نصف ساعة خارج البيت وارجع زاكر لغة عربية وهنشرح ازاى المهم تتابع .


تفضل المادة الاختيارية ممكن تزاكرها يوم الجمعة ووممكن توزعها والاحسن تستغلها فى الفترة الاولى بين العصر والمغرب لانها اكيد حفظ.



ولو فية اية مشاكل ممكن نراجعها على الخاص ونحلها باذن الله

حل مشكلة صعوبة الحفظ نهائيا نهائيا

اولا بحب اطمئن كل الناس انة مازال باقى على الامتحانات حوالى شهرين يعنى ممكن تقريبا تخلص المراجعة مرتين او ثلاث مرات على الاقل حسب همتك يعنى سياتك لسة فى فترة الامان لكن كل يوم بيضيع عليك محسوب من فترة الامان بتاعتك لذا لازم تستغلة امثل الاستخدام حضرتك من دلوقتى ممكن تبنى نفسك من جديد حتى ولو حاسس انك ضايع .

لو تعرف ان احساس الضياع دة موجود اكتر عند الناس المتميزين اللى بيزاكروا صح ما تخفش والله كل الناس حاسة انها ضايعة ودة طبيعى من الضغط لكن الناس المتميزة بتهاجم المواد علشان تقلل من هذا الشعور لذا بيحولوه الى شعلة للنشاط ومصدر ليه.

حل مشكلة صعوبة الحفظ نهائيا

النظام فى الفترة الاولى وهى الفترة بين العصر والمغرب فترة المحفوظات :

اولا زى ما نبهنا سابقا ممنوع النوم فى الفترة دى بقدر الامكان الا لظروف وايضا المزاكرة داخل الغرفة اثناء هذه الفترة يعتبر غير مرغوب فيه اذا علشان نستغلها استغلال امثل ممكن نستخدمها مثل :

1- تثبيت المحفوظات يعنى بعد ما حضرتك بتحقظ وتسمع فى ورق ابيض نقوم بالتاكيد على الحفظ بعملية الحفظ الشفوى فى مكان مفتوح مع الحركة زى مثلا فوق السطوح بس ما تبصش جنبك على الحوليك وحاول محدش يشوفك بقدر الامكان بنسبة 80% ستقوم بعملية تثبيت شدشد للمعلومة ومن الصعب انك تنساها.

2- عملية حفظ مبدئى للمحفوظات صعبة الحفظ يعنى ممكن حضرتك تكون مش عارف تحفظ شئ معين نهائى ففى الفترة دى ومع الحركة من السهل جدا انك تفتح مخك لحفظ مبدئى للشئ الصعب حفظة ثم بعد ذلك تحفظة وتسمعة على الورق الابيض خلال الفترة الثانية او الثالثة وبعد كدة للمرة الثانية تخفظة حفظ شفهى خلال هذه الفترةوالله مهما كانت صعوبة الشئ سيتحول الى سهل جدا .

وبالتالى حضرتك تقدر تحفظ اى شئ حفظ نهائى ................. مكان مفتوح + تسميع شفوى + حركة مع الحفظ.

3- مزاكرة المواد الغير اساسية زى اللغة العربية ومحفوظات الانجليزية والمواد الاختيارية.

ولا اظن ان بعدة كده هتواجة مشاكل الحفظ وهو دهسرعملية الحفظ وهىمراحل الحفظ واوقاتة

الفترة الثانية :


الفترة الثانية تعتبر فترة مهمة جدا وهى عملية مزاكرة الدروس الماخوزة فى نفس اليوم يعنى مزاكرة مش مراجعة ومش مطلوب من حضرتك غير مزاكرة اللى انتا اخذتة فى اليوم وبس زى ما شرحلك المدرس اما يعنى هى فترة المدرس لكن اهم منها طبعا فترتك وهى الفترة الثالثة لان هى دى اللى بتميزك عن غيرك وما تخدش وقت كتير فى الفترة الثانية وفرة للفترة التالتة .


الفترة الثالثة :

تم شرح النظام بها قبل ذلك لكن بحب اؤكد على ان مراجعة القديم تبدا بالجزئ الاصعب فالاسهل .



وان شاء الله سيتم شرح نظام واسرار مراجعة كل مادة فى درس بكامل التفاصيل بنظاماية اللى بيخلى معظم الطلاب ما يجبش درجة كويسة فى المادة دىواية اللى بيخلى الطلاب المتميزين فقط هما اللى بيجيبوا درجة كويسة فيها .


