اية رايكم فى نظام الثانوية الجديد

[مكاريوس عبيد]

ممكن نعرف رايكم فى نظام الثانوية الجديدة دة وانت من راايكم القديم ولا الجديد

[ahmad khalid]

الجديد طبعا

[..: Pink rose :..]

كل نظام و له مميزاته و عيوبه
فمقدرش احكم الا بعد تجريب النظام الجديد اولا و رؤية نسب النجاح و بعدين نبقى نقارن
بس اكيد الثانوية سنة اريح من سنتين بالنسبة للمجهود و الضغط النفسي

[SUNLIGHT00097]

القديم طبعا لانى الجديد هناخد 9 مواد بدل ما كنا بناخد خمسه وكمان سنه واحده لا صابت لا خابت مفيش تعويض دا بالنسبه للطالب المتوسط والضعيف
بس الجديد ميزته انه سنه واحده الواحد ينتحر فيها ويدخل الكليه اللى حاببها دا بالنسبه للطالب الممتاز

[المتفائله...]

الجديد طبعا
علشان الضغط النفسى للطالب ولان موضوع السنتين ده ممل علشان الطالب اللى بيجيب مجموع كبير بيقى حاسس انه متميز ومش بيذاكر معدا ناس قليلة والطالب اللى بيجيب مجموع قليل بيبقى محطم
فموضوع سنة واحدة افضل للطلاب واولياء امورهم وال9 مواد الى هتاخدهم منهج سنة واحدة مش معقولة هيحطوا منهج سنتين فى سنة ده رائيى
بالتوفيق للجميع

[sameh mostafa]

النظام الجديد اسواء لاسباب
1_احنا كنا بنعترض ان تحديد مستقبل الواحد متوقف على سنتين ما بالك بسنة واحدة
2_يصعب ع الفرد تدارك اخطائه سواء بالتعويض او التحويل لشعبة اخرى
3_يزيد الضغط ع الطالب بطريقة بالغة
والحسنة الوحيدة
هو رفع الحمل المادى عن الاهل لكن بعض المدرسين سيرفعون من مصاريف الدروس للتعويض

[Ice Princess2020]

انا ان النظام القديم اسهل عشان عندنا خمس مواد بس لو الواحد قعد كدا ذاكرهم كويس اوى هيحفظهم
اما النظام الجديد مش عاجبنى لان هيكون عندنا 9 مواد