إستفسار بخصوص كلية السياحة و الفنادق

[a7med_7akeem]

السلام عليكم ورحمة الله وبركاته

تنسيق المرحلة الثالثة بدأ النهاردة يا شباب ، و التنسيق بتاعي جايلي فيه سياحة و فنادق حلوان تعليم تبادلي ، و سياحة وفنادق حلوان بعين حلوان ، و الفيوم و المنصورة و الإسكندرية و المنوفية و الأقصر و المنيا والسويس ....

أنا كنت عاوز أعرف بس ، هل لو أنا إخترتها و جاتلي في نتيجة التنسيق ، هخش إختبارات قدرات بعد ما تجيلي ؟؟ ولا لازم أروح من دلوقتي أقدم ؟؟ و هل دفع المصروفات مقدماً ولا أقساط زي الكليات الخاصة ؟ و إيه هو الفرق بين التعليم التبادلي و العادي .. و ملحوظة كمان بس .. أنا مكتوبلي قبل كل كلية حرف (ب) أو (ج) .. هل دا له معني ؟؟

مع العلم .. أنا جايب في اللغة الأجنبية الأولي مجموع السنتين 43/50 يعني حوالي 86 %

شكراً و أسف إني هتعبكم معايا

[ايمان هارون]

الحروف ال ب و ج دة التوزيع الجغرافى كل ام تبقا الكلية بعيدة كل ام يبقا الحروف بتزيد بس انتة مينفعش انك تكتب اى من كليات السياحة ف الرغبات بتاعتك الا لم تعمل القدرات قبلها ودلوقتى القدرات قفلت ومش هتفتح تانى ولو فتحت ابقا اعمل تحويل من كليتك الى هتجيلك لسياحة ومن حيث دفع المصاريف هما 300 جنية ف السنة بس

[a7med_7akeem]

طب أنا لو حطيتها في التنسيق و جتلي في نتيجة التنسيق .. مينفعش أقدم فيها و بعدين أخش إختبارات ؟؟

[ايمان هارون]

عموما قدم ولو جتلك شوف ربما يفتحوها بعد التنسيق القدرات

[islam el baroudy]

انا كنت عايز اعرف نتيجة اختبار القدرات لسياحه وفنادق تعليم تبادلى حلوان؟

[No.CommenT]

نا عوز ادخل كلية سياحة وفنادق بس انا مش عملت اختبار القدرات انا مش عرفت انوو فتح تانى فهل ممكن اروح الجامعة هناك وى اقدم من غير اختبار القدرات دى ولا مش هينفع خلاص وى هى نزلت تانى فى التسجيل فهل اسجل وى ممكن تجيلى ولا ممش ممكن ادخلهاا خلاص هماا بيقلواا لسة عوزين ناس فيهااا مش عارف اعمل اية هل ممكن يفتحواا اختبار القدرات تانى ولا مش ممكن خلاص كدة مش ممكن ادخلهاا هى من 60 فى المية وى انا جايب 77.5 %

[ايمان هارون]

المشاركة الأصلية كتبت بواسطة no.comment

نا عوز ادخل كلية سياحة وفنادق بس انا مش عملت اختبار القدرات انا مش عرفت انوو فتح تانى فهل ممكن اروح الجامعة هناك وى اقدم من غير اختبار القدرات دى ولا مش هينفع خلاص وى هى نزلت تانى فى التسجيل فهل اسجل وى ممكن تجيلى ولا ممش ممكن ادخلهاا خلاص هماا بيقلواا لسة عوزين ناس فيهااا مش عارف اعمل اية هل ممكن يفتحواا اختبار القدرات تانى ولا مش ممكن خلاص كدة مش ممكن ادخلهاا هى من 60 فى المية وى انا جايب 77.5 %

ممكن تخوش بس تخوش تبادلى بس

[abdalwhab212]

السلام عليكم
انا عايز ادخل كليه سياحه وفنادق فى اسكندريه بس انا فى اخر سنه فى دبلوم سياحه وفنادق 5 سنين
ممكن اكمل كليه ؟؟؟ وايه شروط القبول فى الكليه؟؟
ممكن اى حد فى نفس الكليه فى اسكندريه ممكن يفيدنى