عندك أي سؤال عن كليه العلاج الطبيعى أو المواد الدراسيه ....أتفضل أدخل

[Nada_Mohsen]

المشاركة الأصلية كتبت بواسطة dr/nor pt

بس هو اكيد موضوع الخمس سنين دة يا دكتورة ندى ولا اية وكمان اعتقد ان كدة الطلبة هيخرجوا بلدى بى تى صحيح

بصى الخمس سنين و سنة أمتياز دول مش عليكوا لسا
إن شاء الله ع الدفعة الجاية
و هى أحنا ع النظام القديم هانتخرج و بعدها نعمل الدى بى تى
اما هم بياخدوا level من الدى بى تى لكن معرفش وضعهم أيه لما بيتخرجوا مثلا بياخدوا الباقى ولا أيه بالظبط لأنهم مبيبقوش خدوا كل مواد الدى بى تى

[dr/nor pt]

اة كويس يعنى مش علينا بس لما نتخرج احنا عادى ممكن ناخد الدى بى تى من هنا

[Nada_Mohsen]

من هنا قصدك من مصر يعنى
اه ممكن إن شاء الله

[dr/nor pt]

كويس انا افتكرت مينفعش اخدها من مصر ولازم من برا بس دى محتاجة سنتين علشان اخدها صح

[Nada_Mohsen]

ما هى إن شاء الله هاتطبق مع اللايحة الجديدة بتاعت الخمس سنين
أقصد إن الأتنين محطوطين فى التعديل

و أه هى فى حدود سنتين تلاتة إن شاء الله

[dr/nor pt]

يا لا مش مهم الحمد لله انا اساسا ناوية اخلص واخلع على امريكا ان شاء الله بابا معاة اقامة وزى الفل اروح اشتغل واخدها من هناك احسن

[Nada_Mohsen]

أختصرتيها و الله

[dr/nor pt]

ههههههههههههه احسن بردوا حد يقول للرزق لاء

[فداء عمارة]

السلام عليييكم
اتمنى منك الافااااااااادة
بالنسبة للمغتربيييين وجايبة 95.7 هل فيه فرصه للعلاج الطبييعي
وايه الحد الادنى لدخوووله
(( للمعلومية انا من السعودية ))

[Nada_Mohsen]

الحقيقة مققدرش أفيدك
لكن ممكن تسألى فى مكتب التنسيق حتى الكلية مش هايبقوا عارفيين إلا لما النتيجة بتاعت التنسيق تطلع
مكتب التنسيق الرئيسى موجود جمب الجامعة ع طول قصاد باب تجارة و كمان لو حصل و قالوا لحضرتك تروحى الكلية الكلية فى أخر شارع الملاعب اللى جمب مكتب التنسيق ع طول و ممكن كمان تخرمى من جوا لو سألتى حد
او ممكن تسألى ع جروب أتحاد طلاب كلية العلاج الطبيعى جامعة القاهرة 2012 هابعت لحضرتك اللينك بتاعه ع الفيس

[ماما ميا ميا]

مبرووووووووووووووك تثبيت الموضوع
و نتمني منكم الحفاظ علي المجهود الرائع في مساعده الطلاب

[sososan]

انا طالبة سورية بدي اسجل .. فيني ؟!
وايمتى التسجيل
النظام فصلي ولا سنوي
شكرا

[شرقاوى66]

ماهى التوقعات بدرجات القبول هذا العام لكلية العلاج الطبيعى

[mahmoud888]

انا عايز اعرف هي علاج طبيعي ولا صيدله احسن

[john99]

المشاركة الأصلية كتبت بواسطة mahmoud888

انا عايز اعرف هي علاج طبيعي ولا صيدله احسن

بص يا دكتور انا واحد من الناس السنة اللى فاتت كان تنسيقى جايب صيدلة و علاج طبيعى و كنت محتار زى حضرتك بالضبط لكن بعد ما سألت و عرفت كل حاجة عن الكلية تقريبا و جدت انها بتعادل الطب البشرى كمان و امكن افضل لان فرص العمل المتوفرة اكتر و عدد الخريجيين اقل و فرص السفر كبيرة و هى بتختلف عن صيدلة فى انها فى تقدم مستمر ... ده غير ان علاج طبيعى مصر بيحتل المركز الثالث عالميا ..... سلبياتها فى نظام التعليم فى الكليو نفسه من عدم تنظيم و مشاكل فى الامتحانات لكن دى مشاكل موجودة فى كل الكليات بس كده ..