لكن برجاء ممكن نترك فرصة اللى عنة مشكلة مواجهاه ياريت يحطها على الموقع حتى نحلها ان شاء الله مهما كانت ويستفاد منها جميع الطلاباوممكن يبعتها على ايميل :

مش عارف اقعد على الكتاب ساعة واحدة على بعض ودايما اطلع للشارع او قدام التليفزيون ونفسى اكمل 8 ساعات مستمرة ؟

والله قلنا دة سابقا ومش كدة ممكن تكرة شكل بيتك وغرفتك كمان وعطول عاوز تنزل للشارع يا باشا نزولك للشارع وقدام التليفزيون دةهروبمن الواقع وهو مواجهة المزاكرة ازاى حضرتك عاوز تكمل ال8 ساعات وحضرتك مش عامل خطة على الورق الابيض منظم المزاكرة وكاتب الايام اللى باقية على الامتحان وعارف هتزاكر اية وامتى والباقى اية .

حضرتك لازم كل مادة لها ورقة بيضاء كاتب فيهاالفصولاللى حضرتك اخذتها بالتفصيلواجزاءهااية وهاتزاكر اية منها ووقتة واية اللى فاضل .

مثال : مادة الكيمياء

فاضل 60 يوم على الامتحان بالايام ومش الشهور 60 \59\58\57\56\55\...............\صفر .

وفى الورقة البيضاء الكيمياء: الفصل الاول \ الفصل الثانى \ الفصل الثالث\.......\ الفصل الاخير

الفصل الاول : درس 1\ درس 2 درس3

الدرس الاول والثانى مراجعتة يوم 59 والدرس الثانى مراجعتة يوم 57 وهكذا يعنى حضرتك مجدول المادةوبالتالى حضرتك هتعرف راسك من رجليك فى كل مادةوبالتالى مش هتلاقى وقت تضيعة وتهرب منة لان كل حاجة قدامك واضحة على الورق .

وان شاء الله هنزل نموزج تعمل زية
.................................................. ...............

سر اساسى من اسرار التميز

حل الامتحانات

طبعا حل الامتحانات مش بالمفهوم اللى حضرتك تيجى اخر ايام وتبص بعينك على شكل الامتحان وجماله لا اما حل الامتحانات بيكون من اول يوم فى السنة لاخر يوم باستمرار طب ازاى ؟



معاك كتاب موسوق منه زىكتاب المعلممراجعة نهائيةمن اول السنة يعنى بتاع السنة اللى قبلك لانها ما بتنزلش الا فى اخر السنة تتصرب وتجيبة من واحد بتاع كتب قديمة او واحد اكبر منك بسنة وتحل على كل درس الاسئلة بتاعتة الموجودة فى الامتحانات .



تنبية عام :



-استخدام كتب موثوق منها زى كتاب المعلم فى نظام المراجعة وتكون اجابات الاسئلة والامتحانات فية كاملة ويكون اسئلة الامتحانات محلولة وموزع عليها الدرجات بتاعت كل جزئية.



-حاول بقدر الامكان تستخدم كتب اسئلتها محلولة وموزع عليها الدرجات والمعلم فية دة .


- ممنوع منعا باتا ونهائيا انك تعلم على الاجابة فى كتاب المراجعة خالص لان الحل موجود بعدها بصفحات حل فى الورق الابيض طب لية ؟.............علشان لما حضرتك ترجع تزاكر وتراجع تانى يبقى الموجود قدامك الاسئلة وبس اما لو علمت على الاجابة مع انها موجودة بعد كدة فى صفحات تانية يبقى حضرتك حرقت الكتاب روح اشترى واحد غيرة .


نيجى للكلام المهم:


لية انا بقول لحضرتك حل امتحانات؟



1- حل الامتحانات الوحيد الذىيزيل رهبةمواجهة ورقة الاسئلة لان حضرتك واجهت كل الاسئلة وصعوبتها ومعاناه الامتحانات دة وانتا فى بيتك وعلى مكتبك فهتروح الامتحان فهتلاقى العملية مفيهاش اختلاف وبالتالى هتركز وانتا بتحل ومفيش قلق تميز بقة .



2- حل الامتحانات بيوريك شكل الامتحان ونظامة ومستوى صعوبة الامتحان وبالتالى مفيش مشكلة من اى امتحان هتواجهة ايا كان.



