أى اللغتين أسهل ( فرنسى / ايطالى ) نرجو الدخول من الجميع :> مدرسى اللغات و الطلاب ::(

[hamada_97]

1. يا بوابة الثانوية أنا هادخل أولى ثانوى
   
2. و سمعت كتيـــــــــر ان الايطالى سهل جدا
   
3. لكن سمعت ( مش كتير خالص ) ان الفرنساوى هايبقى منهجه سهل برضو
   
4. فياريت من أهل الخبرة من الطلاب اللى درسوا اللغات ديه يقولونا انهى اسهل و يا ريت لو فى مدرسين بيدرّسوا اللغات ديه يقولوا برضوه

آسف على اللغة العامية لأننى مستعجل جدا

[.MOHAMED SAMY.]

انا داخل 3 ثانوى وكنت واخد فرنسى ... المنهج كان طويل السنه اللى فاتت (2) بس والله كان سهل وانا ف سنه اولى كان المنهج حلو اوى مش طويل يعنى وسهل
الحمد لله انا جايب فيه الدرجة النهائية ...

انا مقدرش اقولك ادخل فرنسى لان اكتر الناس اللى جربوه دخلوا المانى علشان قالوا ده صعب وطويل والالمانى بيلتزم بكتاب المدرسة والدليل ف الامتحان ( ده اللى سمعته) لكن اللى دخلوا فرنسى جابوا فيه اكتر من اللى دخلو المانى ..

الايطالى ماسمعتش عنه حاجه لانه مش موجود عندنا بس انا كل اللى سمعته ان الفرنساوى هيبقى المنهج قصير وهو المنهج سهل والله

[ahmad khalid]

انا درست الفرنساوى فى اعدادى هو كان سهل الا قاعدة جرامير او قاعدتين كانو رخمين شوية بس الصراحة ما كنتش بذاكره كتير عشان مكنش بيضاف اما بالنسبة للمنهج اللى كان بتاع الثانوية النظام القديم فده هينقسم

[SUNLIGHT00097]

انا فى اولى ثانوى وشايفه ان الفرنساوى سهل مش صعب

[Princess nemo]

انا درست اللغة الايطالية و هى حلوة جدا و سهلة و ممتعة بس لو ذاكرتها بانتظام و مش بتاخد وقت كبير فى المذاكرة بس المهم تهتم بيها. اما الفرنساوى معرفش عنه كتير بس اعتقد ان الايطالى اسهل و ربنا يوفقك.

[user22]

أنا أنصحك تختار French لأنه منتشر أكتر من الـItaly من ناحية الملازم والمدرسين والامتحانات وغيره . أنا عن نفسي ما شفتش منهج الـItaly عشان أقارنه بالـFrench , بس كنت مختار FR والحمد لله جبت 48.5/50 بمجهود عادي بالتوفيق ان شاء الله .

[ahmed H capo]

انا مكنتش بذاكر الفرنساوي اصلا
وجبت السنادي 49
وطالع تالتة ثانوي اهو ان شاء الله
بس نصيحة خد درس من دلوقتي عشان تتأسس صح

[(( لؤلؤة الايمان ))]

انا لسة رايحة تانية ثانوى على النظام الجديد
ومع النظام ده هيكون عندنا تلات لغات فى تالتة عربى وانجليزى واللغة التانية
انا شايفة الفرنساوى ماليان كلمات وقواعد وده هيكون تقيل علينا فى تالتة مع كتر المواد 0

انا معرفش حاجة عن الايطالى لكن لو كان عندنا لغة تانى غير الفرنساوى كنت هختارها
بس ده مش معناه ان الفرنساوى صعب او وحش دى قدرات تختلف من شخص لاخر0
ونصيحة منى اخى فى الله شوف المادة الاخف فى كمية القواعد والكلمات وخدها0
ووفقك الله ووفقنا جميعا لما يحب ويرضى0

[a7med bondok]

والله انا كنت المانى السنه اللى فاتت جبت خمسين حلو بس برضه مقدرش انصحك باي ماده شوف انت حابب ايه وادخله وقارن المناهج

[Ice Princess2020]

انا رايحة 2 ثانوى ودرست فرنساوي السنة اللى فاتت وكان سهل اوى وقفلت فيه الحمد لله بس مش عارفة اذا كان الايطالى اسهل منه ولا لا

ربنا يوفقك

[hobahoby]

انا كنت فرنساوى هو منهجة حلو بس عايز مذاكرة اول بأول بس امتحاناتة حلوة اوى بجد سهلة جدا
ربنا معاكى و يوفقك يا رب

[mido.uwk07]

بص أزميلى أنا رايح تانية و أنا كنت مختار ايطاليانو ف اولى الصراحة لغة لذيدة أوى و مش بتحتاج وقت كبير للمذاكرة و نطقها ساهل عكس الفرنساوى فية بعض كلمات نطقها صعب و تيجى تكتبها تكتب تكتب حاجة تانية غير اللى انت نطقته !!!! بس مش اصدى ان الفرنساوى صعب كده بس ف حاجات رخمة زى كده
شــــوف انت و رحاتك

[amothman123]

بصراحة الأثنين مالهمش أى 30 مليون لازمة فى الحياة .. لإنك عمرك ما هاتستفيد بيهم
بس الفرنساوى ممتع فعلاً و مالهوش منهج أساساً .. و كلمات الامتحانات بتبقى عامة جداً و عادية جداً و القواعد كل أسئلتها فى الامتحانات سهلة
من الآخر كدة مفيهوش غير القطعة بتاعت الامتحان هى دى الى ممكن تضيعك فعلاً
الإيطالى ماعرفش نفسه بس الأكيد إنه مالوووووووووووووووش أى لازمة أكثر من الفرنساوى

[amothman123]

المشاركة الأصلية كتبت بواسطة mido.uwk07

بص أزميلى أنا رايح تانية و أنا كنت مختار ايطاليانو ف اولى الصراحة لغة لذيدة أوى و مش بتحتاج وقت كبير للمذاكرة و نطقها ساهل عكس الفرنساوى فية بعض كلمات نطقها صعب و تيجى تكتبها تكتب تكتب حاجة تانية غير اللى انت نطقته !!!! بس مش اصدى ان الفرنساوى صعب كده بس ف حاجات رخمة زى كده

شــــوف انت و رحاتك

مش مهم خالص النطق دة
أنا كنت بنطق الفرنساوى ألمانى
و المدرسة ماكنتش بتهتم خاااااااالص لإنها مادة هاتخلصها و ترميها بعد كدة للأبد
فكانت بتسيبنا ننطق الكلمات زى ما أحنا عاوزين
و جبت فيها 50 الحمدلله و الامتحان كان متخلف

[Nourshan Magdy]

انا كنت فرنساوى فى اعدادى واخترته كمان فى ثانوى هو حلو وسهل وكمان مدرسين المادة كتير بس لو هتختاره خد فيه درس من سنة اولى هو سهل والله بس للتاسيس لسنة تانية علشان ممكن تطنش وماتخدتش وممكن تجيب فيه درجة حلوة بس علشان سنة تانية وتالتة ده فى اى لغة عموما هما بيدخلوا اول اسبوع مدرسين اللغات الى عندك وبيتكلموا عن مادتهم احنا عملوا عندنا كده علشان نختار الى يريحنا وكانوا عاملين فصول للى يحب يحضر علشان يعرف المنهج فى اول اسبوع فى الفسحة او فى حصص الالعاب.بس هو الفرنساوى عموما سهل وفى تشابه كبير فى الكلمات بينه وبين الانجليزى