يــــــــــلا جـــــــــــامعـــــــــــه :)

[To Be Is To Do]

تانى اسبوع جامعه

نازل الصبح من البيت قابلتنى الست أم عيلاء ( الست الشلته ) اللى فالعماره كنت ماسك البالطو عشان عندى سيكشن انتاج المهم " صباح الخير يا خالد ، ومالك ماسك بالطو اخوك ليه هو انت حولت لطب " " هههههههههههه لا اصلى عندى سيكشن انتاج ولازم البالطو ا حاجه ، عن اذنك " " يا خويا استنى هى الكليه حتطير ، تجبليش معاك ب جنيه عيش قبل الكليه " " هههه يا ستى عندى كليه الله يسترك سلام سلام "
المهم طلعت ع البحر وركبت المشروع ورحت الكليه متاخر طبعا عقبال ما دخلت المدرج كان فات ربع ساعه ولسه داخل " انت داخل تكيه اتفضل برا " " معلش ا دكتور المواصلات وحشه " " طب ادخل واى تاخير مش حتدخل بعد كده " بصوت واطى "قال يعنى داخل الجنه "
المهم دخلت روحت متكعبل فى رجل واحد شكله لبش كده " مش تحاسب يا اخ مكفايه داخل .... ام المحاضره المحاضره متاخر " وانا مبتسم " سورى اهندسه معلش " وعدت المحاضره وبعدها اضطريت اعدى ع الكافيتريا عشان اجيب اى عصير اطفحه بدل حرقه دم المحاضره اللى ع الصبح دى والاقى واحد بياكل هو وصاحبته وقال ايه بياكلها ف بقها قال يعنى مشلوله وبصوت واطى " تلاقى اختك قاعده برده وواحد بياكلها ف الكليه بتاعتها المهم رايح سيكشن الانتاج ودخلت السيكشن وهب البالطو اتشبك فى الماكينه واتقطع وهب البنات " كركركركركركركرككر " قال يعنى قلت نكته
وخلصت وروحت
وكان يوم عسل الحكيكه
وبعد ده كله تاكدت ان الست ام عيلاء دعت عليا عشان مجبتش العيش

هندسه تاديب وتهذيب واصلاح
هو ده الاصلاح


والى اللقاء يا اصدقاء دمتم ف حفظ الله