3- حل الامتحانات ومتابعة نظامها من سنة للثانية هيخليك تعرف وتتوقع معظم اسئلة الامتحان ودة سر كبير ناس كتير بتعرف الامتحان بنسبة كبيرة من كترة متابعة الامتحانات.



4- حل الامتحان بيخليك تعرف انتا بتزاكر ازاى وعلى اساس وبيوريك افكار جديدة لم تراها من قبل .



5- حل الامتحان بيخليك تشوف توزيع الدرجات على كل سؤال وبالتالى حضرتك بتعرف انتا هتركز على اية وتعدى على اية.



6- حل الامتحانات بيخليك تعرف الاجزاء المهمة فى المادة وبالتالى تركز عليها وتحصل اعلى الدرجات باقل مجهود.



7- حل الامتحان بيخليك مستريح نفسيا .



8- حل الامتحانات هيغير فيك وفى نظامك حاجات كتتتتتتتتتتتتيييييييييييييييييييييييير هتعرفها لوحدك.


عرفتوا يا شباب قيمة حل الامتحانات اية؟

إذا الحق وبسرعة حل اكبر قدر ممكن من الامتحانات لسة قدامك وقت .

اللغة العربية واسرار عظيمةازاى تزاكر صح

يا ريت يا جماعةنركز شوية ونتأنىواحنا بنقرأ لان كل كلمة محسوبة عليك علشان تعرفوا فى اللغة العربية اقل من25من30يبقى دمار وللاسف الشديد ناس كتير بتقع وتدمر فى هذه المادة وطبعا حرام المادة العربية لو عرفتها ممكن ببساطة من غير مزاكرة عالية تجيب مجموع فيها وكتييييييير من الناس بينزلوا عن25من غير ما يحسوا .

نظامنا مجهزين على المكتب:

1- كتاب المعلم شرح.

2- كتاب المعلم مراجعة نهائية.

3- مخطط لتنظيم مواعيد مراجعة مكونات المادة زى اللى رفعناه .

4- ورق ابيض + قلم رصاص.

5- إرمى كل المزكرات يا جماعة المدرسين بيلموا اى كلام من اى مكان عاوزين يكبروا المزكرات على الفاضى او يريح دماغة ويقولك هات كتاب الاضواء لية لانة كتاب سريع يعنى المدرس مش هيوجع دماغة .

مش عاوز اكتر من كدة خليك معايا وما تخفش والله العظيم ان ما عداش اى امتحان لغة عربية فى اى سنة وخرج عن الكتابين دولى نهائيا وشوف بنفسك جبروت هذا الكتاب.

خليك معايا :

- خدسرميعرفوش حد الا ما ندر وعدى ال29 من 30 لابد كل سنة يجى سؤال فى القصة يكون سؤال مظهرة سهل جدا وفى متناول جميع المستويات ويكون اساسا موضوع بقصد تدمير نصف درجة السؤال .............طب ازاى؟

مستشار المادة بيدور على سؤال بحيث يكون ليه اكثر من اجابة فى فصول مختلفة ويحطة فيقوم كل الطلبة تجاوب اجابة واحدة بس وهى المشهورة ويتركوا السؤال ويحلوا اللى بعدة مع ان لسة الاجابة ما كملتش وكل الناس تاخد نصف الدرجة وعادة ما بيحط درجة كبيرة علية.

طب ازاى الناس عرفت دة ؟

كتاب المعلم حاطط الاجابة النموزجية بتاعت المستشار فى كل امتحان وعلية توزيعة الدرجات فحتلاحظ فعلا سؤال مكتوب لية اجابتين مختلفتين وكل اجابة عليها نصف الدرجة دة ولسة هتشوف العجب.

- سر تانى وهو نظام كتابة موضوع التعبير انك لازم فى اول سطر تسيب مسافة كلمة فاضية وتكتب من بعدها دة فى اول سطر بس فى موضوع التعبير اما الباقى تكتب عادى من اول السطر والحكاية دى عليها نص درجة ممكن تحرمك من دخول طب او هندسة وممكن تطوحك بعيد عن اهلك .

يبقى نركز بقا وتسمع اللى هاقولهولك.

قبل ما تبدا تراجع اللغة العربية لازم تروح تشوف شكل الامتحان ونظامة اية وطولة اية وتقدر تحلة فى كام ساعة وهل صعب عليك ولا سهل كل دة خلال دقائق بنظرك بس .

سؤال اية اللى بيخلى معظم الطلاب مبيجبوش درجة محترمة فى الامتحان للغة العربية؟

- عدم حل الامتحانات ورؤية منظر الامتحانات الا قبل الامتحانات بقليل او لما المدرس يقول .

- الخوف من جزئية معينة مما يؤثر على كل اجزاء المادة زى النحو.

- عدم التنظيم فى المزاكرة وبالتالى حضرتك مش عارف تحفظ اية وتزاكر ازاى واية ووقتية.

- اتباع نظام المدرسين فى المزاكرة وتنسى ان كل طالب لية قدرات المدرس ما يعرفهاش.

- المزاكرة من مصادر غير موثوق منها كالمزكرات مثلا.

- عدم التركيز والغفلة يعنى معظم الطلاب مغفلين فى المادة وهى ما تستهلش .

- المزاكرة الخاطئة للمادة وهنشرح حالا ازاى تزاكر صح

وحاجات تانية كتير هتعرفوها بعد ما تنظموا وقتكم.

طب اية اللى بيخلى الطلاب المتميزين بيجيبوا درجات عالية؟

- التميز فى المزاكرة وسريعا هنشرحة.

- حل امتحانات من او يوم .

- اتباع المنظومات والخطط الشخصية فى المزاكرة.

- المزاكرة من الكتب الثقيلة الموثوق منها .

- التركيز والتنظيم والادارة للخطط.

- التفاؤل المستمر وعدم العجز.

- السيطرة على المادة وعدم الخوف.

نظام مزاكرتنا فى الدرس القادم اديك فرصة تحضر حاجتك .

ازاى تزاكر اللغة العربية واسرار جديدة

ياريت الناس تكون جهزت الحاجات اللى قولنا عليها علشان نطمن اننا ماشيين صح مفيش وقت كل دقيقة مش يوم محسوبة عليك واى واحد تاية ايميلى موجود يراسلنى مهمتنا نعدى 25 باقل مجهود ممكن.

اولا التعبير :

عادة بينقص كل الطلبة بنسبة 99 منهم من درجة وانتا طالع لكن السنة دى غير كل سنة موضوع التعبير فى جيبك وخد عندك:

- ثورة 25 يناير ورد فعلها علىالمجتمعالمصرى.

- ثورة 25 يناير وانعكاستها على المجتمع المصرى .

- مصر بعد يوم 25 يناير واختلاف الاوضاع .

- مصر اثتاء الثورة ومدى ترابط ابناءها اثناء الازمة.

والى خلافة.

سر من اسرار درجات موضوع التعبير وهو كتابة مووضع التعبير وتدرج عناصرة ازاى؟

السر يكمن فى انة بيضع موضوع تعبير سهل للناس كلها تكتب فية اى كمية لكن مش فاهمين وحلين اللى طالبة منهم المستشار اللى موزع الدرجات بص على الموضوعات اللى انا حاطتها عن 25 يناير هتلاقيها مكونة من جزئين الجزء الاولثورة 25 ينايروالجزئ الثانى هتلاقى مثلارد فعلها على المجتمع المصرىيعنى سياتك لو مكتبتش ضمن عناصرك افكار توضح رد فعلها على المجتمع المصرى بتنقص درجات وهو دة معظم اللى ينقص الطلاب درجات على الفاضى ومن غير ما يحسوا .

وكمان:

1- لابد من وضع عناصر للموضوع .

2- خد بالك لان اول عنصر لابد وان يكون قبل الحدث يعنى ما تخشش فى النوضوع على طول .

مثال :

- ثورة 25 يناير ........يكون اول عنصر هو مصر قبل 25 يناير يعنى حتككلم عن مصر قبل 25 يناير باختصار.

- المرأة فى الاسلام .....يكون اول عنصر هو المراة فى الجاهلية وما قبل الاسلام .

وهكذا .

3- الموضوع يكتب على هيئة فقرات وراعى النظام النحوى بقدر الامكان.

4- مرن نفسك على كتابة مواضيع كتير قبل الامتحان وكتاب المعلم واضع نمازج ممتازة بحلولها .

5- خلى بالك من جزئية انك تسيب فى اول سطر فقط فى الموضوع مسافة كلمة فارغة وتبدا من بعدها لان الحتة دى عليها نص درجة .

تابع المقالات عن 25 يناير من على المواقع بحيث تكون مكتوبة نحويا صح واحفظها .

وبكدة جزئ النحو مش يفترض لا لازم عليك تجيب الدرجة النهائية فيه ولا اقبل منك بعد الكلام دة اقل من درجتة كاملة .

ثانيا النحو :

طبعا دى مصيبة الناس كلها ........لانهم مغفلين نحو اية يا طلبة الثانوية العامة وعلية اساسا كام علشان تعطل مادة كاملة علشانة النحو دة اسهل فرعية وممكن اسامحك بس فى درجة تنقصها فية وبس وطبعا هتكون مهمل بردة.

طمن نفسك النحو ملهوش كبير يعنى على الناس كلها وخلى بالك الناس المميزة بتعتمد اعتماد كلى على قطع النمازج المحلولة وبيجى زيها او على وزنها فى الامتحان بالظبط .

بص يا باشا انا عاوزك تزاكر3 دروسنحو ورا بعض وبعدها عنك فى كتاب المعلم نمازج محلولة بالهبل غير الامتحانات المحلولة بعد ما تخلص ال3 دروس امسك على الاقل15 نموزجاقرا الحل ل5 فقط وحاول تحل ال10 اللى باققين على الدروس اللى حضرتك زاكرتها هتلاحظ انك بمجرد قراءة قطعة النحو وتبعا للاوزان حضرتك بطلع اللى عاوزة من غير ما تشوف تحت هو عاوز اية ببساطة زى المنادى والمقصود ........الى خلافةثانيا الاعرابعاد اختار يعنى حضرتك مش هتوة نفسك وبعدين قطع النمازج هتعرفك تعرب ازاى وممكن تفاجئ انة جايب لحضرتك قطعة من اللى زكرتها قبل كدة والله العملية بسيطة النحو ملهوش كبير يعنى على الكل .

نكمل فى الدرس الجاى علشان اسيب لحضرتك فرصة تطبق

خليك على طول اذكر الله وسبح وصلى على سيدنا محمد ورزقك هيزيد اكثر

نكمل بقة على اللغة العربية:



النثر :


مشكلة الناس فى النثر هى عملية لخبطة الحفظ لحل المشكلة دى اولا قبل ان تذاكر امسك ورقة بيضاء ونظم دروس النثر ووزعها امام عينك على الورق الابيض علشان ما تتلخبطش وسمعها على ورق وبعدين استخدام الفترة الاولى فى النثر كتيييييييييييييير لانة كلة حفظ بس فية شئ نتفق علية:


فى النثر والنصوص والقراءة مزاكرتهم كالاتى:


1- مزاكرة سريعة من كتاب المعلم شرح.


2- روح بص على الاسئلة فى نمازج المراجعة والامتحانات.


3- ارجع زاكر من الاول بالراحة كتلاقى نفسك بتزاكر وعارف اية اللى بيجى فى الامتحانات وازاى على جزئية معينة بيكون عليها سؤال دة شئ خطير جدا .


4- حاول تحل الاسئلة وشوف مستواك اذا كنت محتاج تعيد مرة تانية ولا لا .


هى دى الطرق الصحيحة للمزاكرة .


وجاوب على سؤالى ان حضرتك من الافضل بتزاكر حاجة عارف الاسئلة بتيجى عليها ازاى ولا تزاكر كلام حضرتك ما تعرفش بيجى اسئلتها ازاى وعلى اى جزئية بيكون سؤال وشكلة اية ؟..........جاوب


طبعا من غير تفكير الافضل انك بتزاكر الجزئيات وعارف ازاى الاسئلة عليها وكمان تكوين السؤال عليها ازاى .




القراءة :

طبعا مش محتاج اقول ازاى بس كل اللى اقدر اقوهولك انك لازم تقرا الدرس وتشوف الاسءئلة علية ازاى وتحاول تتواقع ازاى من الجزئية دى مثلا بيحط سؤال وبالتالى تتميز عن غيرك اما نظام قراءة ومزاكرة الاسئلة اللى بيقولهالك المدرس وبس دة غلط غلط يا جماعة .



النصوص :


احيانا بيتلخبط الطلبة من اسئلة وكذلك مزاكرة النصوص لا ما تخفش ما تحاولش تحفظ بالظبط ان دى استعارة ودى كناية لا حاول تفهم يعنى اية استعارة وكناية ومع التدريب من نمازج المعلم حتلاقى نفسك احسن من استاذك وكمان علشان خاطر البلاغة يبقى حضرتك ضربت عصفورين بحجر.



تنبية عام :مزاكرة النصوص بالذات وكذلك النثر لابد وان يكون من كتاب واحد فقط حتى تتماشى مع نظامة واسلوبة وما تتلخبطش مش تعمل نسك ناصح وتزاكر من مصدرين وفر على نفسك الامتحان لن يخرج من كتابى المعلم نهائيا .





البلاغة:

تدريبات ونمازج المعلم والله هتكفيك وزيادة واحتمال كبير جدا بيكرر منها او على وزنها .



بكدة نكون الى حد ما انتهينا من اللغة العربية بس لسة هنقول كلام تانى ما تخافوش وكلام هيمتعك بس الكلام فى المرحلة دى علشان تحاول تزاكر مع نفسك ويارب ما كنش نسيت حاجة ياريت تفكرونى.



لكن فية درس تانى على حاجة ممتازة هتعرفوها لاهميتها.

ازاى تجبر المصحح علشان يديلك الدرجة كاملة غصب عنة


لازم تعرف ان المصحح مش هيديلك درجة السؤال كاملة الا اذا حضرتك اجبرتة على كدة بحجات زى:



1- تنظيم وتنظيف ورقة الاجابة يعنى قبل ما تكتب كلمة حاول تتانى وما تتلخبطش نهائى وتظل ورقة الاجابة نظيفة ومرتبة .


2- بالنسبة للغة العربية حاول فى الاسئلة اللى ممكن تختار منها سؤال فقط انك فعلا تحل سؤال واحد وبس مش سؤاليين.


3- ودى الاهم الجمل الاستفتاحية للاجابة بالنسبة مثلا للنصوص حاول تشوف افتتاحية حضرتك معجب بيها لسؤال محلول من كتاب المعلم وخلى اجاباتك زيها تمام مثال زى مثلا فى اجابة سؤال فى النصور يبا بمثلا وقد قال الشاعر فى قمة تجلياته ووصف كذا وكذا .................. الى اخرة يعنى جمل شديدة يعجب بها المصحح علشان يديلك الاجابة كاملة .




4- على العكس مع موضوع التعبير ممنوع نهائيا البدء بمقدمة والانتهاء بمقدمة قالها ليك المدرس ممنوع المصححين بيتغاظوا دايما من الحركات دى انما ابدا بعبارات صاخبة شديدة اللهجة قوية من صلب الموضوع دى بيعجب اللى بيصحح موت موت وممكن من مقدمة بس تاخد الدرجة كاملة .




مثال لو اخترنا ثورة 25 يناير مثلا ؟


اوعى المقدمات زى دىنهائيا مثلا (انة من دواعى سرورى ان اكتب فى هذا الموضوع) ممكن ببساطة تنقص نص الدرجة من اول مطلع اوعى المقدمات دى طب اية الصح .




-الصحانك تبدء بجملة قوية زى (لقد عاشت مصر فترة عصيبة يتراسها الخونة و يفشوها الفساد يعلوها ذو الاموال والمناصب ويستضعف فيها الشريف تفشوا فيها الوصاتة وينكسر فيها ذوى الهمة والنشاط .....وتكمل بوصف فترة ما قبل 25 يناير ..................)ممكن تاخد الدرجة كاملة من غير ما يقرا المصحح موضوع لانك بدات ببداية من مظهرها ان موضوعك متميز جدا.


5- حاول تكتب بافضل خط عندك وما تخفش الوقت والله هيكفى ويفيض.


وبكدة ممكن نقول ملكش حجة فى اللغة العربية ولو ليك عرفنا .

الدرس الواحد بعدالعشرين

الفيزياء المادة الأم

اولا بصراحة مادة الفيزياء محتاجة مجهود من حضرتك زيادة شوية بس فى الاخر ممكن ببساطة تجيب فيها مجموع كويس لان الشئ الصعب دايما درجاتة مضمونة وحط دايما فى مخك انك فى المرحلة الثانية يعنى تالتة ثانوى ممكن ببساطة تحصل مجموع اعلى بكتير من مجموعك فى المرحلة الاولى لكن بالتنظيم لنظامك الخاص.



الكتاب الاساسى فى الفيزياءالمعلمسيبك من اى شئ اخر زى مثلا المثالى اللى هيضيعك زى ما ضيع ناس كتير باسلوبة المخادع والشهرة الزائفة كتاب المعلم يا حضرات الطلاب فى مادتى اللغة العربية والفيزياء لا يقارن نهائيا بكتاب اخر لما يحتوية من نظام شرح ومعلومات وتنظيم كفاية بس انة فى اخر كل صفحة تحت بيحطالاسئلة الواردة على الصفحة دى فى الامتحانات السابقة واسئلتة اللى دايما بيجى منها فى الامتحان.




يبقى نظامنا هيبقى قريب من الكيمياء وهو :


1- اقرأ وشوف الامتحانات السابقة وشوف اكتر الفصول اللى بيجى منها اسئلة اكتر واصعب وابدأ بمزاكرتها ومراجعتها الاول من اليوم يعنى تبدا بيها مش تمشى بالترتيب ورتب فصولك من الاصعب والاطول الى الاسهل والاقصر تنازليا .


2- لابد يكون معاك فقط كتاب المعلم شرح + كتاب المعلم مراجعة وحل الامتحانات وسيبك من المزكرات كتاب المعلم والله هيغنيك باسلوبة السهل جدا والميسر لجميع فئات الطلاب .


3- لابد وانك تحل كل حاجة بايدك وتصبر على المسألة والاسئلة ومع الصبر كل شئ هيتحل .


4- نقطة مهمة وهى ان الاسئلة وخاصة المسائل الصعبة اللى هتواجة حضرتك لابد وان تقوم بحلها خطوة بخطوة فى الورق الابيض وتفهم نفسك بايدك ازاى حلتها وتخزنها معاك بشكل مرتب على كل فصل علشان لما تيجى ايام الامتحانات طبعا هتكون نسيتها فتفتح الورق هتلاقى حضرتك شارح لنفسك الحاجات دى وبالتالى هتوفر وقت كتير .

المهم ان اهم نقطة ومفاجئة ان صعوبة وهيبة المادة سرعان ما ستذوب نهائيا مع شرح كتاب المعلم وطبعا مش هقدر اوصف نظامة الميسر لجميع المستويات فعلا هيجيب نتيجة الكتاب دة فعلا غير الكتب التانية المعقدة زى المثالى وبالاضافى الى انة لم يترك جزئية الا وشرحها بيسر ووضع جميع الافكار وكمان حلها حل مثالى يفهمك ازاى بتنحل المسألة مش زى بقيت الكتب بتحط الارقام النهائيية للاسئلة وهتشوف بنفسك.


وطبعا لسة هنقول حاجات تانية فى الفيزياء لكن كمان شوية لما تبدأ تزاكر وتشوف نظام المعلم وتتماشى معاه والله اولا ودائما معكم ويسخرنى لخدمة الجميع

[Yes We Can]

توبيكـ اكثـر من رائـع
و مفيـد لجميــع الطلاب
احيكـى على هذا التوبيكـ
تم التثبيــت لافـاده الجميــع

[مريم السباعى.]

المشاركة الأصلية كتبت بواسطة جديد و جديد

توبيكـ اكثـر من رائـع
و مفيـد لجميــع الطلاب
احيكـى على هذا التوبيكـ
تم التثبيــت لافـاده الجميــع

شكرا يا مارك ويارب تستفادو بى ان شاء الله شيدو حيلكم وربنا يقويكم

[Alyaa Dfnany]

موضوع راائع جدا .. ما شاء الله

اكيد تعبتى فى الموضوع ده .. بس اكيد كمان استفدنا كتيير

شكرا للموضوع .. و شكرا جزيلا لمجهودك

[أبوبسملة ياسر خليفة الطحاوى]

موضوع اكثر من رائع

جزاكم الله خيرا

شكرا ليكى

يا مبدعة المنتدى


تحياتى

[بحر_الامل]

موضوع مفيد

جزاكم الله خيرا على النقل المميز

بس هوة فى كتاب خارجى انجليزى باجاباته ؟؟؟؟؟؟؟؟؟؟

[مريم السباعى.]

المشاركة الأصلية كتبت بواسطة بحر_الامل

موضوع مفيد

جزاكم الله خيرا على النقل المميز

بس هوة فى كتاب خارجى انجليزى باجاباته ؟؟؟؟؟؟؟؟؟؟

لا مش كتاب كامل بس فى كتب قوعد يمكن تقليها مش بتاعت السنادى بس لمنهج مش بيتغير بيبقا فىيها اجابات قواعد ووانا عن نفسى اشتريت كتاب كان بس بتاع مراجعة نهائية بتاع سربريز صغير دة فى الاجابات وكان جاييب اسئلة شاملة قواعد كلمات بس بصى اهم شئ امش مع الاستاذ درس بدرس وخلى يعلمك علطول دة اهم من كل شئ علشان لو فى شئ لطع غلط هو يفهمهوللك دة احسن شئفى رئى

المشاركة الأصلية كتبت بواسطة أبوبسملة ياسر خليفة الطحاوى

موضوع اكثر من رائع

جزاكم الله خيرا

شكرا ليكى

يا مبدعة المنتدى


تحياتى

اشكرك يا استاذ ياسر على هذه الكلمات بارك الله فيكم

المشاركة الأصلية كتبت بواسطة alyaa dfnany

موضوع راائع جدا .. ما شاء الله

اكيد تعبتى فى الموضوع ده .. بس اكيد كمان استفدنا كتيير

شكرا للموضوع .. و شكرا جزيلا لمجهودك

العفو يا حببيتى ولا تعب ولا حاجة انا ظبت الموضوع مش اكتر اهم شئتستفادو وربنا يوفقكم يارب

[Nourshan Magdy]

موضوع رائع فعلا استفدت منه اجزاك الله خيرا
بس انا مجربتش كتاب المعلم قبل كده فى الفيزياء ولا العربى دايما بجيب الامتحان والاضواء هو كتاب جبار للدرجة ديه ؟؟

[مريم السباعى.]

المشاركة الأصلية كتبت بواسطة nourshan magdy

موضوع رائع فعلا استفدت منه اجزاك الله خيرا
بس انا مجربتش كتاب المعلم قبل كده فى الفيزياء ولا العربى دايما بجيب الامتحان والاضواء هو كتاب جبار للدرجة ديه ؟؟

بصى يا قمرى انا كتبت ملحوظة اول الموضوع خالص وقلت انكم حتلاقو كلام كدة عن كتاب المعلم وانا نمش واثقة فى الكلام دة قوى من خلال سؤالى لاستاذتى يعنى انا لما كنت بسال استاذتى كانو بيقولو الاضواء احسن فانتى خدى الى يفيدك وبس يومكن علشان كدة انا حطيت الملحوظة دى اول الموضوع
وربنا يوفقك يا حببيتى

[SwOrD OF JusTice]

مشكووووووووووووووووووور



بس مفيش خلطه سطرين تلاته اقراهم


الموضوع دا قد منهج الفلسفه

[مريم السباعى.]

المشاركة الأصلية كتبت بواسطة SilenT-HeLL

مشكووووووووووووووووووور



بس مفيش خلطه سطرين تلاته اقراهم


الموضوع دا قد منهج الفلسفه

يا حببيتى لكل مقام مقال
وانا بكلم عن الثانوية يبقى الكلام يكون ازاى
شوفى انتى بقا
ومعلش هو طويل علشان غطى كل الجوانب

[~ Smile 4 Life ~]

أنا لسة مقرتش الموضوع كله
بس بجد موضوع فوق الروووووووووعة يا مريومة
بجد أشكرك جزيل الشكر يا حبيبتي

[.MOHAMED SAMY.]

الموضوع حلو ومفيد بس محتاج تنظيم اكتر من كده وفيه كلام كتير ناقص حروف والموضوع طووووووووويل جدا ... طبعا مشكورة على الموضوع الرااااااااائع

[كيمو رشاش]

بجد موضوع تحفة والله حلو جدااااا ربنا يكرمك ياااارب ...أنا قمت غيرت ديكور أوضتي وهكمل قراية الموضوع اهو

[SwOrD OF JusTice]

المشاركة الأصلية كتبت بواسطة مريم السباعى.

يا حببيتى لكل مقام مقال
وانا بكلم عن الثانوية يبقى الكلام يكون ازاى
شوفى انتى بقا
ومعلش هو طويل علشان غطى كل الجوانب

هى صوره تويتى قلبتنى حبيبتى لالالالالالا

انا تويتى اه بس راجل اوى ( HellMaster )